Nepal News, Video, Song, Movies: घर बनाउन धुर्मुस डाँडागाउँ पुग्दा पहरी समुदायलाई भगवान नै पुगे जस्तो भयो

घर बनाउन धुर्मुस डाँडागाउँ पुग्दा पहरी समुदायलाई भगवान नै पुगे जस्तो भयो

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौं, जेठ १८ - चर्चित टेलिश्रृँखला मेरी बास्सैका धुर्मुस र सुन्तली अर्थात सिताराम कट्टेल र कुञ्जना घिमिरेलाई हिजोआज घर र चर्पी बनाउन भ्याईनभ्याई छ । भूकम्प गएलगत्तै प्रभावित क्षेत्रका पीडितलाई सहयोग गर्न हिँडेको यो जोडीले यसअघि नुवाकोटमा घर, विद्यालय र शौचालय बनाइसकेको छ ।

उनीहरुलाई अर्को हाँस्य टेलिश्रृँखला भद्रगोलका कलाकार र सगुन डट कमको समूहले सहयोग गरेको छ । यो टोली अहिले काभ्रेको विकट ठाउँ पाँचखाल डाँडागाउँमा पुगेको छ । पहरी समुदायको वस्ती रहेको त्यस ठाउँमा एकीकृत वस्ती अन्तर्गत २० वटा घर बनाउने तयारी भएको कट्टेलले जानकारी दिनुभयो । घर बनाउन स्थानीय श्याम पहरी र अर्जुन ठकुरीले जग्गा दिनुभएको छ । राज्यबाट सहयोग नपाएको अवस्थामा कलाकारको टोलीले घर बनाइदिन खोज्दा समुदायलाई निकै राहत मिलेको पहरीले बताउनुभयो । ‘यहाँका समुदायले कुनै सहयोग पाएका थिएनन्’ पहरीले भन्नुभयो, ‘उहाँहरु आउँदा भगवान भेटेजस्तै भयो ।’
श्रोत उज्यालो