साहुको ऋण तिर्नै नपार्इ कतारमा अम्बेले ज्यान गुमाए

कालीकोट : एक वर्षअघि कामका लागि कतार गएका कालीकोट घर भएका एक नेपालीको मृत्यु भएको छ ।



काठमाडौँस्थित ब्लुसियन ओभरसिज कम्पनीबाट कामका लागि कतार गएका बदालकोट गाविस–६ सिकु निवासी त्रिमले सार्कीका छोरा अम्बे सार्कीको गाडी दुर्घटनामा कतारमा मृत्यु भएको कम्पनीले जनाएको छ ।



विदेश जाँदा निकालेको साहुको ऋण चुक्ता गर्न नपाउँदै छोराको मृत्यु भएको खबरले घरपरिवार भावविह्वल भएका छन् । अम्बेका आमा, बुबा, एक भाइ, श्रीमती, एक छोरा र एक छोरी रहेका छन् । उनी गाउँकै सरस्वती माविमा कक्षा १० मा अध्ययन गर्दागर्दै एकपटक मलेसिया गएर फेरि कतार गएका थिए ।



कम्पनीका प्रवन्ध निर्देशक धुव रिजालका अनुसार गाडी दुर्घटनामा परी दुई दिनअघि सार्कीको मृत्यु भएको हो ।



उनी कतारको दोहास्थित अल्मुसरी कम्पनीमा साधारण लेबरका रूपमा काम गर्दै आएका थिए । नेपालस्थित म्यानपावर कम्पनीका अनुसार घटनाका सम्बन्धमा कतार प्रहरीले अनुसन्धान थालेकाले घटनाको खास कारण अहिले नै भन्न नसकिने बताइएको छ । रासस



Source : Feed news from Taja Khabar | Online Nepali News Portal http://ift.tt/1EjjZAq

via IFTTT

Labels: IFTTT, Taja Khabar | Online Nepali News Portal