Nepal News, Video, Song, Movies: समानुपातिक मतगणना सकियो : कुन दलको कति मत ? यस्तो छ ४९ वटै दलको मत परिणाम !

समानुपातिक मतगणना सकियो : कुन दलको कति मत ? यस्तो छ ४९ वटै दलको मत परिणाम !

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाडौं । मंसिर १० र २१ गते सम्पन्न प्रदेश तथा प्रतिनिधिसभा निर्वाचनअन्तर्गत समानुपातिकतर्फको मतगणना सकिएको छ । निर्वाचन आयोगका अनुसार समानुपातिकतर्फ सबैभन्दा धेरै नेकपा एमालेले ३१ लाख ७३ हजार ४ सय ९४ मत पाएको छ ।नेपाली कांग्रेसले ३१ लाख २८ हजार ३ सय ८९ मत ल्याएर दोस्रो भएको छ । कांग्रेस एमालेभन्दा ४५ हजार १ सय ५ मतले पछि परेको हो ।

त्यसैगरी नेकपा माओवादी केन्द्रले १३ लाख ३ हजार ७२१ मत पाएर तेश्रो भएको छ ।यस्तै चौथो स्थानमा रहेको राष्ट्रिय जनता पार्टी नेपाल चार लाख ७२ हजार २५४ र पाँचौ स्थानको संघीय समाजवादी फोरम नेपालले चार लाख ७० हजार २ सय १ मत प्राप्त गरेको आयोगले जनाएको छ । यी पाँच दल मात्र राष्ट्रिय दल बनेका छन् ।

विवेकशीलले दुई लाख १२ हजार ३ सय ६३ र राप्रपाले एक लाख ९६ हजार ७८२, राप्रपा प्रजातान्त्रिकले ८८ हजार ३ सय ७७, नयाँ शक्ति पार्टी नेपालले ८१ हजार ८ सय ३७ र राष्ट्रिय जनमोर्चाले ६२ हजार १ सय ३४ मत पाएका छन् ।

आयोगले सबै जिल्लाको मत परिणाम इन्ट्री गर्ने काम भइरहेकाले यो संख्या नै अन्तिम संख्या नहुन सक्ने जानकारी दिएको छ ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2keGReR via IFTTT