१७ पुस, काठमाडौं । अख्तियार दुरुपयोग अनुसन्धान आयोगले नेशनल एकेडेमी फर मेडिकल इजुकेशन नेमका सञ्चालक डा. नविनकुमार शर्मालाई फेरि पक्राउ गरेको छ ।

एमबीबीएस छात्रवृत्ति कोटाको प्रश्नपत्र किनबेच प्रकरणमा अनुसन्धानका क्रममा हिरासतमा लिएकाहरुलाई बुधबार म्याद थपका लागि विशेष अदालतमा लैजाँदा शर्माले अनुसन्धानमा बाधा पुर्‍याउनुका साथै कर्मचारीहरुलाई गाली गलौज गरेको अख्तियारले जनाएको छ ।

शर्माले अख्तियार ऐनको दफा २४ विपरित काम गरेकाले अनुसन्धानका लागि पक्राउ गरिएको अख्तियारले जनाएको छ ।