Loading...

मुम्बई । एक फार्मा कम्पनी कन्टेस्टको ग्राण्ड फिनालेमा सहभागी भएका १ सय जना लक्की युवाहरुले नायिका सन्नी लियोनीसँग डेटिङ जान पाउने भएका छन् ।

ग्रीस एण्ड ब्राजील नामको एक डिओन्ड्रेट ब्राण्डले तीन महिनादेखि अनलाईन कन्टेस्ट चलाएको थियो । यसका १ सय लक्की विनर्सले सन्नीसँग खाना खान, कुराकानी गर्न र उनको बारेमा जानकारी लिने मौका दिने अफर दिइएको हो ।

यो कन्टेस्ट १ जुलाईमा सुरु गरेर अक्टोबर ८ सम्म चलेको थियो । यसमा हरेक दिन विनर्स चुनिएको थियो र ब्राण्डको अफिसियल पेजमा नाम खुलासा गरेको थियो ।

शनिबार ओर्चिड होटलमा उक्त कार्यक्रमको ग्राण्ड फिनाले भएको थियो । यस इभेन्टका दौरान सन्नी लियोनीले सबैलाई अटोग्राफ दिनुका साथै तस्वीर समेत खिचाएकी थिइन् । सन्नीले यस कन्टेस्टको हिस्सा बन्न पाउँदा खुसी लागेको बताएकी छन् ।

Loading...