Nepal News, Video, Song, Movies: अङ्ग्रेजी नयाँ वर्षको पूर्वसन्ध्यामा यसरी संगीतमा झुम्यो ठमेल

अङ्ग्रेजी नयाँ वर्षको पूर्वसन्ध्यामा यसरी संगीतमा झुम्यो ठमेल

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौँ, १६ पुस । अङ्ग्रेजी नयाँ वर्ष सन् २०१६ को पूर्वसन्ध्यामा स्थानीय प्रमुख पर्यटकीय केन्द्र ठमेलमा साङ्गीतिक कार्यक्रम आयोजना गरिएको छ ।

ठमेल पर्यटन विकास परिषद्ले हरेक वर्ष झँै यस वर्ष पनि आज ठमेलमा आयोजना गरेको विशेष सडक महोत्सवको उद्घाटन गर्दै नेपाली काँग्रेसका युवा नेता एवम् सांसद गगनकुमार थापाले अघिल्लो वर्ष मुुलुकले विभिन्न प्रतिकूलता व्यहोर्नुपरेको भए पनि सन् २०१६ उज्जवल रहोस् भनी कामना गर्नुभयो ।

नेपाल पर्यटन बोर्डका प्रमुख कार्यकारी अधिकृत दीपकराज जोशीले सन् २०१५ जे जस्तो भए पनि नयाँ वर्ष पर्यटन क्षेत्रका लागि फलदायी हुने विश्वास व्यक्त गर्नुभयो । परिषद्का अध्यक्ष रामशरण थपलियाले मुलुकको पर्यटन क्षेत्रका लागि आकर्षकको केन्द्र मानिने ठमेललाई सेवा सुविधाका दृष्टिमा थप प्रभावकारी बनाउने दृढता व्यक्त गर्नुभयो ।

साङ्गीतिक कायक्रममा सयौँ युवा, विभिन्न पेसाका नागरिकलगायतले मनोरञ्जन लिए । ठमेलका साथै दरबारमार्गलगायत क्षेत्रमा नयाँ वर्षको स्वागतका लागि झिलिमिली बत्तीका साथै विभिन्न कार्यक्रम गरिएको छ । नयाँ वर्ष मनाउने सर्वसाधारणको उत्साहपूर्ण भिड देखिएको छ ।

# Source News from Entertainment – Taja Khabar http://bit.ly/1VrX4aV