Nepal News, Video, Song, Movies: प्याकेजमै सहमति : प्रचण्ड

प्याकेजमै सहमति : प्रचण्ड

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौं । माओवादी केन्द्रका अध्यक्ष प्रचण्डले ७० वर्षे इतिहासबाट देशले स्थायीत्व पाउन लागेको बताए । उनले आर्थिक विकास र समृद्धि निर्माणमा यसअधिका सरकारले भन्दा राम्रो काम वाम गठबन्धनको सरकारले गर्ने पनि बताए ।

शिक्षक संगठनको पाँचौँ सम्मेलनको उद्घाटनमा उनले पार्टी एकता र सरकार गठनका बारेमा एमालेसँगको छलफल सकारात्मक रहेको दाबी गरे । प्रचण्डले अधिकांश विषयमा सहमति भएको र केही विषयमा छलफल गर्न बाँकी रहेको बताए । उनले एमाले–माओवादीबीच पार्टी एकता र सरकार गठनका विषयमा कहाँ अवरोध भएको हो भन्ने विषयबारे खुलाएनन् ।

प्रचण्डले एमालेसँग निरन्तर वार्तामै रहेको र राजनीतिक नियुक्तिसहित पार्टी एकता हुने पनि जानकारी दिए । उनले राष्ट्रपति, उपराष्ट्रपति, सभामुख, उप–सभामख, मन्त्रालयल र विभिन्न राजनीतिक नियुक्तिका विषयमा प्याकेजमै सहमति कायम गरी एकदुई दिन भित्रै पार्टी एकताबारेको खाका तयार हुने जानकारी दिए ।

शिक्षामा २० प्रतिशत बजेट
माओवादी केन्द्रका अध्यक्ष प्रचण्डले राजनीतिक स्थायित्व, समृद्धिसँगै देशले समाजवादको यात्रा तय गरेकाले शिक्षा क्षेत्रमा २० प्रतिशत बजेट विनियोजन गनुपर्ने बताए ।

उनले भाषणमा शिक्षा क्षेत्रको समस्या र समाधानका उपायहरु बारे निकै विषय उठान भए पनि शिक्षा क्षेत्र सँधै उपेक्षामै परेको जिकिर गरे । प्रचण्डले वाम गठबन्धनको नेतृत्वमा बनेको सरकार बहुमतसिद्ध भएकाले शिक्षा क्षेत्रलाई प्रमुख प्राथमिकतामा राखेर बजेट बढाउने पनि आश्वासन दिए ।

प्रचण्डले अहिलेको शिक्षा पद्धतिले बेरोजगार उत्पादन गरिरहेकाले सैद्धान्तिक शिक्षालाई परिमार्जन गरी जीवनोपयोगी, उत्पादनमूलक र रोजगारीमूलक शिक्षा प्रणालीको विकास गर्ने पनि बताए । उनले शिक्षा क्षेत्रमा भइरहेको नीजिकरण रोक्नका लागि सरकारले नीति बनाउने बताए । शिक्षकको समस्यालाई ध्यानमा राखेर गुणात्मक काम गर्ने उनको आश्वासन छ ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2oefZwr via IFTTT