१३ वर्षीया आत्मघाती आक्रमणकारी पक्राउ

लागोस: नाइजेरियाली प्रहरीले एक तेह्र वर्षीया आत्मघाती आक्रमणकारी केटीलाई पक्राउ गरेको छ ।



नाइजेरियाको उत्तरपश्चिम कानो सहरमा गत डिसेम्बर १० मा कान्टिन क्वारी बजारमा भएको आक्रमणको घटनामा संलग्न रहेकी ती केटीलाई प्रहरीले पक्राउ गरेको जनाइएको छ ।



कानो सहरस्थित पत्रकारहरूलाई प्रहरी प्रमुख आडेरेन्ले सिनाबाले १३ वर्षीया ती केटी पक्राउ परेकी बताए । उपचारका लागि कानो अस्पतालमा गएकी ती केटीलाई प्रहरीले पक्राउ गरेको सिनाबाले थप जानकारी दिए ।



कानो सहरमा गत डिसेम्बरमा कन्टिन क्वारी बजारमा भएको आक्रमणमा घाइते भएपछि उपचारका लागि उनी अस्पताल पुगेकी प्रहरीले जानकारी दिएको छ । नाइजेरियामा सन् २००९ देखि बोको हराम आतङ्ककारी समूहले जारी भिषण आक्रमणहरूमा महिला र बालबालिकासहित हजारौँ व्यक्तिको मृत्यु भइसकेको जनाइएको छ ।



Source : Feed news from Taja Khabar | Online Nepali News Portal http://ift.tt/1HGp56f

via IFTTT

Labels: IFTTT, Taja Khabar | Online Nepali News Portal