काठमाडौं । प्रधानमन्त्री पुष्पकमल दाहाल ‘प्रचण्ड’ ले संयुक्त राष्ट्रसंघका महासचिव एन्टोनियो गुटेरेसको नेपाल भ्रमण रहेको बेलामा केही नेताहरुले शान्ति प्रक्रियाबारेमा देश विभाजित छ भन्ने देखाउन खोजेको बताएका छन् ।
संघीय संसद्को संयुक्त बैठकबाट बाहिरिने क्रममा उनले सञ्चारकर्मीहरुलाई संक्षिप्त प्रतिक्रिया दिँदै नेपालको शान्ति प्रक्रिया निश्कर्षमा पुर्याउन अन्तराष्ट्रिय समुदायदेखि संयुक्त राष्ट्रसंघका महासचिवसमेत सकारात्मक देखिएको बेला नेपालका नेताहरु विभाजित देखिनु दूर्भाग्यपूर्ण हुने बताए ।
‘नेपालको बारेमा र नेपालको शान्ति प्रक्रियाको बारेमा अन्तराष्ट्रिय समुदाय र संयुक्त राष्ट्रसंघका महासचिवको यतिराम्रो धारणा छ । तर, दूर्भाग्य हाम्रै केही नेता साथीहरुले यस्तो बेलामा देश विभाजित देखाउनु भयो, त्यो भने दूर्भाग्यपूर्ण छ,’– प्रधानमन्त्री प्रचण्डले भने ।
शान्ति प्रक्रिया निश्कर्षमा पुर्याउने सन्दर्भमा महासचिव गुटेरेसको पूरै सहयोग रहनेमा आफू विश्वस्त रहेको उनले बताए । गुटेरेसको नेपाल भ्रमण पूर्ण रुपमा सफल भएको भन्दै प्रधानमन्त्री प्रचण्डले यो नेपाल र नेपालीका लागि खुसीको कुरा भएको बताए ।
The post नेताहरुले शान्ति प्रक्रियाबारे देश विभाजित देखाउन खाजेः प्रधानमन्त्री प्रचण्ड appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/49t7TWO via IFTTT
काठमाडौँ । राष्ट्रपति रामचन्द्र पौडेलसँग संयुक्त राष्ट्रसङ्घका महासचिव एन्टोनियो गुटेरेसले राष्ट्रपति भवनमा अपराह्न शिष्टाचार भेट गरे ।
त्यस अवसरमा राष्ट्रपति पौडेलले लामो समयदेखि नेपालको विकास साझेदारका रुपमा रहेको संयुक्त राष्ट्रसङ्घलाई नेपालले उच्च प्राथमिकतामा राखेको बताउँदै उक्त विश्व संस्था र त्यस अन्तर्गतका विशिष्टीकृत निकाय, कोष तथा कार्यक्रमले नेपालको सामाजिक, आर्थिक विकास एवम् दिगो विकास लक्ष्य प्राप्तिमा निरन्तर गरेको सहयोगप्रति कृतज्ञता ज्ञापन गरेकाे राष्ट्रपतिको कार्यालयले जनाएको छ ।
The post राष्ट्रसङ्घका महासचिव गुटेरेस र राष्ट्रपतिबीच शिष्टाचार भेट appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/49fVODY via IFTTT
काठमाडौं । ठूलाबडालाई खुसी बनाउने नाममा राज्यकोषको कतिसम्म दुरुपयोग हुन्छ भन्ने उदाहरण काठमाडौंको भृकुटीमण्डपमा रहेका तीनवटा ढुंगेधाराको हरिबिजोग हेरे पुग्छ ।
काठमाडौंबासीको दशकौँको सपना रहेको मेलम्ची खानेपानी आयोजना सम्पन्न भएपछि तात्कालिक राष्ट्रपति विद्यादेवी भण्डारीबाट उद्घाटन गराउन चार दिनको हतारोमा लाखौं खर्च गरी बनाइएका ती धारा अहिले बेहाल अवस्थामा छन् ।
चौबीसै घण्टा पानी झार्ने गरी राष्ट्रिय विकास आयोजनाको गौरव झल्कने गरी तात्कालिक राष्ट्रपति भण्डारी, प्रधानमन्त्री केपी शर्मा ओली र खानेपानीमन्त्री मणि थापाले धाराको टुटी खोलेर पानी खसालेका थिए । देशको प्रशासनिक मुख्यालय सिंहदरबारको सम्मुख देखिएको विकासको यो विद्रुप दृश्यले देशकै विकासे मोडलको खिल्ली उडाएको छ । तीन वर्षअघि सम्पन्न भएको भनिएको मेलम्ची आयोजना फेरि हेडबक्स मर्मतका नाममा अनिश्चित बनेको छ ।
राष्ट्रपतिको हातबाट मेलम्ची खानेपानी आयोजना उद्घाटन गराउने तत्कालीन सरकारको निर्णय भएपनि कसरी औपचारिक कार्यक्रम गर्ने भन्ने विषयमा सबै अन्योलमा थिए । खानेपानी मन्त्री थापा, सचिव माधव बेल्बासे, आयोजना प्रमुख तिरेश खत्री, आयोजना कार्यान्वयन निर्देशनालयका प्रमुख कमलकुमार श्रेष्ठको बैठकले भृकुटीमण्डपको सरकारी स्वामित्वको खाली जग्गामा धारा निर्माण गर्ने निधो गरेको थियो ।
राष्ट्रप्रमुखले शुभारम्भ गर्ने धाराको टुटीबाट चौबीसै घण्टा पानी झर्नुपर्ने अडानलाई मूर्तरुप दिन पानी वितरण गर्न बिछ्याइएको मुख्य पाइपमा जोडेर सम्पूर्ण काम सम्पन्न गरिएको थियो ।
निर्माणको सम्पूर्ण दायित्व केयूकेएल, पीआईडी र रमण कन्स्ट्रक्सनले लिएका थिए । रातारात काम सक्ने दबाब भएपछि निर्माण कम्पनीले सिमेन्ट सुकाउन हेयर ड्रायर मेसिन समेत प्रयोग गरेको बताइन्छ । ठुलाबडा रिझाउन गरिने यसखाले विकासको पिरलोले पुरै देश आक्रान्त बनेको छ ।
The post राष्ट्रपतिले उद्घाटन गरेको तीनवटा ढुंगेधाराको हरिबिजोग appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3QiipqR via IFTTT
झापा । कोशी प्रदेशका मुख्यमन्त्री केदार कार्कीले सबै राजनीतिक दलको सहमतिमा मन्त्रिपरिषद् विस्तार हुने बताउनुभएकोे छ । सहमतीय सरकार सञ्चालनको प्रयास गर्दा मन्त्रिपरिषद् विस्तारमा ढिलाइ भएको उहाँले बताउनुभयो ।
झापाको विर्तामोडमा अन्तर्राष्ट्रिय झापाली समाजको चौथो महाधिवेशनमा मुख्यमन्त्री कार्कीले कोशी प्रदेशमा सहमतीय मन्त्रिपरिषद् विस्तार हुने स्पष्ट गर्नुभयो । सबै राजनीतिक दललाई मिलाएर कोशी प्रदेशको समृद्धिका लागि काम गर्ने प्रतिबद्धता व्यक्त गर्दै मुख्यमन्त्रीले कोशी प्रदेश सरकार अब ढल्दैन भन्नुभयो ।
गत असोज २७ गते मुख्यमन्त्री पदमा नियुक्त हुनुभएको कार्कीले असोज २८ गते दुईजना मन्त्री नियुक्त गर्नुभएको थियो । त्यसपछि मन्त्रिपरिषद् विस्तार भएको छैन ।
समृद्धिका लगानी लगानी गर्न आह्वान
मुख्यमन्त्री कार्कीले अन्तर्राष्ट्रिय झापाली समाजलाई कोशी प्रदेशको समृद्धिका लागि योजनासहित लगानी भित्र्याउन आह्वान गर्नुभएको छ ।
विदेशमा रहेका नेपालीको सीप, प्रविधि र लगानी भित्र्याउन प्रदेश सरकार आतुर रहेको धारणा व्यक्त गर्दै उहाँले लगानीमैत्री कानुन बनाउन सक्दो सहयोग गर्ने प्रतिबद्धता व्यक्त गर्नुभयो ।
The post मन्त्रिपरिषद् विस्तार गर्ने मुख्यमन्त्री कार्कीको भनाई appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3QiimLH via IFTTT
काठमाडौँ । नेपाली कांग्रेसले आयोजना गरेको शुभकामना आदानप्रदान तथा चियापान कार्यक्रममा नेकपा (एमाले) का शीर्ष नेताहरु सहभागी भएका छन् ।
कांग्रेस केन्द्रीय कार्यालय सानेपामा जारी सो कार्यक्रममा एमाले अध्यक्ष एवं पूर्वप्रधानमन्त्री केपी शर्मा ओली, वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल, नेताहरु प्रदीप ज्ञवाली, रघुजी पन्त, छविलाल विश्वकर्मा र विष्णु रिमाललगायतका नेता सहभागी थिए ।
सो अवसरमा मुलुकमा भइरहेको विभिन्न घटनाक्रमलाई लिएर राजनीतिक दलहरुप्रति प्रश्न उठिरहेको छ भन्ने सञ्चारकर्मीको जिज्ञासामा अध्यक्ष ओलीले भने, “हामीमाथि प्रश्न उठेको होइन, उठाउने कोशिस गरिएको छ, यस विषयको जवाफ यथासमयमा यथोचित ढङ्गले दिइनेछ ।”
कांग्रेसले बडादसैं, तिहार, नेपाल संवत् र छठलगायत पर्वका अवसरमा कोजाग्रत पूर्णिमाको दिन चियापान आयोजना गरेको हो । कांग्रेसले चियापानमा सहभागी हुन राजनीतिक दलका प्रमुख, मन्त्रिगण, सांसद, नेपालस्थित कूटनीतिक नियोगका प्रमुख एवं प्रतिनिधि तथा समाजका विभिन्न क्षेत्रका लब्ध प्रतिष्ठित व्यक्तिलाई आमन्त्रण गरेको छ । बिपी विसं २०३३ पुस १६ गते राष्ट्रिय एकता र मेलमिलापको नीति लिएर स्वदेश फर्किएपछि कांग्रेसले विसं २०३४ देखि चियापान सुरु गरेको हो ।
The post प्रश्न उठेको होइन, उठाउने कोशिस गरियोः ओली appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3MmDMWS via IFTTT
काठमाडौं । नेपाली कांग्रेसले बडादसैं, शुभ दिपावली, नेपाल सम्वत्, छठ लगायतका पर्वहरुको अजसरमा चियापान कार्यक्रम गर्ने भएको छ । कांग्रेस केन्द्रीय कार्यालय सानेपामा अाज शनिबार कोजाग्रत पूर्णिमाको दिन दिउँसो ३ बजेदेखि ५ बजेसम्म शुभकामना आदान–प्रदान तथा चियापान समारोह गर्न लागिएको हो ।
२०३३ सालमा जननायक बीपी कोइराला राष्ट्रिय एकता तथा मेलमिलापको नीति लिई स्वदेश फर्केपछि २०३४ सालदेखि प्रत्येक वर्ष नेपाली कांग्रेसले कोजाग्रत पूर्णिमाको दिनमा चियापान समारोह गरी शुभकामना आदान–प्रदान गर्दैै आएको छ ।
उक्त कार्यक्रममा विभिन्न राजनीतिक दलका नेताहरु, नेपाल सरकारका प्रधानमन्त्री एवं मन्त्रीहरु, संवैधानिक निकायका प्रमुखहरु, माननीय सांसदहरु, राष्ट्रसेवक कर्मचारीहरु, सुरक्षा निकायका प्रमुखहरु, नेपालस्थित कुटनीतिक नियोगका प्रमुखहरु, लेखक, साहित्यकार, कलाकार, उद्योगपति एवं व्यवसायीहरु, पेशागत एवं बुद्धिजीवीहरु, नागरिक समाजका अगुवाहरु, मानव अधिकारकर्मीहरु, विभिन्न संञ्चार माध्यमका प्रमुखहरु, सम्पादक, प्रकाशक एवं पत्रकारहरु, गैर–आवासीय नेपालीहरुको संघ–संस्थाका प्रमुखहरु लगायतका विशिष्ट व्यक्तिहरुलाइ सहभागिताका लागि कांग्रेसले आमन्त्रण गरेको छ ।
The post शुभकामना आदान–प्रदान तथा चियापान समारोह गर्दै कांग्रेस appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3SlBP0L via IFTTT
केही मान्छेहरू समयमा खान नपाएर अस्वस्थ हुन्छन्, धेरै मान्छे पाएको खानेकुरा विधिपूर्वक खान नजानेर अस्वस्थ हुन्छन् । खानामा एउटा विज्ञान छ, यही विज्ञानको आधारमा प्राचीनकालदेखिको हाम्रो खाना संस्कार चल्दै आएको छ ।
खानाकै सवालमा एक व्यक्तिगत प्रश्न पनि आउन सक्छ, के तपाई प्रायः पेटको भारीपन, ग्यास र अन्य पाचनसम्बन्धी समस्याबाट ग्रसित हुनुहुन्छ ? छ भने यसको पछाडि हामीले खान नजानेको खानपान शैली नै कारक पनि हुन सक्छ । जुनसुकै खाद्य पदार्थ पनि एउटा निश्चित संयोजनमा नखाने हो भने त्यसले हामीलाई हानि गर्न सक्छ । शोधकर्ताहरू यस्तै खानाका सारथिको खोजीमा हुन्छन् जसले शरीरलाई फाइदा गर्छ ।
हाम्रो संस्कृतिले खाद्य पदार्थहरूको मात्रा र विधिको बारेमा उल्लेख गरेको छ । जस्तो, छोकडाको साथमा दूध, खानाको साथमा नरिवल र दालको साथमा दहीको संयोजनले सम्पूर्ण पोषणलाई बढाउने काम गर्छ । यद्यपि पनिरसँग पालक, दहीको साथमा फलफूल जस्ता केही बेमेल हुने खानेकुरालाई पहिचान गरेर आफ्नो खानपान संस्कार बनाउने हो भने यसले शरीरलाई स्वस्थ राख्न मद्दत गर्ने पोषणविद्हरू बताउँछन् ।
आँप र काँक्रोको नमिल्दो संयोग
आँप आफैँमा गर्मी खालको फलफूल हो । तराईतिर यसलाई गर्मी समयको फलफूलको राजासमेत मान्ने गरिन्छ । यो गर्मी मौसममा हरेक घरमा उपभोग हुने फलफूल हो । यही आँपसँग काँक्रोको प्रयोग स्वास्थ्यको लागि हानिकारक हुन्छ ।
पोषणविदहरु आँपको गर्मी स्वभाव र काँक्रोको चिसो स्वभावका कारण यी दुई फल एक साथ खानु स्वास्थ्यको लागि हानिकारक हुने बताउँछन् । यी दुवै फल एकै पटक खाँदा शरीरको पाचन प्रक्रियामा समस्या सिर्जना हुन्छ भने पेटमा ग्यास भरिने र पेट भारी हुने समस्या पनि सिर्जना हुन्छ ।
दुग्ध उत्पादन र पालक
पालकबाट बन्ने विभिन्न किसिमका परिकारहरू आफैंँमा स्वादवद्र्धक हुन्छ । पालकसँग पनिर खाने चलन पनि कताकतै पाउन सकिन्छ । तर त्यो आफैँमा हानिकारक रहेको न्युट्रिसियनहरू बताउँछन् । पनिरलगायत दुग्ध उत्पादनहरूमा क्याल्सियम प्रशस्त मात्रामा पाउने गरिन्छ । तर जब दुग्ध उत्पादनहरू पालकसँग मिसिन्छन् दुग्ध पदार्थमा रहेको क्याल्सियम र पालकको अक्सेलिक एसिड मिसिन्छ । जसले शरीरले क्याल्सियम लिन सक्दैन । त्यसैले यो आफैँमा हानिकारक हुन्छ । बरु पालकलाई दाल र च्याउसँग मिसाएर खान सकिन्छ ।
दूध र दाल
भुटेको सिमी, भट्टमासजस्ता दलहन र दूधलाई मिसाएर खानु पनि स्वास्थ्यको लागि राम्रो कुरा होइन । दूध र दलहनलाई साथमा सेवन गर्ने हो भने यसले पेटको पाचन प्रणालीमा समस्या सिर्जना गर्ने बताइन्छ । फेरि दूधको साटो दहीको प्रयोगले आँतलाई राम्रो गर्ने गर्छ । पोषणविद्हरूका अनुसार दूधको पाचन प्रणाली पेटमा नभई डुओरेअम अर्थात् भित्री आँतको एक भागमा हुने गर्छ । अर्कोतर्फ पेटमा पाचन प्रणाली रहेको दलहनमा रहेको ओलिगोसाकराइड्स नामको गुलियो पदार्थ पनि पचाउनको लागि कठिन हुने खानाको कोटीभित्र पर्छ । यसरी दुई किसिमको खानेकुरा एकैपटक प्रयोग गर्दा शरीरको पाचन प्रणाली ढिला हुनसक्ने बताइन्छ ।
दूध र एन्टिबायोटिक
गिलासमा दूधको साथ एन्टिबायोटिक लिनु धेरैको लागि सामान्य बानी भइसकेको हुन सक्ला । तर यो स्वास्थ्यका लागि राम्रो कुरा भने होइन । एन्टिबायोटिक प्रभावकारी हुनका लागि मुखदेखि पेटसम्मका अंगले त्यसलाई बिस्तारै थोरै मात्रामा शोषण गर्दै गएको जानुपर्छ । जहाँबाट ती पोषक तत्वहरू रगतभित्र जान्छ । दुग्ध उत्पादनहरूमा क्याल्सियम धेरै मात्रामा पाउने गरिन्छ । जसले एन्टिबायोटिकसँग मिसिँदा औषधिलाई प्रभावहीन बनाउँछ । साथै, शरीरका अरू अंगले पनि एन्टिबायोटिकलाई शोषण गर्न सक्दैन ।
सिमी र चिज
भुटेको गेडागुडी र चिज जस्ता परिकारले शरीरको पाचन प्रणालीमा असर गर्ने एवं शरीरको ऊर्जा अधिक खर्च गर्ने गर्छ । यस्तो खानाका कारण शरीरले प्रोटिनबाट अमिनो एसिडको थोरै मात्रा अवशोषण गर्छ । जबकि बाँकी प्रोटिन खेर जाने गर्छ । जसले बढी विष र अम्लियपना उत्पन्न गर्छ । शरीरमा रहेको एसिडले हड्डीको द्रव्यमानलाई कम गर्न र प्रतिरोधात्मक क्षमतालाई कमजोर बनाउने गर्छ ।
खानासँग रक्सी
खानासँग चिसो खाले पेय पदार्थ खानु पनि स्वास्थ्यका लागि हानिकारक मानिन्छ । त्यस्ता पेय पदार्थ खानासँगै खाँदा त्यसले पाचन प्रणालीमा अवरोध गर्नसक्ने पोषणविद्हरू बताउँछन् । उनीहरूका अनुसार कार्बोनेटेड पेयले पाचन प्रणालीमा असर गर्छ । फलस्वरुप पाचन प्रक्रिया नै ढिलो हुन जान्छ ।
The post कुन खानेकुरा एकसाथ सेवन गर्दा विषाक्त बन्छ ? appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3tK9x5V via IFTTT
काठमाडौं । सभामुख देवराज घिमिरेले संसद्मा प्रधानमन्त्री, विपक्षी दलका नेता र पूर्वप्रधानमन्त्रीहरूले बोल्ने समयको सीमा तोक्नेबारे छलफल भएको बताएका छन् । दसैँको अवसरमा सम्पादक तथा संसदीय मामिलाका पत्रकारहरूसँग छलफलका क्रममा सभामुख घिमिरेले यस्तो बताएका हुन् ।
प्रधानमन्त्री र विपक्षी दलका नेताले चाहेको बेलामा बोल्न दिने र चाहेजति बोल्न दिने प्रचलन रहेको पनि उनले सुनाए । उनले भने, ‘यहाँ पनि केही साथीहरूले यो प्रश्न उठाउनुभयो । संसदभित्र पनि केही माननीयले यो विषय उठाउनुभएको छ । तर, हाम्रो प्रचलन भनेको प्रधानमन्त्री र विपक्षी दलको नेताले चाहेको बेला बोल्न दिने र चाहेजति बोल्न दिने भन्ने छ । यसलाई परिवर्तन गर्ने हो भने पनि छलफल हुनसक्छ ।’
The post प्रधानमन्त्री र विपक्षी दलका नेतालाइ बोल्न दिईने समयबारे सिमा तोक्न सकिने सभामुख घिमिरेको भनाई appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/406fer6 via IFTTT
काठमाडौं । नेकपा (एमाले) का अध्यक्ष केपी शर्मा ओलीले केही तत्वहरुले देश विगार्न खोजिरहेको टिप्पणी गरेका छन् । विविधताको नाममा केही तत्वहरुले आयातित विविधता भित्र्याएर देशमा अशान्ति मच्चाउन खोजेको उनको आरोप छ ।
बुधबार एमाले निकट राष्ट्रिय भूतपूर्व सैनिक तथा प्रहरी संगठन दसैं,तिहार तथा छठ पर्वको शुभकामना आदानप्रदान कार्यक्रममा उनले देश विगार्न खोज्ने त्यस्ताखाले तत्वका विरुद्ध एमाले सशक्त भएर उभिने बताए । देशलाई जरुरी पर्दा एमाले पंति आफ्नो ज्यान आहुती दिन पनि तयार रहेको उनको भनाई छ ।
‘देश विगार्न अनेका खाले तत्वहरुले खोज्छन् । हामी शान्तिको पक्षमा छौं र सधैं शान्तिको पक्षमा हुन्छौं । राष्ट्र अप्ठ्यारोमा पर्छ भने एउटामात्रै कन्ठिसन राष्ट्र अप्ठ्यारोमा पर्छभने हाम्रो चिन्ह खुकुरी र दण्डा क्रम भएको छ । हाम्रो लोगो खुकुरी र दण्डा क्रस भएको छ । राष्ट्रलाई जरुरी पर्छ भने हामी सदैव आफ्नो ज्यान आहुती दिन तयार छौं,’– उनले भने ।
विविधतालाई विभेदको विषय बनाइन नहुने उनको भनाई छ । विविधता सामान्य कुरा भएको बताउँदै उनले त्यसलाई विभेदको विषय बनाउन, त्यसले गर्दा अधिकारमा असमानता, विभेद, थिचोमिचो, शोषण, पक्षपातजस्ता कुराहरु गर्न नहुने बताए ।
एमाले विभिन्न प्रकारका असमानता र विभेदहरुलाई अन्त्य गरेर सामाजिक न्याय र समानता कायम गर्ने पक्षमा रहेको उनले बताए ।
आफूहरु समानतामा आधारित सामाजिक सद्भाव कायम गर्दै हामी अगाडि बढ्ने बताउँदै उनले त्यसले राष्ट्रिय एकता बलियो हुने विश्वास व्यक्त गरे । नेपाल राष्ट्रिय भूतपूर्व सैनिक तथा प्रहरी संगठनको औँचित्य पुष्टि भइसकेको उनको भनाई छ ।
The post राष्ट्रलाई जरुरी पर्छ भने हामी सदैव आफ्नो ज्यान आहुती दिन तयार छौंः ओली appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3M8oPHR via IFTTT
काठमाडौं । नेपाली कांग्रेसका नेता गुरुराज घिमिरेले कोशी प्रदेशको सत्ता समीकरणमा आफ्नो कुनै उपस्थिति नरहेको बताएका छन् । बाहिर जे आएको छ, त्यही सत्य होला । मेरो अहिले केही साथीहरु बाहेक कसैसँग सम्पर्क छैन । महामन्त्रीसँग पनि सम्पर्क छैन र शेखर कोईरालासँग पनि सम्पर्क छैन । अहिलेको छलफलमा म बाहिर छु । कोशीको मुख्यमन्त्री को बन्ने र पात्र को भन्ने कुरामा समस्या नरहेको बताउँदै उनले पार्टीभित्र कम्तिमा छलफल भएको भए हुन्थ्यो भन्ने चाहेको बताए ।
अहिले कांग्रेस इत्तर पक्षभित्रै मनमुटाव सुरु भएको उनको भनाई छ । इत्तर पक्ष एकजुट हुनुपर्छ भन्ने पक्षमा आफू रहेको उनले बताए । आफूहरुको अन्तिम गन्तव्य कोशीमात्रै नभएर पार्टीको १५ महाधिवेशन भएको उनले बताए ।
‘एकै ठाउँछ या दुई टुक्रा भयो मैले कुरा गरेपछि थाहा हुन्छ । बाहिर चाहिँ फेरि मनमुटाव सुरु भयो भन्ने आएको छ । मेरो कुरा चाहिँ इत्तर पक्ष एकै ठाउँ हुनुपर्छ भन्ने हो । किनभने हामीले १५औं महाधिवेशन प्रतिस्पर्धा गर्नुछ । हामीले इत्तर समूहको घेरालाई फराकिलो बनाउन छ । कोशी प्रदेशनै हाम्रो अन्तिम गन्तव्य होईन । हाम्रो तारगेट १५औं महाधिवेशन छ,’– उनले भने ।
सत्ता गठबन्धन र पार्टीमा हलचलनै ल्याउने गरी भएको कोशीको सत्ता समीकरण परिवर्तनमा महामन्त्रीद्वयले थाहा नपाउनु ठूलो घटना भएका उनले बताए । पार्टी सभापति शेरबहादुर देउवाले गरेको भएपनि अथवा शेखर कोईलाले गर्दा पनि पार्टी यसरी चलाउन नहुने उनको भनाई छ ।
‘पार्टीको महामन्त्रीहरु भनेको त पार्टीका मुख्य नेताहरु मध्येका हुन् । शेरबहादुर दाई पछिका मुख्य नेताहरु हुन् । कोशी प्रदेशमा राजनीतिमा हलचलनै ल्याउने गरी, गठबन्धनमा हलचल ल्याउने गरी गठबन्धन बाहिरको समर्थन लिएर हामी सरकार बनाउने ठाउँमा पुग्यौं ।’ उनले भने, ‘अथवा कांग्रेसको विकल्प छैन भन्ने ठाउँमा पुग्यो । नेपाली कांग्रेसको इतिहासमा महामन्त्रीहरुले यति ठूला घटनामा थाहा नपाउनु वा उहाँहरुलाई सहभागी नगराउनु भनेको ठूलो घटना हो । शेरबहादुर दाईले पनि अथवा शेखर दाईले पनि । यसरी पार्टी चलाउन हुँदैन ।’
पार्टी नेता विशेषको प्रभाव क्षेत्रमात्रै नभएको उनको भनाई छ । पार्टीमा लाखौं मान्छेको योगदान रहेको बताउँदै उनले पार्टीलाई कसैको नीजि उद्यम र घरेलु मामला बनाउन नहुने उनले बताए । पार्टीमा अहिले घरेलु मामला, गुटगत मामला र केही मानिसहरुको मात्रै चासोको विषयजस्तो देखिएको उनको भनाई छ ।
The post कांग्रेस संस्थपान इत्तरमा मनमुटाव सुरु appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3FFW3uR via IFTTT
काठमाडौं, २९ असोज । नेपाली कांग्रेका सांसद राजेन्द्र बजगाईँले आफूमाथि पत्रकार ऋषि धमलाको टक–शो जनता जान्न चाहन्छन् कार्यक्रममा जाँदा मदिरा सेवन गरेको आरोप लागेपछि स्पष्टीकरण दिएका छन् । उनले आफूले पत्रकार धमलासँग कठोर सम्वाद गरेको र मदिरा सेवन नगरेको स्पष्ट पारेका छन् ।
उनले लेखेका छन्-
अमेरिकी संसदमा Socialization Bar हरू छन्। Senate र Congress मा दुवै तिर विधायकहरू दिउसै रक्सी पिईदिन्छन्। London School of Economics मा Bar छ। कुन त्यस्तो नेता होस् जो मदिरा सेवन गर्दैन!
ख्यातिप्राप्त टेली शो “जनता जान्न चाहन्छन्” मा घटास्थापनाको दिनमा मैले ऋषि धमला जी संग कठोर संवाद गरेको थिएँ।
उपरोक्त संवादमा मैले निरपेक्ष भएको पार्टीका पदाधिकारी, कोशी काण्ड र देशको कार्यदिशाको बारेमा संवाद गर्दै गर्दा मदिरा सेवन गरेर बोलेको अनर्गल टिप्पणी आईरहेको पनि पाएँ।
दर्शक र आम सर्वसाधारणमा त्यसकिसिमले विचार फैल्याउनु निकै असान्दर्भिक देख्छु। त्यो रातिको पल थियो। दर्शकलाई के थाह मैले मदिरा पिएको थिएँ कि रूघा खोकी ज्वोरो पो थियो कि अस्वस्थ पो थिएँ कि! मेरो लवजी बोली अलि त्यस्तै पो हो कि? तर टिप्पणी गर्ने प्रति न गुनासो नै छ न खेद नै।
ल भयो रे पिउछन् रे राजनीति गर्नेहरू! उनिहरू लुकेर किन पिउछन् कि ढोंग गर्छन्? अमेरिकी संसदमा Socialization Bar हरू छन्। Senate र Congress मा दुवै तिर विधायकहरू दिउसै रक्सी पिईदिन्छन्। हामी त स्वनिर्भर हौं आफैले किनेर खान्छौं। एकाध राजनीतिज्ञ रक्सी पिउँदैन तर धुस पिदिन्छन् नि!
मदिरा खाएर सार्वजनिक स्थल यातायात हुलदंगा गर्न वर्जित छ। अस्पताल विद्यालयमा जान मिल्दैन। मदिरा सेवन गरेर सवारी साधन चलाउन मिल्दैन। कुनै अपराध संलग्न हुदैनन् गाली गर्दैनन् भने विदाको दिनमा आफूलाई मन पर्ने पहिरन लगाउन पाईन्छ रमाईलो संग टीभी मा बोल्न पाईन्छ। तर परिस्थिति त्यो थिएन। जय नेपाल!
The post ऋषि धमलाको टक–शोमा मदिरा पिएर बोलेको आरोप लागेपछि सांसद बजगाईंको यस्तो छ स्पष्टीकरण appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3ZYfjwG via IFTTT
काठमाडौँ । उपप्रधानमन्त्री एवम् रक्षामन्त्री पूर्णबहादुर खड्काले नेपाली सेनाका विषयमा सञ्चारमाध्यमले झुठो र गलत सूचनामा आधारित समाचार प्रकाशित गरेको बताएका छन् ।
नेपाल पत्रकार महासङ्घ, राजनीतिशास्त्र अध्ययन सङ्घ र नेपाल दूरसञ्चार प्राधिकरणद्वारा संयुक्तरुपमा आज आयोजित ‘नेपालमा इन्टरनेट र मित्थ्या सूचना स् लोकतन्त्र र प्रेस स्वन्त्रतामा चुनौती’ विषयक कार्यक्रममा रक्षामन्त्री खड्काले नेपाली सेनाका विषयमा गलत र झुठा सूचनामा आधारित समाचार सम्प्रेषण हुँदा यसले संस्थामा अत्यन्तै ठूलो भ्रम सिर्जना गर्ने परिस्थितिका निर्माण भएको उल्लेख गरे ।
“नेपाली सेनाका एकजना सहायक रथीको बढुवाको सन्दर्भ जोडेर ठूलो समाचार बन्यो, राजनीतिक पार्टीमा छलफलको विषय बन्यो । सो विषयमा सम्बन्धित फोरममा प्रष्ट पार्ने कोसिस पनि गरेँ”, उनले भने, “तर अझै पनि भावी प्रधानसेनापतिसँग जोडेर गलत सूचना आइरहेको छ । जसमा सत्यता छैन ।”
उपप्रधानमन्त्री खड्काले सरकारले नेपाली सेनाका सहायक रथी यामबहादुर अधिकारीको पदावधि सेनाको नियमावलीअनुसार थप भएको बताए । तत्कालीन माओवादीका लडाकुलाई नेपाली सेनामा समायोजन गर्ने सहमति अनुरुप तोकिएको मापदण्ड, परम्परा, संस्थागत थिती, सैनिक ऐन नियमलाई प्रतिकुल असर नहुने गरी समायोजनको बन्दोवस्तो गरिएको प्रसंग उल्लेख गर्दै उनले सोही क्रममा अधिकारीलाई २०७६ सालमा सरकारले अतिरिक्त सहायक रथीको पद सिर्जना गरेर बढुवा गरेको बताए ।
रक्षामन्त्री खड्काले सहायक रथीको पदावधि सात वर्षको हुने उल्लेख गर्दै अधिकारीको उमेरको अवधिले पुग्ने, सेनाको बोर्ड, प्रधानसेनापति र रक्षामन्त्रालयको सिफारिसका आधारमा मन्त्रिपरिषदले एक पटकका लागि तीन वर्षको पदावधि थप गरेको स्पष्ट पारे । “अहिले नेपाली सेनाको नियमावली चलाएर अधिकारीलाई प्रधानसेनापति बनाउँदैछ भनेर सञ्चारमाध्यमले प्रपञ्च चलाएका छन्”, उपप्रधानमन्त्री खड्काले भने, “यी सबै झुठा कुरा हुन् ।”
नेपाली सेनाको प्रधानसेनापति हुनका लागि निश्चित मापदण्ड, तालिम आवश्यक हुने उनको भनाइ छ । “सो सम्बन्धमा सरकार, रक्षामन्त्रालय सैनिक नियमभन्दा दायाँबायाँ जाने कल्पना पनि गर्न सकिन्न”, उनले भने, “त्यसैले सहायक रथी अधिकारी प्रधानसेनापति बन्ने सम्भावनाको कुरा सबै गलत हो, झुठा हो । गलत सूचनाका आधारमा समाचार बनाएर राजनीतिबाट मुक्त रहेको र नेपाली जनताको भरोसाको संस्थालाई चलाउने प्रयास गरिएको छ ।”
उनले प्रेस स्वतन्त्रता, अधिकार र हकका साथै इन्टरनेट र सामाजिक सञ्जालको उपयोग गर्दा समाजमा हुने हानी, संस्थामा पर्ने असर, नागरिकमा पर्ने नराम्रो प्रभावले गलत कुरा पनि सही होकि भन्ने वातावरण उत्पन्न हुने हुँदा त्यसतर्फ सचेत हुन पनि आग्रह गरे ।
The post प्रधानसेनापतिका विषयमा झुठो सूचनामा आधारित समाचार प्रकाशित भयो : उपप्रधानमन्त्री खड्का appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3S7DdEl via IFTTT
मोरङ । कोशी प्रदेशका मुख्यमन्त्री केदार कार्कीले आफ्नो नेतृत्वमा प्रदेश सरकार गठन भएसँगै राजनीतिक सङ्कट समाधान भएको बताएका छन् ।
प्रदेश प्रमुखको कार्यालयमा आज पद तथा गोपनीयताको शपथ लिएपछि सञ्चारकर्मीसँग कुरा गर्दै उनले प्रदेशमा मध्यावधि निर्वाचन हुने सम्भावना सरकार गठनसँगै टरेको बताए।
मख्यमन्त्री कार्कीले प्रदेशमा शान्ति, सद्भाव र समुदायबीच सौहार्द्रपूर्ण वातावरण कायम राख्नु सरकारको प्रमुख प्राथमिकता भएको बताउँदै त्यसका लागि छलफल, संवाद एवं वार्ताद्वारा समस्या समाधान गर्नुपर्नेमा जोड दिए। उनले सबै पक्षसँग सहमति कायम गरेर आफू काम गर्न प्रतिबद्ध रहेको बताए ।
The post कोशी प्रदेशको राजनीतिक सङ्कट समाधान भयोः मुख्यमन्त्री कार्की appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3PVXMAI via IFTTT
काठमाडौं । राष्ट्रिय स्वतन्त्र पार्टीका सभापति रवि लामिछानेले कांग्रेस, एमाले र माओवादी केन्द्रलाई सकेसम्म अर्को निर्वाचनमा महागठबन्धन गर्न सुझाव दिएका छन् ।
उनले आगामी निर्वाचनमा महागठबन्धन गरेर सकेसम्म एउटै चुनाव चिन्ह लिनेगरि महासहमति गर्न सुझाव दिएका हुन् । कोशी प्रदेशको सरकार गठनको प्रक्रियालाई लिएर लामिछानेको यस्तो सुझाव आएको हो ।
उनले कांग्रेस, एमाले र माओवादीको उद्देश्य, कार्यशैली र चरित्र एउटै भएको भन्दै सटर चाहीँ किन बेग्लाबेग्लै भनेर प्रश्न सोधेका छन् । उनले फेशबुकमा लेखेका छ्न-
गत उप-निर्वाचनमा मलाई र डा. स्वर्णिमलाई हराउन ड्राफ्ट भएर एउटा मात्र हस्ताक्षर हुन बाँकी रहेको “महागठवन्धन”ले आज कोशीमा सार्थकता पाएछ। राम्रो भो, अब केन्द्रमा पनि यस्तै सहकार्य होस्। र आगामी निर्वाचन सम्ममा सबै पुराना दल एक ठाँउमा बसेर यस्तै महागठवन्धन गरि,सकेसम्म चुनाव चिन्ह समेत एउटै हुने गरि “महासहमति” पनि गर्नु होला। ढिला नगरी “महागठबन्धनवादी मोर्चा”को घोषणा सभा बारेपनि सुन्न पाइयोस् । उदेश्य एउटै, कार्यशैली एउटै,चरित्र एउटै, गन्तव्य एउटै भएपछि,सटर चाहिँ किन बेग्लाबेग्लै ??
The post देउवा, ओली र प्रचण्डलाई रविको प्रश्न : ..सटर चाहीँ किन बेग्लाबेग्लै ? appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/46PeAQN via IFTTT
काठमाडौं । सत्ता गठबन्धनको निर्णय विपरीत कोशी प्रदेशको मुख्यमन्त्रीमा दाबी पेस गरेका नेपाली कांग्रेसका सांसद केदार कार्कीसहितका आठ सांसदहरूले प्रदेश प्रमुख परशुराम खापुङका सामु आफ्नो हस्ताक्षर सनाखत गरेका छन् ।
आफूहरुको हस्ताक्षर लिएर माओवादी केन्द्रका प्रदेश संसदीय दलका नेता इन्द्र आङ्बो पनि पुगेपछि कांग्रेसका ८ सांसदले आफ्नो हस्ताक्षर सनाखत गराएका हुन् । मुख्यमन्त्रीमा दाबी पेस गरेका कार्कीले आफूहरू सशरीर उपस्थित भएर आफ्नो हस्ताक्षर सनाखत गरेकाले अन्य कुनै सदस्यले पेस गरेको दाबी झुटो भएकाले खारेज गर्न मागसमेत गरेका छन् । आफूहरूले आङ्बोको समर्थनमा हस्ताक्षर नगरेको बताउँदै उनले उक्त दाबीलाई खारेज गर्न निवेदनसमेत दिएका छन् ।
कोशीमा कांग्रेस २९ प्रदेश सांसद छन्, उनीहरुमध्ये ८ जनाले कार्कीको पक्षमा हस्ताक्षर गरेका छन् । उदयपुरका रामकुमार खत्री, लिलाकुमारी राई, इलामका शमशेर राई र गोविन्द गिरी, झापाकी इन्दिरा थापा, मोरङका मानबहादुर लिम्बू, सुनसरीका सुनिता गुरुङले केदार कार्कीलाई मुख्यमन्त्री नियुक्त गर्न माग गरेका छन् ।
आज बिहान बसेको सत्ता गठबन्धनको बैठकले माओवादीका आङ्बोलाई मुख्यमन्त्री बनाउने निर्णय गरेको थियो । उक्त निर्णयको शेखर पक्षले विरोध जनाउँदै आएको छ । कोशीका मुख्यमन्त्री हिक्मत कार्कीले असोज २० गते पदबाट राजीनामा दिएका थिए। प्रदेश प्रमुख खापुङ्गले असोज २६ गते अपराह्न ५ बजेभित्र संविधानको धारा १६८ को उपधारा ५ अनुसार मुख्यमन्त्रीमा दाबी पेश गर्न समय दिएका छन्।
The post प्रदेश प्रमुखसामु हस्ताक्षर सनाखत गर्दै कांग्रेसका ८ सांसदले भने: आङ्बोको दाबी खारेज गरियोस् appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3rS1HXl via IFTTT
काठमाडौँ | विद्युतीय सिगरेट (भेप) मार्फत भएको ९ किलो सुन तस्करी प्रकरणमा माओवादी नेता एवं पूर्वसभामुख कृष्णबहादुर महराका छोरा राहुल महराले इन्कारी बयान दिएका छन् । उनले उक्त प्रकरणमा आफ्रनो कुनैपनि संलग्नता भने नरहेको दाबी गरेका छन् । सुन तस्करी प्रकरणमा काठमाडौं जिल्ला अदालतमा मुद्दा दर्ता गरिएका राहुल महराले आफ्नो तीनवटा मोबाइल हराएको बयान दिएका छन् । राहुलले केन्द्रीय अनुसन्धान ब्यूरोमा आत्मसमर्पण गर्ने क्रममा पहिले चलाएको तीनवटै मोबाइल लुकाएर हुवावेको नयाँ मोबाइल लिएर गएका थिए ।
सरकारी वकिलको कार्यालय काठमाडौँले सुन तस्करी प्रकरणमा राहुल महरासहित चारजना विरूद्ध काठमाडौं जिल्ला अदालतमा मुद्दा दर्ता गरेको छ। मुद्दामा पूर्वसभामुख एवं माओवादी नेता कृष्णबहादुर महराका छोरा राहुल भनिने रेशम महरा, चिनियाँ नागरिक दाओजिन वाङका सवारी चालक लोकेन्द्र पौडेल, थुनामा रहेका बेल्जियन नागरिक दावा छिरिङ र फरार बौद्धकी निमा गुरुङलाई प्रतिवादी बनाइएको छ ।नेपालको समेत नागरिकता भएका भनिएका चिनियाँ मूलका बेल्जियन नागरिक दावा छिरिङलाई मुख्य अभियुक्त बनाइएको छ। बेल्जियन नागरिक दावा ६० किलो सुन तस्करी प्रकरणको पनि मुख्य अभियुक्त हुन्।
उनीहरूविरुद्ध अपराधिक विश्वासघात, भन्सार चौरी पैठारी तथा संगठित अपराधसम्बन्धी कसूरको मुद्दा लगाइएको हो । उनीहरूबाट ७३० थान भेपबाट ९ केजी ११ दशमलब ५२४ ग्राम परिमाणको सुन तस्करी गरिएको ठहरसहित ८ करोड ५५ लाख २८ हजार ३७४ रूपैयाँ बिगो मागदाबी गरिएको छ ।
The post भेप सुन तस्करी प्रकरण : कृष्णबहादुर महराका छाेरा राहुल महरा सहित चार जना विरूद्ध मुद्दा दायर appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3RVOSFX via IFTTT
काठमाडौं । प्रस्तावित निजामती सेवा ऐनको विरोधमा एक सातादेखि माईतीघर मण्डलामा आन्दोलनरत देशैभरका स्थानीय तहका कमचारीलाई वार्तामा आउन सरकारले आग्रह गरेको छ ।
संघीय मामिला तथा सामान्य प्रशासन मन्त्रालयले मंगलबार एक विज्ञप्ति जराी गर्दै वार्ताका लागि आव्हान गरको हो । ‘केही दिनदेखि स्थानीय तहबाट हुने सेवा प्रवाह रोकी स्थानीय तह कर्मचारी केन्द्रीय संघर्ष समिति र स्थानीय तह कर्मचारी संयुक्त माग कार्यान्वयन परिचालन समितिको नामबाट विभिन्न मागहरू राखी काठमाडौं केन्द्रित विरोध कार्यक्रम सञ्चालन हुँदै आएको जानकारी भएपश्चात् मन्त्रालयले समितिका प्रतिनिधिलाई छलफलमा बोलाइएको, मिति २०८०-०६-२२ गतेका दिन यस मन्त्रालयका मा.मन्त्रीज्यूको उपस्थितिमा छलफलसमेत भएको छ’ जारी विज्ञप्तिमा भनिएको छ, ‘स्थानीय तहका कर्मचारीका मागका सम्बन्धमा छलफल गरी उपयुक्त निकास निकाल्न मन्त्रालय सकारात्मक छ। कतिपय नीतिगत विषयहरू सम्बोधन भई सकेका र सम्बोधन हुन नसकेका विषयमा थप छलफलबाटै समस्याको सम्बोधन गर्न सकिने भएकाले हाल भइरहेको विरोध प्रदर्शनलाई स्थगन गरी छलफल र सम्वादमा आउन तथा आ–आफ्नो कार्यस्थलमा फर्की आम नागरिकमा सेवा प्रवाह सूचारु गर्न मन्त्रालय सम्वद्ध सबैमा अनुरोध गर्दछ।’
स्थानीय तहका कर्मचारीले एकीकृत निजामती सेवा ऐन माग गर्दै आन्दोलनमा होमिएका छन्। सरकारले संघीय निजामती सेवा विधेक संसदमा पेश गर्ने निर्णय गरेपछि स्थानीय तहका कर्मचारीहरु आन्दोलनमा आउँदा सरकारनै सकसमा परेको छ ।
स्थानीय तहका कर्मचारीहरुले आफूहरुलाई पनि निजामती सेवा ऐनकै परिभाषाभित्र समेटेर समान खालका सेवा सुविधा दिनुपर्ने माग गरेका छन् ।
The post आन्दोलनरत स्थानीय तहका कर्मचारीलाई वार्तामा आउन सरकारको आव्हान appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/48R1wfp via IFTTT
बुटवल । लुम्बिनी प्रदेशका अर्थमन्त्री धनबहादुर मास्की सवार गाडी दुर्घटनामा परेको छ । तुलसीपुर उपमहानगरपालिकाको शितलपुरमा गाडी दुर्घटनामा परेको स्वकिय सचिव शम्भु गौतमले जानकारी दिए ।कार्यक्रम सकेर अर्थमन्त्री मास्की मन्त्रालय फर्किँदै थिए । एक्कासी बच्चा सडकमा आएपछि बचाउने क्रममा गाडी सडकबाट झाडीमा पुगेर दुर्घटनामा परेको बताएको छ।सामान्य चोटपटक लागेको गौमतले बताए । गाडीमा ५ जना सवार थिए । लु १ झ ७३८ नम्बरको गाडी दुर्घटनामा परेको हो ।
The post लुम्बिनीका अर्थमन्त्री धनबहादुर मास्कीको सवार गाडी दुर्घटना appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3RQktJ4 via IFTTT
काठमाडौं । इजरालयको युद्धग्रस्त क्षेत्रबाट ३२ जना नेपालीलाई सुरक्षित स्थानान्तरण गरिएको छ । इजरायलको दक्षिणी क्षेत्र सेदोत नेगेभबाट सेनाले स्कर्टिङ गरेर उनीहरुलाई सुरक्षित स्थानान्तरण गरेको हो ।
सुरक्षित स्थानान्तरण भएका नेपालीहरुको नामावली
The post इजरायली सेनाले ३२ जना नेपालीलाई गर्यो सुरक्षित स्थानान्तरण (नामावलीसहित) appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/48FuRtn via IFTTT
काठमाडौं । सरकारले इजरायलबाट स्वदेश फर्किन चाहने नेपालीलाई विमान चार्टर गरेर ल्याउने व्यवस्था मिलाउने भएको छ । मन्त्रिपरिषद्को बैठकले नेपाल फर्कन चाहने नेपालीलाई विमान चार्टर गरेर यथाशीघ्र ल्याउने व्यवस्था मिलाउने निर्णय गरेको हो ।
इजरायलस्थित नेपाली दूतावासले स्वदेश फर्कन चाहने नेपालीहरुको विवरण अनलाइन प्रणालीमार्फत संकलन गरी तत्काल परराष्ट्र मन्त्तालयमा पठाउने र स्वदेश फर्कन चाहनेहरुलाई उक्त प्रणालीमा आफ्नो विवरण तत्काल प्रविष्ट गर्न अनुरोध गर्ने सरकारले निर्णय गरेको छ ।साथै, स्वदेश फर्किने नेपालीहरुका लागि नेपाल एअरलाइन्स र हिमालय एअरलाइन्सको विमान चार्टर गरी यथाशीघ्र ल्याउने प्रबन्ध मिलाउने सरकारको निर्णय छ ।
यस्ता छन् मन्त्रिपरिषद्का निर्णयहरु
मिति २०८० असोज २० गते दक्षिण इजरायलको किबुज अलुमिया भन्ने स्थानमा प्यालेष्टाइनको हमास समूहले गरेको आक्रमणमा परी १० (दश) जना नेपालीको दुःखद् निधन भएकोमा मृतकहरुप्रति हार्दिक श्रद्धाञ्जली अर्पण गर्दै शोक सन्तप्त परिवारजनप्रति हार्दिक समवेदना प्रकट गर्ने र घाइते भएका व्यक्तिहरुको शीघ्र स्वास्थ्य लाभको कामना गर्ने ।
यस अकल्पनीय घटनामा दिवङ्गत हुनुभएका नेपालीहरुप्रति सम्मान व्यक्त गर्न २०८० असोज २३ गते राष्ट्रिय शोक घोषणा गरी देशभरका सरकारी कार्यालय र विदेशस्थित नेपाली नियोगहरुमा राष्ट्रिय झण्डा आधा झुकाउने ।
परराष्ट्र मन्त्रालयले इजराजयल सरकारसँग समन्वय गरी यस घटनामा निधन भएका नेपालीहरुको शव यथाशीघ्र स्वदेश ल्याउने ।
यस घटनामा निधन भएका नेपालीहरुको परिवारलाई राहतस्वरप प्रति परिवार दश लाख रुपैयाँ उपलब्ध गराउने । उक्त रकम अर्थ मन्त्रालयले गृहमन्त्रालयमार्फत निकासा दिने ।
इजरायलस्थित नेपाली दूतावासले इजरायल सरकारसँगको समन्वय र सहयोगमा यस घटनामा परी बेपत्ता भएका नेपालीको खोजीमा तीब्रता दिने एवं घाइतेहरुको तत्काल उपचारका लागि आवश्यक समन्वय र सहजीकरण गर्ने ।
इजरायलस्थित नेपाली दूतावासले स्वदेश फर्कन चाहने नेपालीहरुको विवरण अनलाइन प्रणालीमार्फत संकलन गरी तत्काल परराष्ट्र मन्त्तालयमा पठाउने । स्वदेश फर्कन चाहने इजरायलमा रहनुभएका नेपालीहरुलाई उक्त प्रणालीमा आफ्नो विवरण तत्काल प्रविष्ट गर्न अनुरोध गर्ने ।
अध्ययनलगायत अन्य प्रयोजनका लागि इजरायलमा रहेका नेपालीहरुलाई नेपाल आउन चाहेमा नेपाल सरकारले नेपाल एअरलाइन्स र हिमालय एअरलाइन्सको विमान चार्टर गरी यथाशीघ्र ल्याउन प्रबन्ध गर्ने ।
इजरायलमा रहेका नेपालीहरुको उद्धार तथा स्वदेश फिर्तीमा सहयोग गर्न हिब्रु भाषा जान्ने स्थानीय व्यक्तिलाई बढीमा ३ (तीन) महिनाका लागि काममा लगाउन इजरायलस्थित नेपाली दूतावासलाई स्वीकृति दिने ।
इजरायलस्थित नेपाली दूतावासले इजरायलको जोखिमयुक्त क्षेत्रबाट नेपालीहरुको सुरक्षित उद्धार गर्न समन्वय र सहजीकरण गर्ने । नेपाल फर्कन चाहने नेपालीहरुलाई नेपाल फर्काउने अवधिसम्म अस्थायी ट्राञ्जिट होम स्थापना गरी व्यवस्थापन गर्न इजरायलस्थित नेपाली दूतावासलाई स्वीकृति दिने ।
इजरायलमा रहेका नेपालीहरुको उद्धारको लागि आवश्यकताअनुसार इजरायल सरकार एवं छिमेकीलगायत अन्य मित्र राष्ट्रहरुसमेतको सहयोग लिने ।
यस घटनाका सम्बन्धमा मानवीय संवेदनशीलता, परिवारजनमा पर्ने मानसिक आघात तथा समाजमा पर्ने असरसमेतलाई ध्यानमा राखी असान्दर्भिक र असंवेदनशील सामग्रीहरु सञ्चारमाध्यम र सामाजिक सञ्जालमार्फत प्रवाह नगर्न र आ–आफ्नो क्षेत्रबाट जिम्मेवार भूमिका निर्वाह गर्न सबैमा आह्वान गर्ने ।
The post इजरायलबाट स्वदेश फर्कन चाहने नेपालीहरुलाई विमान चार्टर गरेर ल्याइने appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3rAVr6l via IFTTT
काठमाडौँ । ‘स्मार्ट’ चालक अनुमतिपत्र छपाइका लागि आवश्यक कार्ड नहुँदा आकस्मिकबाहेक अरु छपाइ रोकिएको छ ।
अनुमतिपत्र छाप्नका लागि कार्ड सकिएकाले अहिले आकस्मिकका लागि दैनिक तीन सय ५० भन्दा बढी नछापिएको यातायात व्यवस्था विभागले जनाएको छ । विभागले खरिदका लागि प्रक्रिया अघि बढाइसकेको र अबको केही समयमा आइपुग्ने विभागका प्रवक्ता ईश्वरीदत्त पनेरुले जानकारी दिए ।
अहिले आकस्मिक रुपमा सेवाग्राहीका लागि मात्रै अनुमतिपत्र छापिएको तीन साताभन्दा बढी भएको विभागले जनाएको छ । नियमित रुपमा हुने छपाइ रोकिएपछि विभागका लागि छाप्नुपर्ने अनुमतिपत्रको सङ्ख्या भने बढीरहेको छ । थप कार्ड खरिदका लागि ठेक्काको तयारी अघि बढाइएको प्रवक्ता पनेरुले बताए ।
अहिले खरिद गरिएका कार्ड पहिलो पटक छ लाख आउन लागेका बताइएको छ । त्यसपछि दोस्रो पटकमा पनि छ लाख खरिदका लागि प्रक्रिया अघि बढाइएको विभागले जनाएको छ । सरकारले नागरिकलाई सजिलो रुपमा सेवा दिन ‘स्मार्ट’ चालक अनुमतिपत्र सुरु गरेको भए पनि सेवा व्यवस्थित बनाउन नसक्दा पटक पटक नागरिकले दुःख पाइरहेका छन् । कहिले आवश्यक उपकरण वा सामग्री खरिदका कारण त कहिले व्यवस्थापनका कारण नागरिकले समयमा अनुमतिपत्र पाउन सेका छैनन् ।
एसियाली विकास बैंकको सूचना र सञ्चार प्रविधि परियोजनाअन्तर्गत भएको सम्झौताका आधारमा चार प्रिन्टर र तीन लाख ५० हजार कार्ड खरिद गरिएको थियो । अनुमतिपत्र छाप्न समय लाग्ने मात्रै होइन लामो समय कुरेर पाएका कार्डमा समयसमयमा समस्या आइरहेको सेवाग्राही बताउँछन् । लामो समय रोकिएर एकैपटक कार्ड छापिँदा यातायात कार्यालयमा सेवाग्राहीको भीड हुने गरेको छ ।
एक स्थानीय तहभित्रको यातायात व्यवस्थापनको जिम्मेवारी पालिका, दुई वा त्योभन्दा बढी पालिकामा भए प्रदेश र अन्तरप्रदेश चल्ने सवारीसाधन र यातायात व्यवस्थापनको जिम्मेवारी सङ्घीय सरकारको हुने उल्लेख छ । फरक सरकारबीच समन्वय नहुँदा पनि समय समयमा सेवाग्राहीले समस्या भोग्दै आएका छन् । सङ्घीय सरकारले ढिलाइ गरेको भन्दै कतिपय प्रदेशले आफैँ अनुमतिपत्र छाप्न उपकरण खरिदको योजना बनाउन थालेका छन् ।
The post कार्ड नहुँदा रोकियो चालक अनुमतिपत्रको छपाइ appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3Q7DPIx via IFTTT
काठमाडौं । कोशी प्रदेशका मुख्यमन्त्री हिक्मत कुमार कार्कीले प्रदेश प्रमुख परशुराम खापुङसमक्ष राजीनामा बुझाएका छन् ।
कार्की गत भदौ २२ गते प्रदेश सभाको सबैभन्दा ठूलो दलको संसदीय दलको नेताको हैसियतले मुख्यमन्त्रीमा नियुक्त भएका थिए । प्रदेश सभाबाट विश्वासको मत लिने आज कार्यसूची रहेको थियो । विश्वासको मतका लागि वातावरण नबनेपछि कार्कीले प्रदेश सभामै राजीनामा घोषणा गरेका थिए । कार्कीले राजीनामा बुझाएसँगै कोशीमा संविधानको धारा १६८ (५) बमोजिमको सरकार गठनका लागि मार्ग प्रशस्त भएको छ ।
The post कोशीका मुख्यमन्त्री कार्कीले प्रदेश प्रमुख खापुङसमक्ष बुझाए राजीनामा appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3rGyONE via IFTTT
काठमाडौं । सर्वोच्च अदालतले रिगल भनिने योगराज ढकाललाई आममाफी दिनुको कारण सात दिनभित्र पेश गर्न सरकारका नाममा आदेश जारी गरेको छ ।बिहीबार न्यायाधीश मनोजकुमार शर्माको इजलासले सात दिनभित्र लिखित जवाफ पेश गर्न विपक्षीहरूलाई आदेश दिएको छ।
रिगलले खुँडा प्रहार गरेर नेपालगन्जका चेतन मानन्धरको हत्या गरेका थिए । चेतनकी पत्नी भारती शेर्पाले गत आइतबार रिगलको कैद सजाय मिनाहा गर्ने राष्ट्रपतिको निर्णय बदर हुनुपर्ने माग राखी सर्वोच्च अदालतमा रिट निवेदन दायर गरेकी थिइन् ।
आफ्ना पतिको जघन्य हत्यामा संलग्न ढकालको कैद सजाय माफी मिनाहा गर्ने राष्ट्रपतिको निर्णय बदर गरेर उनलाई फेरि कैदमा पठाउन शेर्पाले माग गरेकी छन् ।
The post रिगललाई आममाफी दिनुको कारण सात दिनभित्र पेश गर्न सर्वोच्चको आदेश appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/45zSqBb via IFTTT
काठमाडौँ । इलेक्ट्रिक सिगरेट (भेप) मार्फत भएको सुन तस्करी प्रकरणमा केन्द्रीय अनुसन्धान ब्युरो (सीआईबी)ले पूर्व सभामुख समेत रहेका माओवादी केन्द्रका उपाध्यक्ष कृष्ण बहादुर महरालाई बयान कागज गराएको छ ।एक प्रहरी उच्च अधिकारीले महरा मंगलबार सीआईबीमा उपस्थित भएर यो प्रकरणमा बयान कागज गरेको पुष्टि गरे ।
२०७९ पुस १० मा दुबईबाट विद्युतीय चुरोट ‘भेप’मा लुकाएर सुन तस्करी गर्ने समूहसँग माओवादी उपाध्यक्ष कृष्णबहादुर महरा र उनको छोरा राहुलको सम्पर्क देखिएको थियो । सुन ल्याउने समूहका चिनियाँ नागरिक दाओजिन वाङसँग उनीहरूको सम्पर्क देखिएको हो ।
यो प्रकरणमा राहुल गत भदौ १३ मा पक्राउ परिसकेका छन् । केन्द्रीय अनुसन्धान ब्यूरोले महरा र उनका छोरा राहुललाई सुन ल्याउने समूहका ‘मुख्य योजनाकार’ किटान गरेर अनुसन्धान प्रतिवेदन बुझाएको थियो । अनुसन्धान प्रतिवेदनमा ‘मुख्य योजनाकार’ किटान गरेर बयान समेत नगराएको भन्दै जिल्ला सरकारी वकिल कार्यालयले उनीहरूमाथि अनुसन्धान गर्न प्रहरीलाई निर्देशन दिएको थियो ।
पूर्वसभामुख महराले सुन तस्करीसम्बन्धमा अनुसन्धान लागि सरकारलाई सघाउन आफू तयार भएको बताउँदै आएका थिए । चिनियाँ नागरिक वाङलाई फलफूल व्यापारिका रुपमामात्र चिनेको बताएका उनले सुन तस्करी प्रकरणमा बिनाकारण आफ्नो नाम मुछिएको आरोप लगाउँदै आएका छन् ।
तर कल डिटेल्स रिपोर्ट (सीडीआर) अनुसार विमानस्थलमा चिनियाँ नागरिक ली हानसोङले सुन तस्करी गरेको मिति २०७९ पुष १० गतेदेखि विमानस्थल भन्सार कार्यालयले आन्तरिक छानबिन थालेको चैत महिनाको अन्तिमसम्ममा कृष्णबहादुर महराले दुई जना चिनियाँ सुन तस्करसँग २२ पटक कुराकानी गरेको पाइएको छ । यसैगरी वाङ र राहुल महराबीच सुन तस्करी भई आएको मितिदेखि विमानस्थल भन्सार कार्यालयले छानबिन सुरु गर्नेसम्मको समयमा १९५ पटक कुराकानी भएको पाइएको छ ।
The post पूर्व सभामुख महरालाई सीआईबीले गरायो बयान कागज appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3LQFSy3 via IFTTT
काठमाडौं । राष्ट्रपति रामचन्द्र पौडेलले मन्त्रिपरिषद्ले पास गरेर पठाएको कुनैपनि विषय आफूलाई रोक्ने अधिकार नभएको बताएका छन् ।
गत असोज ३ गते संविधान दिवसको अवसरमा सरकारको सिफारिसमा राष्ट्रपतिबाट आममाफी पाएका ६७० जनामध्ये व्यक्ति हत्याको आरोप पुष्टि भएर सजाय भोगिरहेका व्यक्तिसमेत परेपछि विरोध जनाउँदै ध्यानाकर्षणपत्र बुझाउन गएको राष्ट्रिय स्वतन्त्र पार्टीका सभापति रवि लामिछानेसहितको टोलीसँग कुराकानी गर्दै यस्तो बताएका हुन् । राष्ट्रपति पौडेलले आफूले सरकारको सिफारिसलाई आफूले लागूमात्रै गरेको भन्दै त्यसको जस अपजस सरकारले नै लिने बताए ।
राष्ट्रपति पौडेलले रास्वपाका सांसदहरुले पक्रिया नबुझेर शीतल निवास आएको भन्दै प्रधानमन्त्री र गृहमन्त्रीलाई किन जवाफदेही बनाउन सक्नुभएन र सोझै यहाँ आउनुभयो भन्दै प्रश्नसमेत गरेका छन् । ‘हाम्रो संविधान, हाम्रो गणतन्त्र र हाम्रो संसदीय व्यवस्था तपाईहरूले बुझ्नुभएको छैन भन्ने मलाई लाग्दैन’, राष्ट्रपति पौडेलले भने, ‘तपाईंहरू संसदमा हुनुहुन्छ, सरकार पनि संसदमा नै छ, त्यही तपाईंहरूले प्रधानमन्त्री, गृहमन्त्रीलाई किन जवाफदेही बनाउन सक्नुभएन र सोझै यहाँ आउनुभयो ? अलिकति यो संविधान र व्यवस्था अनुसार प्रक्रिया मिलेन कि जस्तो लाग्यो।’
संविधान दिवसका दिन माफी पाउनेमा तरुण दलका पूर्वनेता रिगल भनिने योगराज ढकालसमेत छन् । बाँकेकै चेतन मानन्धरको हत्या अभियोगमा २०७५ वैशाखमा अदालतबाट उनले जन्मकैदको सजाय पाएका थिए । ढकाललाई माफी दिएकोमा मानन्धरका परिवारले पनि सरकार र राष्ट्रपतिमाथि प्रश्न उठाएका छन् ।
The post रास्वपाको टोलीलाई राष्ट्रपति पौडेलको प्रश्नः तपाईंहरु सोझै किन यहाँ आउनुभयो ? appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/46e6Qbc via IFTTT
काठमाडौँ । उपप्रधानमन्त्री एवं गृहमन्त्री नारायणकाजी श्रेष्ठले सवारी दुर्घटनाले निम्त्याएको कहालीलाग्दो अवस्थाको अन्त्य गर्न सरोकारवाला सबैको भूमिका महत्वपूर्ण रहेको बताएका छन्।
उपत्यका ट्राफिक प्रहरी कार्यालय र काठमाडौँ महानगरपालिकाले आयोजना गरेको ‘सडक सुरक्षा तथा ट्राफिक सचेतना सप्ताह–२०८०’को उद्घाटन गर्दै उनले सडक सुरक्षा ट्राफिक प्रहरीको मात्रै नभएर चालक र अन्य सबैको उत्तिकै जिम्मेवारीको पक्ष भएको बताए ।
“यति समयमा गन्तव्यमा पुग्छौँ भन्ने अनुमानलाई सिद्ध बनाउन सक्नु हामी सबैको जिम्मेवारी हो”, गृहमन्त्री श्रेष्ठले भने, “सडक जामले मानिस समयमा काममा नपुग्ने, जामको बहाना देखाउने, दुर्घटनाबाट धेरै क्षति हुने भएकाले सडक गुणस्तरको समस्यालाई सबै मिली समाधान गर्नुपर्छ ।” उनले सडक ट्राफिक लाइटको वैज्ञानिक प्रयोग गर्ने र ट्राफिक प्रहरीलाई थप ‘इन्सेन्टिभ’ दिनेबारे पनि छलफल चलिरहेको बताए ।
सडक दुर्घटनाबाट ठूलो मानवीय तथा भौतिक क्षति भइरहेको उल्लेख गर्दै मन्त्री श्रेष्ठले पछिल्लो १० वर्षमा सडक दुर्घटनामा ज्यान गुमाउनेको सङ्ख्या भयावह देखिएको बताए । “सडक दुर्घटनाबाट हुने दुःखद् स्थितिको अन्त्य गर्नु, त्यसलाई प्रभावकारीरुपमा न्यूनीकरण गर्न सचेत पहलकदमी गर्नु सबैको जिम्मेवारी हो”, उनले भने । सवारी दुर्घटना न्यूनीकरण गर्ने जिम्मेवारी ट्राफिक प्रहरीको मात्र नभएको जनाउँदै गृहमन्त्री श्रेष्ठले सडकको गुणस्तर, क्षमता, सवारी साधनको गुणस्तरीयता, सवारी चालक र आमनागरिकको चेतना तथा आचरण दुर्घटनाका कारण बन्दै आएको बताए ।
प्रहरी महानिरीक्षक वसन्त कुँवरले उपत्यकाको ट्राफिक व्यवस्थापनका सम्बन्धमा नेपाल प्रहरी र सरोकारवाला पक्षबीच सहकार्य अभिवृद्धि गरी आमनागरिकमा प्रभावकारी सेवा प्रवाह गर्नुपर्ने बताए । बढ्दो सरहरीकण, जनघनत्वका आधारमा सवारी पूर्वाधारको अभाव, सवारी साधनको तीव्र वृद्धि, मानवीय, वातावरणीय र यान्त्रिकलगायत कारणले सडक दुर्घटना बढेको उनको भनाइ थियो । “प्रहरीले आगामी दुई वर्षको कार्ययोजनामा सडक सुरक्षा र ट्राफिक व्यवस्थापनलाई प्रविधियुक्त बनाइ प्रणालीगत सुधार गर्ने योजना तर्जुमा गरेको छ”, उनले भने ।
वरिष्ठ कलाकार हरिवंश आचार्यले काठमाडौँमा सार्वजनिक यातायातको विकासबिना जनताले सुख नपाउने उल्लेख गर्दै सार्वजनिक यातायातमा सरकारले लगानी गर्नुपर्ने बताए । उ
The post दुर्घटना न्यूनीकरण गर्न सबैको भूमिका महत्वपूर्ण छ : गृहमन्त्री श्रेष्ठ appeared first on rastriyakhabar.com.
- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3rIqbSC via IFTTT
