Nepal News, Video, Song, Movies: कांग्रेससंग एकता भंग गरि आफ्नै पुरानो पार्टी बनाउने गच्छदारले दिए चेतावनी

कांग्रेससंग एकता भंग गरि आफ्नै पुरानो पार्टी बनाउने गच्छदारले दिए चेतावनी

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौं । नेपाली कांग्रेसका नेता विजयकुमार गच्छदारले एकताका बेला भएको सहमति कार्यान्वयन नभए एकता भंग गरिदिने चेतावनी दिएका छन् ।

“कांग्रेससँग भएको सहमति कार्यान्वयन नभए देशभरका आफ्ना कार्यकर्ता बोलाएर एकता भंग भएको घोषणा गरिदिन्छु,” गच्छदारले भने, “रामजनम चौधरी एउटा चुनाव हार्दैमा उ केन्द्रीय सदस्य पनि हुन नसक्ने व्यक्ति कसरी भयो र? ”

उनले झापादेखि कञ्चनपुरसम्म आफ्ना कार्यकर्ता भएको बताउँदै फेरि पनि राष्ट्रिय राजनीतिमा छवि बनाउन आफूलाई कुनै समस्या नभएको बताए ।

“विभाजित कांग्रेसले आगामी चुनौतीको सामना गर्न सक्दैन । कांग्रेससँग मेरो वान साइडेड लभ हो,” गच्छदारले भने, “झापादेखि कञ्चनपुरसम्म मेरा आफ्ना कार्यकर्ता छन् । अब पनि कांग्रेसभित्र भाग पाउन लागि म रुने, कराउने ? एकपटक कांग्रेस छाडेर राष्ट्रिय राजनीतिमा मैले बनाएको व्यक्तित्व छर्लङ्ग छ ।”

उनले आफू कांग्रेसलाई बलियो बनाउन आएको भए पनि अहिले बेवास्ता गरिएको बताए ।

“कांग्रेसलाई बलियो बनाउँछु भनेर आएको हुँ । एमाले र माओवादीको बहुमत पुग्छ यिनीहरुले साम्यवाद ल्याउँछन् भनेर नै कांग्रेसमा पार्टी मिलाएको हुँ, देश जोगाउन भनेर म कांग्रेसमा समाहित भएको हुँ ।

कांग्रेससँग सहमति हुनुभन्दा अघि २०७४ असोज २ गते केपी ओली र प्रचण्डसँग अढाईघन्टा छलफल भएको थियो । सँगै चुनाव लडौं भनेर भनेका थिए । तर मैले मानिन । उनीहरुको भित्रि आसय बुझेर म कांग्रेसमा आएको हुँ । माओवादी र एमालेसँग मिलेर चुनाव लडेर अहिले सत्ता सञ्चालन गरेको भए २० लाख कांग्रेसले मलाई सराप्थे । त्यसैले नलागेको हुँ । अब कर्नरमा पार्ने काम नगरियोस् ।”

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2KZtDOh via IFTTT