Loading...

काठमाडौं, पुस १६ – नेपाल पत्रकार महासंघका सभासद् तथा चक्रपथ डटकममा पत्रकार कमल पराजुलीलाई समाचार संकलनमा क्रममा पुस १५ गते विज्ञान प्रविधि तथा वातावरण मन्त्रालयका सचिव डा. कृष्णचन्द्र पौडेलले दुब्र्यवहार गरेको घटनाप्रति महासंघले गम्भीर ध्यानाकर्षण भएको बताएको छ ।

वातावरण मन्त्रालयको समेत जिम्मेवारी लिएका प्रधानमन्त्री सुशील कोइराला एक वर्षमा एकपटक पनि मन्त्रालय नपुगेका कारण विभागीय मन्त्रीको समय नपाउँदा मन्त्रालयको काम कारबाहीमा परेका प्रभावको विषयमा समाचार संकलन गर्न सचिव पौडेलको कार्यकक्ष पुगेका पत्रकार पराजुलीलाई उल्टै ‘यस्तो पनि समाचार हुन्छ, समाचार लेख्न आउदैन, यस्ता काम नलाग्ने पत्रकार मेरो कोठामा नआउनु’ भन्दै गालीगलौज र दुब्र्यवहार गर्दै सचिव पौडेलले कार्यालयबाट बाहिर निकालेका थिए ।

‘सार्वजनिक पदमा बसेका जिम्मेवार अधिकारीबाट भएको यो घटना स्वतन्त्र पत्रकारितामाथिको गम्भीर प्रहार हो । यो घटनाले संविधानले प्रत्याभूत गरेको पत्रकारको अधिकार र नागरिकको सुसूचित हुने अधिकारमाथि अघात पुगेको,’ महासंघले बताएको छ ।

‘महासंघ पत्रकार पराजुलीमाथि भएको दुव्र्यवहारको कडा शब्दमा निन्दा गर्दै घटनाको यथार्थ पत्ता लगाई दोषीमाथि कार्वाहीको माग गर्दछ,’ संगीता खड्काद्वारा जारी विज्ञप्तिमा भनिएको छ ।

Loading...