विराटनगर, फागुन १५ – प्रहरीले मोरङबाट कल बाइपास

भिओआइपी गर्ने दुई जनालाई पक्राउ गरेको छ । अनधिकृत

रुपमा भिओआइपी गर्दै आएका दुई जनालाई

कोशी हरैचाबाट पक्राउ गरिएको प्रहरीले जनाएको छ ।

प्रहरीले खोटाङ अर्खौले–३ का २५ वर्षका देवराज बस्नेत र

पाँचथरका २७ वर्षका कविन भुजेललाई भिओआइपीमा प्रयोग गरिने

सामान सहित पक्राउ गरेको हो । जिल्ला प्रहरी कार्यालय मोरङले

शुक्रबार पत्रकार सम्मेलन गरी उनीहरुलाई सार्वजनिक

गरेको हो ।

उनीहरुले कोशी हरैचा–१ विराटचोकमा कोठा भाडामा लिएर

गोप्यरुपमा जिएसएम ओभर इन्टरनेट प्रोटोकल

भिओआइपी सञ्चालन गर्दै

आएको सुराकीका आधारमा पक्राउ

गरिएको मोरङका प्रहरी उपरीक्षक

तारिणीप्रसाद लम्सालले जानकारी दिनुभयो ।

प्रहरीले कल बाइपास गर्न प्रयोग गरिएको तीन

वटा भिओआइपी डिभाइस, एनसेल र एनटिसीको चार सय

वटा सिम कार्ड, दुई वटा रिचार्ड कार्ड, दुई वटा राउडर र डेल

कम्पनीको दुई वटा ल्यापटप पनि बरामद गरिएको प्रहरीले

जनाएको छ । उनीहरु विरुद्ध दुरसञ्चार ऐन २०५३ अनुसार

कारबाही हुने प्रहरीले जनाएको छ ।

बिराटनगर, फागुन १५– मधेशी जनअधिकार फोरम

लोकतान्त्रिकका अध्यक्ष विजयकुमार गच्छदारले शनिबार हुने

विपक्षीको आन्दोलन कुनै पनि हालतमा आक्रामक हुन नदिने बताउनु

भएको छ । विपक्षी मोर्चाको प्राथमिकतामा वार्ता नै भएकाले आन्दोलन

शान्तिपूर्ण हुने उहाँको भनाई छ । बिराटनगरमा पत्रकरासँग कुरा गर्दै उहाँले

मोर्चा बार्ताबाट नभागेको र भोलिको आन्दोलन नै अन्तिम हुन सक्ने संकेत

गर्नुभयो ।

अहिले सहमतिको पक्षमा दुवै पक्ष लचिलो हुँदै गएको टिप्पणी गर्दै

गचछदारले सहमति बेगर कुनै पनि काम हुन नसक्ने बताउनुभयो ।

सहमतिको बिन्दु अन्तिम चरणमा रहेको भन्दै उहाँले १६ गतेको आन्दोलन

पछि सहमतिका लागि एउटा बाटो खुल्ने बताउनु भयो । उहाँले अब हुने सहमतिबाट

सर्वपक्षीय सरकार बन्ने तथा संबिधान बन्ने निश्चित दिन तय हुने

उल्लेख गर्नुभयो ।

दलहरु सहमतिको आधारमा संबिधान जारी गर्नु पर्छ भन्नेमा एकमत

भएकोले अबको केही दिनमा नै सहमतिको बाटो खुल्ने

सम्भावना बलियो हुँदै गएको गच्छदारको भनाइ छ ।

सप्तरी, फागुन १५ – अख्तियार दुरुपयोग अनुसन्धान

आयोगको टोलीले मालपोत कार्यालय सप्तरीका एक

जना कर्मचारीलाई घुस लिँदालिँदै पक्राउ गरेको छ ।

आयोगको पुर्वाञ्चल सम्पर्क कार्यालय इटहरीबाट शाखा अधिकृत

गोकुल निरौलाको नेतृत्वको खटिएको टोलीले मालपोत कार्यालय

सप्तरीका नायब सुब्वा राजेन्द्र साहलाई ५० हजार रुपैयाँ घुस लिँदै

गरेको अवस्थामा पक्राउ गरेको हो ।

जग्गाको स्वामित्व सम्बन्धी मुद्दामा राजविराज–५ का अम्बरकुमार

यादवलाई मुद्दा जिताइदिने भन्दै ५० हजार रुपैयाँ घुस लिँदै गरेको अवस्थामा साहलाई

पक्राउ गरिएको अख्तियारले जनाएको छ ।

आफूहरुले साहमाथि गएको चार दिनदेखि निगरानी गरेको र शुक्रबार घुस

लिए लगतै पक्राउ गरिएको अख्तियारका शाखा अधिकृत निरौलाले बताउनुभयो ।

साहको विषयमा थप अनुसन्धान सुरु गरिएको अख्तियारले जनाएको छ ।

काठमाडौं फागुन १५ – प्रहरीले हत्यामा संलग्न दुई जनालाई

काठमाडौंमामा पक्राउ गरेको छ । गएको पुस ३० गते टोखामा धादिङका युरुङ

तामाङको हत्या गरी फरार रहेका उदयपुर गाइघाटका अभिषेक

कार्की र बाँके चिसापानीका कृष्ण बिसीलाई

प्रहरीले पक्राउ गरेको हो ।

उनीहरुले लुटपाट गर्ने उदेश्यले टाउकामा इट्टा तथा ढुंगाले हानेर

तामाङको हत्या गरेको अनुसन्धानबाट खुलेको प्रहरीले जनाएको छ ।

हत्यामा संलग्न अर्का एक जना कमल न्यौपानेलाई प्रहरीले

गएको माघ १३ गते नै पक्राउ गरेको थियो ।

पक्राउ परेका सबैलाई थप अनुसन्धानका लागि महानगरीय

प्रहरी वृत महाराजगञ्जमा पठाइएको अपराध अनुशन्धान

महाशाखा हनुमानढोकाले जनाएको छ ।

फागुन १५ – बंगलादेशमा एक अमेरिकी ब्लगरको हत्या भएको छ ।

राजधानी ढाकामा नचिनेका मानिसको समूहले चक्कु प्रहार गरेर

अमेरिकी ब्लगर अभिजीत

रोयको हत्या गरेको प्रहरीले जनाएको छ ।

धर्म निरपेक्षेताको विषयमा लेख्दै आएका रोयले धार्मिक कट्टरपन्थिहरुको बिरोध

गर्ने गरेका थिए । ढाका विश्वविद्यालयमा भैरहेको पुस्तक

मेलामा श्रीमतीसँगै जाँदै

गरेको अवस्थामा रोयमाथि आक्रमण भएको प्रहरीले जनाएको छ ।

आक्रमणमा रोयकी श्रीमती रफिदा अहमद

घाइते हुनुभएको छ ।

आक्रमणमा प्रयोग भएको हतियार बरामद गरिएको र थप अनुसन्धान

भैरहेको प्रहरीले जनाएको छ । रोयलाई

गएको केही दिनदेखि ज्यान मार्ने धम्की आउने

गरेको रोयका परिवारका सदस्यले बताएका छन् । यसअघि सन् २०१३

मा इस्लामीक विद्रोहीले ब्लगर अहमद

रजीब हैदरको पनि हत्या गरेका थिए ।

– एजेन्सीको सहयोगमा