सबै चकलेटहरू उस्तै हुँदैनन्। डार्क चकलेटमा उत्कृष्ट प्रकारको एण्टिअक्सिडेन्टको प्रयोग गरिएको हुन्छ, जुन स्वास्थ्यको लागि राम्रो हुन्छ (तर धेरै खानु स्वस्थकर हुदैन)। दूधको चकलेटमा बढी चिल्लो पदार्थ हुनाले यो डार्क चकलेटभन्दा हानिकारक हुन्छ। स्वास्थ्यकै कुरा गर्दा चकलेट भरीमा ‘सेतो चकलेट’ सबैभन्दा अस्वस्थ चकलेट हो। यसको एउटा सानो टुक्रामा लगभग ५० ग्राम चिनी हुन्छ (लगभग १२ चम्चा)। यस्ता धेरै चिनी प्रयोग गरिएको चकलेट खाँदा दाँतमा किरा लाग्ने, मोटोपना बढ्ने, मधुमेहको लक्षण देखा पर्ने जस्ता समस्याहरू आउन सक्छन्।

फ्रेन्च फ्राइ र आलु चिप्स बनाउँदा आलुलाई तेल र बोसोमा मस्तले फ्राइ गरिएको हुन्छ, जुन चाहिँ हृदयघातको मूख्य कारण हो। आलुमा यसै त धेरै भन्दा धेरै पौष्टिक तत्वहरू पाइन्छन्, त्यसलाई अझ तेल र बोसोमा फ्राइ गरेपछि, उक्त पौष्टिक तत्व हानीकारक तत्वमा परिवर्तन हुन्छ र यसले शरीरमा सुगरको मात्रा बढाउने, रक्तचाप बढाउने, अनि मोटोपना बढाउने गराउँदछ।

हामीलाई पपकर्न त्यति हानिकारक हुन्छ जस्तो त लाग्दैन, तर मेसिनबाट भुटिने हुँदा यसमा हुने पौष्टिक तत्वहरूको क्षय भई हानिकारक चिल्लो पदार्थ र सोडियम, कार्सिनोजेन्स तथा डाइएसिटाइलमा परिवर्तन हुन जान्छ। डाइएसिटाइल यस्तो रसायन हो जसले क्यान्सर गराउँदछ। त्यसमाथि चलचित्र भवनमा पपकर्नलाई प्याक गरिएर राखिएको प्लास्टिकमा ‘पर्फ्लोरोकेमिकल’ हुन्छ, जसले गलगाँड तथा घाँटीको क्यान्सर गराउन सक्दछ।

- http://www.nepalinewspaper.com/2016/01/blog-post_3263.html