Nepal News, Video, Song, Movies: अब मेरो काम हेरेर मात्र मुल्याङ्कन गर्नुहोला : लाहर्क्याल लामा

अब मेरो काम हेरेर मात्र मुल्याङ्कन गर्नुहोला : लाहर्क्याल लामा

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौं । नेकपा(माओवादी केन्द्र) को कोटाबाट लुम्बिनी बिकास कोषको उपाध्यक्षमा नियुक्ति हुनुभएका नेकपा(माओवादी केन्द्र) केन्द्रिय सदस्य तथा सिन्धुपाल्चोकका नेता खेन्पो लार्क्याल लामाको बिषयमा मिडियामा तथा सामाजिक सन्जालमा बिभिन्न किसिमका बिरोधावास टिप्पणीहरु भए पनि उहाँको घरमै पुगेर बधाई तथा शुभकामना दिनेहरुको घुईचो पनि कम छैन ।
बुढानीलकण्ठ ,गाणेश चोक स्थित उहाँको निजि निवासमा बिहानै देखि वधाई तथा शुभकामना दिनेहरुको भिडभाड देखिएको थियो ।
आफ्नो निवासको अतिथिकक्ष र बाहिर कम्पाउण्डमा रहेका शुभ चिन्तक तथा माओवादीका नेता कार्यकर्ता संग ब्यस्त देखिनुभएका उपाध्यक्ष लार्क्याल लामाले यस्ता सानातिना बिरोधहरु आई रहने बताउँदै यदि आफु गलत भए प्रमाणित गरेर देखाउन चुनौति समेत दिनु भएको छ ।
अब दुनियाले के भन्छ होईन मैले यो पदमा रहेर के गर्छु त्यो हेर्नुस् भन्दै लामाले कुरा काट्नेहरुको पछि लागेर साध्य नहुने बताउनु भयो ।
भेटघाट तथा बधाई दिन माओवादीका उच्च स्तरका नेताहरुसमेत लामाको घरमै पुगेका थिए ।
यसै बिच नेकपा(माओवादी केन्द्र) सम्बद्ध सम्पर्क समन्वय बागमती प्रदेशका अध्यक्ष ठुलोबाबु श्रेष्ठको नेतृत्वमा पुगेको टोलिले लामालाई बधाई तथा सफल कार्यकालको शुभकामना दिएको छ ।
शुभकामना दिन जाने टोलिमा बागमती प्रदेश अध्यक्ष ठुलोबाबु श्रेष्ठ , सिन्धुपाल्चोक जिल्ला ईन्चार्ज महेन्द्र घोरासैनी , जिल्ला अध्यक्ष जयराम आचार्य , महिला नेतृ मिथिला सिग्देल , सिन्धुपाल्चोकका युवा नेता जिमि लामा (विश्व), जिल्ला उपाध्यक्ष महेशलाल श्रेष्ठ , १ नम्बर क्षेत्रिय संयोजक विश्वराम पराजुली, क्षेत्रिय सचिव देवराज बस्नेत लगायतको उपस्थिति रहेको थियो ।