६ माघ, काठमाडौं । एकीकृत नेकपा माओवादी नेतृत्वको विपक्षी मोर्चाले बिजुलीबजार पुलमा लगातार तीन दिन धर्ना दिने भएको छ ।

प्रतिक्रियावादी र जनपक्षीय संविधान बनाउन नचाहनेहरु विरुद्ध माघ ७, ८ र ९ गते लगातार धर्ना दिने एमाओवादी महासचिव कृष्णबहादुर महराले जानकारी दिए ।

एकीकृत नेकपा माओवादी नेतृत्वको मोर्चाले सहमतिमा नयाँ संविधान जारी गर्न भन्दै मोहन वैद्य नेतृत्वको नेकपा-माओवादी र पद्मरत्न तुलाधर नेतृत्वको जनजाति आन्दोलन समितिसँग मिलेर सडक आन्दोलन जारी राखेको छ ।