Loading...

सिन्धुपाल्चोकका पहिरोपीडितलाई सरकारले बेवास्ता गरेको भन्दै तत्काल राहत दिन सरकारसँग कलाकारहरुले माग गरेका छन् । उनीहरुले सरकारी राहत कोषको दुरुपयोग भएको दाबी गर्दै घटनास्थलमै गएर राहत वितरण गर्न आग्रह गरेका छन् ।



राजधानीमा मंगलबार आयोजित एक कार्यक्रममा नाटककार मदनदास श्रेष्ठले हरेक ठाउँका विपत्तिमा कलाकारले सहयोग गर्दै आएको उल्लेख गर्दै सुनकोसीका पहिरोपीडितले राहत नपाएकोमा दुःख व्यक्त गरे ।

गायिका कोमल ओलीले भावुक बन्दै तत्काल सरकारले उचित राहतको व्यवस्था गर्नुपर्ने बताइन् । उनले पीडितहरुको आक्रोशले कुनै पनि बेला ठूलो रूप लिन सक्ने उनको भनाइ थियो ।

Loading...