Nepal News, Video, Song, Movies: सचिवालयको निर्णयबारे उपसभामुख तुम्बाहाङ्फेको प्रतिक्रिया : मैले किन राजीनामा दिने ?

सचिवालयको निर्णयबारे उपसभामुख तुम्बाहाङ्फेको प्रतिक्रिया : मैले किन राजीनामा दिने ?

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौं । उपसभामुख शिवमाया तुम्बाहाङ्फेले आफूले पदबाट राजीनामा नदिने बताएकी छिन् ।

शनिवार प्रधानमन्त्रीको सरकारी निवास बालुवाटारमा बसेको सचिवालय बैठकले सभामुख तुम्बाहाङ्फेलाई उपसभामुखबाट राजीनामा गर्न लगाउने निर्णय गरेको थियो ।

सचिवालय बैठकपछि प्रवक्ता नारायणकाजी श्रेष्ठले आफ्नो पार्टीबाट निर्वाचित उपसभामुखलाई राजनीनामा गर्न लगाउने निर्णय भएको बताएका थिए ।

निर्णय सार्वजनिक भएसँगै खबरहबसँगको कुराकानीमा उपसभामुख तुम्बाहाङ्फेले आफूले पदबाट राजीनामा नदिने बताएकी हुन् ।
‘मैले किन दिने राजीनामा ?’ उपसभामुख तुम्बाहाङ्फेले भनिन्,‘सभामुखका लागि म योग्य छु ।’

नेकपाको सचिवालय बैठकले उपसभामुखलाई राजीनामा गराएर सभामुखमा उम्मेदवारी दिने निर्णय गरेको भएपनि कसलाई सभामुख बनाउने भन्ने निर्णय भने नगरेको प्रवक्ता श्रेष्ठले बताए ।

सभामुख उम्मेदवार को हो भन्ने प्रश्नमा श्रेष्ठले भने, ‘त्यो आउँछ नि ! पहिला उपसभामुखको राजीनामा आउनुपर्‍यो।’

नेकपामा त्रिपक्षीय शक्ति संघर्ष

सत्तारुढ दल नेकपामा सभामुखको विषयमा त्रिपक्षीय शक्ति संघर्ष देखिएको छ ।

नेकपाका एक जना सचिवालय सदस्यका अनुसार तीन पक्षको आ–आफ्नो दाबी र व्यक्ति भएका कारण समस्या उत्पन्न भएको छ ।

पार्टी अध्यक्ष एवं प्रधानमन्त्री केपी शर्मा ओली सुवास नेम्वाङलाई सभामुख बनाउन चाहन्छन् भने अर्का अध्यक्ष पुष्पकमल दाहाल प्रचण्ड पूर्व माओवादी नेता अग्नी सापकोटालाई सभामुख बनाउनु पर्ने अडानमा रहेका छन् ।

त्यस्तै तत्कालीन एमालेकी पूर्व उपाध्यक्षसमेत रहेकी राष्ट्रपति विद्यादेवी भण्डारीलेसमेत सभामुखमा चासो व्यक्त गरेको नेकपाका नेताहरुको भनाइ छ ।

उपसभामुख शिवमाया तुम्बाहाङ्फेमाथि शीतल निवासको सदासयता रहेका कारण उनले सभामुखमा आफ्नो दाबेदारी प्रस्तुत गर्दै आएको नेकपाका एक नेताले बताए ।

आइतवार प्रतिनिधिसभाको बैठक आह्वान गरिएको छ ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2RbkyGe via IFTTT