Nepal News, Video, Song, Movies: को हुन् नवनियुक्त रक्षामन्त्री ईश्वर पोखरेल ?

को हुन् नवनियुक्त रक्षामन्त्री ईश्वर पोखरेल ?

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौँ । नवनियुक्त रक्षामन्त्री ईश्वर पोखरेलले रक्षामन्त्रीको सपथ लिएसँगै नेपाली र भारतीय सेनाबीच सञ्चालन हुने सूर्यकिरण संयुक्त अभ्याससम्बन्धी फाइल स्वीकृत गरेका छन् । सिंहदरबार, पुतली बगैँचास्थित मन्त्रालयमा सोमवार पदबहाली गर्दा उनले पहिलो सो निर्णय गरेको हो ।

रक्षामन्त्री पोखरेल मन्त्रालयमा पुग्दा प्रधानसेनापति राजेन्द्र क्षत्री, रक्षा सचिव विनोद केसीलगायतले स्वागत गरेका थिए । सो अवसरमा मन्त्रालय र सेनाका उच्च अधिकारीले परिचय र जिम्मेवारीबारे जानकारी दिएका थिए । मन्त्री पोखरेलसँग उद्योग र परराष्ट्र मन्त्रालय सम्हालेको अनुभव छ ।

रक्षामन्त्री पोखरेल नेकपा एमालेका महासचिव एवं काठमाडौँ क्षेत्र नं ५ बाट नवनिर्वाचित प्रतिनिधिसभा सदस्य हुन् । विसं २०१० मा ओखलढुङ्गामा जन्मिएका पोखरेल १६ वर्षको उमेरदेखि नेपाली कम्युनिष्ट आन्दोलनमा होमिएका थिए ।

विसं २०२६ देखि नेपाली राजनीतिमा निरन्तर सक्रिय उनि २२ वर्षका उमेरमा २०३३ सालमा ‘अखिल नेपाल कम्युनिष्ट क्रान्तिकारी को–अर्डिनेशन कमिटी’ को केन्द्रीय सदस्य भएका थिए । विसं २०३५ मा गठित तत्कालीन ‘नेपाल कम्युनिष्ट पार्टी ९मार्क्सवादी–लेनिनवादी०’ को उनि संस्थापक केन्द्रीय सदस्य थिए ।

विसं २०५६ को आमनिर्वाचनमा प्रतिनिधिसभाको सदस्यमा निर्वाचित उनले एमालेको आठौँ र नवौँ महाधिवेशनबाट महासचिवमा पनि निर्वाचित भई पार्टीको केन्द्रीय संगठन विभाग प्रमुख, केन्द्रीय सचिवालय सचिव, केन्द्रीय प्रचार विभाग प्रमुख, विभिन्न जनसंगठनका इन्चार्ज, उपत्यका इन्चार्ज र पार्टी केन्द्रीय कार्यालय प्रमुखजस्ता जिम्मेवारी वहन गरिसकेका छन् ।

विसं २०४० मा सिन्धुपाल्चोकमा भएको ‘पिस्कर हत्याकाण्ड’ र त्यसपछि तत्कालीन निरंकुश सरकारको दमनका बेला त्यहाँको पार्टी कामको नेतृत्व उनले सम्हालेका थिए । तत्कालीन प्रधानमन्त्री मनमोहन अधिकारीको प्रमुख राजनीतिक सल्लाहकारको अनुभव सँगालेका मन्त्री पोखरेल उद्योगमन्त्री भएकै बेला २०६१ माघ १९ को शाही शासनकालमा बन्दी भएका थिए । त्यसबेला उनले ‘माघ १९’ नामक संस्मरण लेखेका थिए । भने उनको ‘पूर्वको रातो तारा’ नामक अर्को स्मरण कृति पनि प्रकाशित छ ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2BSq3DK via IFTTT