काठमाडौं । नेकपा एकीकृत समाजवादीले देशमा आर्थिक संकटबाट उत्पन्न परिस्थितिका कारण धार्मिक–साँस्कृतिक द्वन्द्व पनि देखा परेको भन्दै सरकारलाई गम्भीर हुन आग्रह गरेको छ ।

अध्यक्ष माधवकुमार नेपालसहितको टोलीले शनिबार प्रधानमन्त्री पुष्पकमल दाहाल प्रचण्डलाई ध्यानाकर्षणपत्र बुझाउँदै मुलुकको मुख्य समस्या आर्थिक मन्दी रहेको र त्यसकै कारण समाजमा निराशा, कुण्ठा, अराजकता विस्तार भएको बताएका छन् ।

‘जनतामा ब्याप्त निराशा–हतासाको यस्तै अवस्थालाई प्रयोग गर्दै कतिपय अवान्छित तत्वहरु हाम्रो समाजमा जातीय, धार्मिक–साँस्कृतिक द्वन्द्व मच्चाउने समेत लागि परेका छन्’, उक्त ध्यानाकर्षणपत्रमा भनिएको छ ।

देशमा देखिएका संकटको समाधानका लागि सरकारले गम्भीर कदम नचाल्ने हो भने परिस्थिति झन् खराब हुने एकीकृत समाजवादीले ठहर गरेको छ ।

‘त्यसैले अहिलेको संकटको गम्भीरताप्रति सरकारको ध्यान जाओस् र आवश्यक आर्थिक, वित्तीय र मौद्रिक कदम चालियोस् भन्ने ध्यानाकर्षण गर्न चाहन्छौं’, अध्यक्ष नेपालले हस्ताक्षर गरेको पत्रमा भनिएको छ ।

सरकारले भ्रष्टाचार र सुशासनका पक्षमा लिएका कदमको जनस्तरबाट समर्थन भए पनि आर्थिक क्षेत्रको समस्या समाधानमा भने सरकारको ध्यान नपुगेको एकीकृत समाजवादीले बताएको छ ।

यही कारण श्रमजीवी, मजदुर तथा गरिबको जीवन कष्टकर हुँदै गएको भन्दै एकीकृत समाजवादीले उद्योगी व्यवसायीले बैंकको ब्याज र किस्ता तिर्न नसकेर निराशा थपिएको पनि दाबी गरेको छ ।

‘यी समस्या आजै सिर्जना भएका होइनन्, तापनि यसको सम्बोधन गर्नु र आम जनतालाई आश्वस्त पार्नु सरकारको दायित्व हो’, पत्रमा भनिएको छ ।

हेर्नुहोस् ध्यानाकर्षणपत्र

The post माधव नेपालको पत्र : आर्थिक मन्दीले समाजमा निराशा र अराजकता बढ्यो appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/46eMdvA via IFTTT

काठमाडौँ।  पूर्वप्रधानन्यायाधीश सुशीला कार्कीले मुलुकको विकास गर्नका लागि शासक इमानदार हुनुपर्नेमा बताएकी छन् । हिमालय मातृभूमि फाउन्डेसनद्वारा आज आयोजित ‘सुशासन, विकास र समृद्धि लागि राष्ट्रिय अभियान-२०८०’ कार्यक्रममा उनले मुलुकमा सुशासन, विकास र समृद्धिका लागि शासक इमानदार हुनुपर्ने बताइन् ।

‘वर्तमान सरकारको शासनशैली जनतालाई मन परेको छैन, किनभने इमान्दारिता छैन’, उनले भनिन्, ‘सुशासन, विकास र समृद्धिका लागि शासन इमानदार हुनैपर्छ ।’ धेरै बिग्रेको सुधार हुनका लागि समय लाग्ने भएकाले आशावादी हुन आग्रह गर्दै उनले भनिन्, ‘यही देशको माटोको विकास गर्नुपर्छ, अरूको देशमा जानु भनेको हराउनु हो ।’

उनले देशमा भ्रष्टाचारले जरो गाँडेको उल्लेख त्यसको अन्त्यका लागि दबाब समूह जरुरी भएको बताइन् । प्याब्सन कार्यसमिति अध्यक्ष डिके ढुङ्गानाले मुलुकको विकासका लागि राजनीतिक स्थायित्व र सुशासन जरुरी भएको आवश्यकता औँल्याउँदै त्यसका लागि सबैको इमानदारीपूर्वक काम गर्नुपर्ने बताइन् ।

नेपाल पत्रकार महासङ्घका अध्यक्ष विपुल पोखरेलले समाज विकासक्रममा मुलुकको विकासका लागि स्थापना भएको प्रजातन्त्रको अभ्यास गर्नुपर्नेमा जोड दिँदै गलत कामलाई सच्याउँदै राम्रो कामको गर्न सुझाव दिए ।

एनप्याव्सनका सहअध्यक्ष सुवास न्यौपानेले सुशासन, विकास र समृद्धिका लागि सबैमा चिन्ता र चिन्तन हुनुपर्ने धारणा राखे । पूर्वराजदूत महेश दाहालले देश भनेको जनता र जनताको भावना भएको उल्लेख गर्दै देश समृद्ध बनाउन धेरैभन्दा धेरै उद्योगधन्दा खोल्नुपर्नेमा जोड दिए ।

राजनीतिक विश्लेषक मुमाराम खनालले शिक्षाको क्षेत्रमा काम गर्ने व्यक्तिहरूले खाेलेको संस्था भएको हुँदा शिक्षाको सुधारमा लाग्न राजनीति नगर्न सुझाव दिए । पूर्वसचिव शारदाप्रसाद त्रितालले सुशासन कायम गर्न सरकारले नै ध्यान दिनुपर्ने भए पनि सरकार बनाउने र टिकाउनेमा मात्रै ध्यान दिनु दुःखद भएको अनुभव सुनाए ।

अध्यक्ष टीकाराम पुरीले देशलाई माया गर्ने देशभक्त नेपाली मिलेर सुशासन, विकास र समृद्धिका लागि स्थापना गरिएको जानकारी दिए । कार्यक्रममा संस्थाले गर्ने कामका बारेमा अवधारणापत्र सार्वजनिक गरेको थियो ।

The post विकास गर्न शासक इमानदार हुनुपर्छ : पूर्वप्रधानन्यायाधीश कार्की appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/48LygXJ via IFTTT

काठमाडौं। नेकपा (एमाले) अध्यक्ष केपी शर्मा ओलीले सुन तस्करी प्रकरणमा सरकारले ड्राईभर र भरिया पक्राउ गरेको बताएका छन् । उनले अहिले पनि वास्तविक तस्कर मुस्कुराइ रहेको बताए ।

 

आज (मंगलबार) नेपाल उद्योग तथा व्यवसायी महासंघको अन्तरक्रिया कार्यक्रमलाई सम्बोधन गर्दै ओलीले अन्य व्यापारीले २०/५० लाखको सामन ल्याउन एलसी खोल्नुपर्ने व्यवस्था भएपनि अर्बौको सुन ल्याउँदा कहाँबाट पैसा गयो भन्ने कुरा नै नखुलेको बताए ।

‘ड्राईभर, भरियालाई कारबाही गरेर यो सबै बन्द हुन्छ ? मुस्कुराइ राखेको छ जो करप्टर हो । जसले तस्करी गरिराखेको छ, त्यो मुस्कुराई राखेको छ । आनन्द लिइराखेको छ,’– उनले भने ।

सुन तस्करीका लागि नेपाली नागरिकता दिएर २०७४ सालदेखि नै तयारी रहेको खुलेको उनले बताए । नागरिकता कसले दिएको, किन दिएको र कति पैसा लिएर दिएको भन्नेबारे सरकारले छानविनसमेत गर्न नचाहेको ओलीले बताए ।

‘कसले लगानी गरेको छ ? २०७४ देखि तयारी गरेको रहेछ नि नागरिकता दिइदिई । नागरिकता दिने को ? किन नागरिकता दिइयो ? कसले नागरिकता दियो ?’ प्रश्न गर्दै उनले भने, ‘कति खाएर, कति लिएर नागरिकता के गरेर दिइयो नागरिकता ? भाषा बोल्छ कि बोल्दैन थाहा पाए होला नि नागरिकता दिँदा । सिफारिस कसले दियो ? सिफारिस प्रमाणित गर्ने अधिकारी को हो ?

The post सरकारले ड्राईभर र भरिया पक्राउ गर्यो, जसले सुन तस्करी गरेको हो ऊ मुस्कुराइरहेको छः केपी ओली appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/48rukLj via IFTTT

काठमाडौं। नेपाली कांग्रेसका महामन्त्री गगनकुमार थापाले कुनै समय पार्टीमा आवद्ध भएको व्यक्तिले अपराध गर्छभने त्यसको जिम्मेवारीको भारी पार्टीले नबोक्ने बताएका छन् । आज (सोमबार) केन्द्रीय कार्यसमितिको बैठकमा उनले संविधान दिवसका दिन आम माफी पाएका रिगलतर्फ लक्षित गर्दै उनले आम माफीको निर्णय सरकारले गरेको भन्दै त्यसको भारी कांग्रेसले बोक्न नसक्ने बताए ।

 

‘अघि आममाफीको कुरा उठ्यो । राष्ट्रपतिको त औपचारिकतामात्रै हो । सरकारले एउटा निर्णय गर्छ, त्यो निर्णयको सिंगो भारी कांग्रेसले बोक्नुपर्छ । हामीलाई त केही पनि थाहा छैन, किन दिएको पनि थाहा छैन, किन गरेको पनि थाहा छैन । एउटा साथी कुनै बेला कांग्रेसमा छ, उसले व्यक्तिगत रुपमा अपराध गर्छ, गलत गर्छभने त्यसको भारी त्यो व्यक्तिले नै बोक्नपर्छ,’– उनले भने ।

उनले महेन्द्र यादवमाथि भएको आक्रमणको भारी सिंगो पार्टीले बोक्न पर्ने र पार्टी तयार रहेको बताए । यादवको गल्ती कमिकमजोरी नभई उक्त आक्रमण भएको उनको दाबी छ ।

रिगल व्यक्ति हत्यामा दोषी ठहरपछि अदालतबाट सर्वस्वसहित जन्मकैद पाएका व्यक्ति हुन् । २०७२ साल असार २८ गते २९ वर्षीय चेतन मानन्धरमाथि उनले खुँडा प्रहार गरेर हत्या गरेका थिए । त्यसपछि फरार भएका रिगलले दुई महिनापछि प्रहरीमा आत्मसमपर्ण गरेका थिए । उनलाई २०७६ बैशाखमा अदालतले सर्वाश्वसहित जन्मकैदको फैसला सुनाएको थियो । संविधान दिवसका दिन उनले आममाफी पाएका छन् ।

The post महामन्त्री थापाले भने, ‘आममाफीको निर्णय सरकारले गरेको हो, भारी कांग्रेसले बोक्दैन’ appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3EQ2r1Y via IFTTT

काठमाडौँ । नेकपा एमालेका अध्यक्ष केपी शर्मा ओलीले अहिलेको सरकारलाई हटाउनुपर्ने बताएका छन्। ओखलढुंगामा आइतबार गुरू लुइँटेल स्मृति पार्क उद्घाटन गर्दै अध्यक्ष ओलीले सरकारले जनतालाई नहेरेको बताए।

‘अहिलेको सरकार बसिरहन हुन्छ? तपाईंहरू भन्नुस् त, यस्तो सरकार राख्न हुन्छ?,’ ओलीले प्रश्न गरे, ‘तपाईं-हामी नेपाली जनताले यो सरकार जुनसुकै तरिकाले भए पनि यसलाई टिपेर मिल्काउनुपर्ने अवस्था आइसक्यो।’

सरकारले जनता नहेरेको तर सुन हेरिरहेको ओलीको आरोप छ। ‘यति नालायक जनता हेर्दैन, सुनतिर हेर्छ,’ ओलीले भने।

‘बुढाबुढीले आशीर्वाद दिनुहुन्थ्यो- माटो छुँदा अन्नै होस्। ढुंगा छुँदा द्रव्य होस् भनेर अहिले त जे छोयो त्यही सुन,’ उनले भने, ‘माओवादी नेतृत्वको सरकार। क्रान्तिकारी र परिवर्तनकारी सरकार। कस्तो, भ्रष्टाचारी र तस्करी।’

देशमा हिंसा भड्काउने प्रयास भइरहे पनि सरकार हेरेर बसेको उनको आरोप छ। अहिलेको सरकारले नौ महिनामा केही काम नगरेको ओलीको आरोप छ। ‘यो सरकारले नौ महिनामा एउटा सिन्को पनि भाँचेन,’ उनले भने, ‘एउटा कानुन बनेको छैन संसदबाट।’

सुन तस्करी रोक्न एमालेले संसदबाट माग गरे पनि त्यसबेला संसद अवरोध गरेर कानुन बनाउन नदिएको भन्ने हल्ला चलाइएको उनको भनाइ थियो। प्रधानमन्त्री प्रचण्ड अमेरिका र चीन भ्रमणमा जाँदा संसद रोकिएको उनको भनाइ छ।

The post यो सरकारलाई जुनसुकै तरिकाले भए पनि टिपेर मिल्काउनुपर्छ: अध्यक्ष ओली appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3RA5FOS via IFTTT

काठमाडौं । गणतान्त्रिक लोकतन्त्रको प्रयोग गर्ने शिलसिलामा हरेक ब्यवसायमा लागेका ब्यवसायीहरुको हकहितको लागि संघ संस्था बनाउने प्रकृया अहिलेपनि चलिरहेकै छ ।
करिब १२ बर्ष देखि ह्युम पाईप बनाउने ब्यवसायीहरुको उत्थानको लागि गठन गरिएको ह्युम पाईप उद्योग संघ नेपालले हालै नयाँ नेतृत्व पाएको छ ।
असोज ६ गते सम्पन्न ह्युम पाईप उद्योग संघ नेपालको १२ औ साधारण सभाबाट अध्यक्षमा सिन्धुपाल्चोक बलेफी ०६का कुल प्रसाद आचार्य लगायत सम्पूर्ण कार्य समिति निर्विरोध निर्वाचित भएको हो ।
उक्त निर्वाचनलाइ सर्वसम्मत बनाउन भुमिका निभाउनु हुने देशका विभिन्न भागबाट पाल्नु भएका यस व्यवसायका अग्रजलगायत सम्पूर्ण व्यवसायी हरुलाई नव निर्वाचित अध्यक्ष कुल प्रसाद आचार्यले हार्दिक आभार ब्यक्त गर्नु भएको छ ।
लामो समय सरकारी सेवामा रहेर अवकाश लिनु भएका आचार्यको नेतृत्वमा निर्वाचित नयाँ कार्यसमितिले यो संघलाई थप उचाईमा पुर्याएर आम ह्युम पाईप ब्यवसाय भित्र रहेका समस्याहरुको समाधानको लागि अगाडी बढ्ने बिस्वास गरिएको छ ।

 

The post ह्युम पाईप उद्योग संघ नेपालको अध्यक्षमा सिन्धुपाल्चोकका कुल प्रसाद आचार्य निर्वाचित appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3t86ZOL via IFTTT

काठमाडौं । नेपाली कांग्रेसका नेता शेखर कोइरालाले थुनामा रहेका पूर्वगृहमन्त्री बालकृष्ण खाँडलाई भेटेका छन् । केन्द्रीय कारागार सुन्धारा पुगेर नेता कोइरालाले नक्कली भुटानी शरणार्थी प्रकरणमा पूर्वपक्षका लागि थुनामा रहेका खाँडलाई भेटेका हुन् ।

स्रोतका अनुसार  बिहान ९ बजे कारागार पुगेका कोइरालाले खाँडसँग आधा घण्टा कुराकानी गरेका थिए । भेटका क्रममा उनको मुद्दा र समसामयिक विषयमा कुराकानी भएको स्रोतको भनाइ छ ।

The post शेखर कोइरालाले भेटे खाँड appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3LAXkXr via IFTTT

काठमाडौं । राष्ट्रपति कार्यालयले संविधान दिवसका दिन ३४ जनालाई माफी मिनाहा दिनुपर्ने आधार स्पष्ट लेखेर पठाउन गृह मन्त्रालयलाई भनेको छ । साथै माफी मिनाहका लागि प्रस्ताव गरिएका ३४ जनाकै व्यक्तिगत विवरण पनि राष्ट्रपति कार्यालयले माग गरेको छ ।

गृह मन्त्रालयले संविधान दिवस (असोज ३ गते) को अवसरमा ३४ जनालाई माफी मिनाहाका लागि राष्ट्रपति कार्यालयमा सिधै सिफारिस गरेको छ । तर कानुनमा भएको सामान्य छिद्रको प्रयोग गर्दै ‘कानुन विपरीत’ गम्भीर प्रकृतिका अपराधमा सजायका लागि फैसला भएका तर पक्राउ नपरेका ३४ जनालाई माफी मिनाहाका लागि सिफारिस गरिएको भन्दै राष्ट्रपति कार्यालयले त्यसको स्पष्ट आधार माग गरेको हो ।

संविधान दिवसको अवसर पारेर विभिन्न काण्डमा दोषी देखिएका ३४ जनालाई माफी दिनेगरी गृह मन्त्रालयले पाँच दिन अघि राष्ट्रपतिसमक्ष प्रस्ताव पेस गरेको थियो । अधिकांश ज्यानमुद्दा, तस्करी, सहकारी ठगीलगायतका मुद्दामा सजाय तोकिएका व्यक्तिहरु छन् ।

मुलुकी फौजदारी अपराध (संहिता) ऐन, २०७४, मुलुकी फौजदारी कार्यविधि (संहिता) ऐन २०७४ र फौजदारी कसूर (सजाय निर्धारण तथा कार्यान्वयन) ऐन २०७४ को दफा १५९ बमोजिम उनीहरुको माफी मिनाहाको प्रस्ताव गरिएको गृह मन्त्रालय स्रोतले बतायो । संहिताको दफा १५९ मा सजाय माफी दिन सकिने व्यवस्था रहेको छ । १५९(१) मा भनिएको छ ‘अदालतको फैसला बमोजिम ठेकिएको सजाय पाएको व्यक्तिले सो सजाय माफी पाउन, त्यसलाई मुल्तवीमा राख्न, परिवर्तन गर्न वा कम गर्न गृह मन्त्रालयमार्फत् राष्ट्रपतिसमक्ष निवेदन दिन सक्नेछ ।’

सजाय पाएका व्यक्तिले माफी मिनाहाका लागि गृह मन्त्रालयमार्फत् राष्ट्रपतिसमक्ष निवेदन दिन सक्ने व्यवस्था छ । सोही दफाको उपदफा (२) मा भनिएको छ– (१) बमोजिम निवेदन दिँदा जुन अदालतको फैसलाबाट निवेदकले सजाय पाएको हो सो अदालतको फैसलाको प्रतिलिपि संलग्न गर्नु पर्नेछ । तर मन्त्रालयले सिफारिस गर्दा यस्तो फैसलाको प्रतिलिपि पनि संलग्न नरहेको स्रोतले बतायो ।

गृह मन्त्रालयले दुई तरिकाले माफी मिनाहाका लागि नाम सिफारिस गर्छ । पहिलो, कारागारमा कैद भुक्तान गरिरहेकाहरुको चालचलन हेरेर माफी मिनाहाको सिफारिस गरिन्छ भने दोस्रो, भनेको सजाय तोकिएको तर कैद भुक्तानी नगरेकाहरुको हकमा गृहबाट सिधै प्रस्ताव जान्छ ।

अहिले पठाइएका ३४ जना दोस्रो प्रकृतिका हुन् । मन्त्रालयले पठाएको सिफारिसमा माफी दिनुपर्ने कुनै कारण पनि नखुलाइएको स्रोतले जनाएको छ ।

कैद भुक्तान गरेकाहरू मध्येबाट भने कारागार व्यवस्थापन विभागले यस वर्ष ८ सय जनालाई माफी मिनाहाको सिफारिस गरेको थियो । शुक्रबार बसेको मन्त्रिपरिषदको बैठकले ६७० जनाको कैद माफी गर्ने निर्णय गरेको थियो । त्यसमध्ये कसैको ५० प्रतिशत र कसैको ६० प्रतिशत कैद मिनाहा गर्ने प्रस्ताव आएको छ । त्यसबारेमा निर्णय भइसकेको छ । यो प्रस्ताव मन्त्रिपरिषदको भएकाले राष्ट्रपतिले स्वतः सदर गरेका छन् ।

The post राष्ट्रपति कार्यालयले गृह मन्त्रालयलाई सोध्यो– ३४ जनाको माफी मिनाहको आधार के हो ? लेखेर पठाउन माग appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3ES21bi via IFTTT

काठमाडौं । न्याय परिषद्ले नवनियुक्त न्यायाधीशहरुको पदस्थापन गरेको छ । न्याय परिषद्को गत शुक्रबारको बैठकले नवनियुक्त न्यायाधीशहरुको पदस्थापन गरेको सूचना मंगलबार सार्वजनिक गरेको हो ।

न्याय परिषद्का अनुसार नवनियुक्त उच्च अदालतको न्यायाधीशहरुमा श्याम कुमार भट्टराई, ब्रजेश प्याकुरेल, चन्द्रमणि ज्ञवाली, प्रकाश खरेल, कृष्णराम कोइराला र नारायणप्रसाद रेग्मीलाई उच्च अदालत पाटनमा पदस्थापन गरिएको छ ।

त्यस्तै न्यायाधीशहरु राधाकृष्ण उप्रेती र अर्जुन अधिकारीलाई उच्च अदालत जनकपुरको राजविराज इजलासमा पदस्थापन गरिएको छ भने हरिश्चन्द्र ढुङ्गाना, ऋषिराम निरौला, योगेन्द्रप्रसाद साह, खडानन्द तिवारी, मोहनराज भट्टराई र अर्जुन महर्जनलाई उच्च अदालत जनकपुरको वीरगन्ज इजलासमा पदस्थापन गरिएको छ ।

यस्तो छ पदस्थापन भएका अन्य न्यायाधीशहरुको सूची

The post उच्च अदालतमा नवनियुक्त २७ न्यायाधीशको पदस्थापन, को कहाँ पुगे ? appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3ZlrjrX via IFTTT

काठमाडौं। संस्कृति, पर्यटन तथा नागरिक उड्ययनमन्त्री सुदन किरातीले पशुपतिनाथको बसर्पाकमा अनियमितता र कानूनको गम्भीर उल्लंघन देखिएको भन्दै सम्झौता भंग गरेको घोषणा गरेका छन् । सामाजिक सञ्जालमार्फत उनले यसअघिको सम्झौता भंग गरेको र अर्को प्रक्रिया नहुँदासम्म पार्किङको निःशुल्क व्यवस्था गरिएको जानकारी दिएका छन् ।

मन्त्री किरातीले फेशबुकमा लेखेका छन्–‘पशुपतिनाथको बसपार्कमा अनियमितता र कानुनको गम्भीर उल्लंघन देखिएकोले सम्झौता भंग गरिसकिएको छ, अर्को प्रक्रिया पुरा नहुँदा सम्म पार्किङ्ग निःशुल्क गरिएको जानकारी गराइन्छ ।

The post पशुपतिनाथको बसपार्कमा सम्झौता भंग गरेको मन्त्री किरातीको घोषणा appeared first on rastriyakhabar.com.

- feed news from https://bit.ly/3LpejMb राष्ट्रिय खबर Archives - rastriyakhabar.com https://bit.ly/3LuXnE6 via IFTTT

काडमाडौं। नेपाल प्रहरीको केन्द्रीय अनुसन्धान व्यूरो (सीआईबी)ले रेडी ट्रेड लिंक प्रालिको नाममा हालसम्म ३०२ किलो अवैध सुन नेपाल भित्रिएको निष्कर्ष निकालेको छ ।

दोलखाका दिलीप भुलेजको नाममा दर्ता भएको उक्त कम्पनीले विभिन्न देश हुँदै नेपालमा हालसम्म ३०२ किलो ६२० ग्राम अवैध सुन तस्करी गरेर भित्र्याएको खुलेको सीआईबीकी प्रमुख एआईजी किरण बज्राचार्यले जानकारी दिइन् ।

कम्पनीले भित्र्याएका सबै बरामद ब्रेक प्याडहरुलाई जोख्दा ३०२ किलो ६२० ग्राम सुन ल्याएको देखिएको उनले बताइन् । हङकङ ट्रान्जिट हुँदै त्यहाँबाट तीनवटा कम्पनीले रेडी ट्रेडको नाममा ३ अर्ब ५० करोड २ लाख १६ हजार ५५२ को सुन भित्र्याएको पाइएको बज्राचार्यले बताइन्।

उनका अनुसार पक्राउ परेका ३२ जना र फरार १८ जनासहित ५० जनाविरुद्ध ३ अर्ब ५० करोड २ लाख १६ हजार ५५२ रुपैयाँको बिगो कायम गरेर मुद्दा अघि बढाउन सरकारी वकिलको कार्यालयलाई राय दिइँदैछ।

साउन ३ गते त्रिभुवन विमानस्थल बाहिर बरामत गरिएको ६० किलो सुन तस्करी प्रकरणको अनुसन्धान प्रतिवेदन सीआईबीले आज (बुधबार) सरकारी वकिलको कार्यालयमा बुझाउँदै छ ।

The post डी ट्रेड कम्पनीकै नाममा ३०२ किलो अवैध सुन भित्रिएको सीआइबीको निष्कर्ष appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3sQjgqN via IFTTT

काठमाडौँ । संविधानसभा अध्यक्ष सुवास नेम्वाङको निधनमा सरकारले बिहीबार शोक बिदा दिएको छ। मंगलबार गृह मन्त्रालयका सहसचिव एवं प्रवक्ता केदारनाथ शर्माले विज्ञप्ति जारी बिहीबार शोक बिदा हुने जानकारी दिएका हुन्।

नेम्वाङको अन्तिम संस्कार बिहीबार बिहान ११ बजे हुने भएको हो। मंगलबार बसेको मन्त्रिपरिषदको बैठकले पनि अन्तिम संस्कार गर्ने दिन सार्वजनिक बिदा दिने निर्णय गरेको थियो।

त्यसअनुसार नै गृहले सार्वजनिक बिदाको विज्ञप्ति जारी गरेको हो।

यस्तै त्यस दिन राष्ट्रिय झन्डा आधा झुकाइने पनि प्रवक्ता शर्माले जानकारी दिए।

बिहीबार देशभरका सबै सरकारी कार्यालयहरू, विदेशस्थित नेपाली दूतावास र नियोगहरूमा बिदा हुने र ती कार्यालयहरूमा राष्ट्रिय झन्डा आधा झुकाउने भएको हो।

प्रतिनिधि सभा सदस्य तथा नेकपा एमालेका उपाध्यक्ष समेत रहेका नेम्वाङको मंगलबार बिहान हृदयघातबाट निधन भएको हो। उनको पार्थिव शरीरलाई मंगलबार ललितपुरस्थित पार्टीको केन्द्रीय कार्यालय च्यासलमा राखिएको छ। पार्टी कार्यालयमा भोलि दिउँसो १ बजेसम्म राखिनेछ।

त्यसपछि बालुवाटारस्थित निवासमा लगिने छ। बिहीबारमात्रै उनको अन्तिम संस्कार गर्न लागेको हो।

The post संविधानसभा अध्यक्ष नेम्वाङको निधनमा सरकारले दियो बिहीबार शोक बिदा appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3sUpUwo via IFTTT

काठमाडौँ । नेकपा एमालेका अध्यक्ष केपी शर्मा ओलीले नै स्व सुवास नेम्वाङलाई भेट्न पाएनन् । मंगलबार बिहान दुई नेताबीच भेट्ने कुरा भएपनि त्यसअघि नै नेम्वाङको निधन भएको हो । संविधानसभा अध्यक्ष तथा नेकपा एमालेका उपाध्यक्ष तथा प्रतिनिधिसभा सदस्य नेम्वाङको ७१ वर्षको उमेरमा मंगलबार बिहान असामयिक निधन भएको थियो ।

आलीले सामाजिक सञ्जालमा लेखेका छन्,’अस्तिको दिन सुवासजी धरानको कार्यक्रमबाट फर्केपछि फोनमा कुरा भएको थियो । उहाँको बोली सधैँ झैँ सहज थियो । मंगलबार बिहान भेट्ने कुरा भएको थियो । तर  मंगलबार नै उहाँको पार्थिव शरीर हेरेर बिदाइ गर्न विवश भएँ । भावपूर्ण श्रद्धासुमन !’

The post ओलीले भने–भेट्ने कुरा थियो, पार्थिव शरीर हेरेर बिदाइ गर्न विवश भएँ appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3ZvJOdr via IFTTT

काठमाडौं । नेपाली उपभोक्ता संरक्षण महासंघको दोस्रो साधरण सभा बिजुलीबजारको क्रिष्टल पार्टी भेन्युमा आज कानून,न्याय तथा संसदीय मामिला मन्त्री धनराज गुरुङको प्रमुख आतिथ्यतामा सम्पन्न भएको छ ।
महासंघका अध्यक्ष चन्द्र साउदको सभापतित्वमा भएको कार्यक्रममा विभिन्न संघ संस्थाका प्रतिनिधि हरुको समेत उपस्थिति रहेको थियो ।
कार्यक्रममा महासंघका अध्यक्ष साउदले नेपाली उपभोक्ता संरक्षण महासंघ राष्ट्रिय प्रकृतिको संस्था भएकोले राष्ट्रिय ऐनमा दर्ता गर्नुपर्ने, नेपाली उपभोक्ता संरक्षण महासंघको राज्यका सम्बन्धित सवै निकायमा अनिवार्य प्रतिनिधित्व सहितअधिकार सम्पन्न बजार अनुगमन तथा कानुनी दायरामा ल्याउन सक्ने अधिकार सम्पन्न छुट्टै संयन्त्र गठन गर्नुपर्ने, राज्यका सम्बन्धित निकायमा समन्वय गरि अनुगमन गर्ने र सम्बन्धित निकायमा सिफारिस गर्ने कानूनी व्यवस्था गर्नुपर्ने, सबै खाले भ्रष्ट, कालोबजारीया लाई कडा कारवाहि गरि, उनिहरुको सम्पती र राज्यको नियन्त्रणम रहेका चलरअचल सम्पती निश्चित समय तोकी राज्यकोषमा दखिला गर्ने कानून निर्माण गर्नु पर्ने जस्ता माग राखेर कानून,न्याय तथा संसदीय मामिला मन्त्री धनराज गुरुङ लाई ज्ञापन पत्र बझाउनु भएको थियो ।
प्रमुख अतिथिको वक्ताको रुपमा बोल्दै कानून,न्याय तथा संसदीय मामिला मन्त्री धनराज गुरुङले अहिलेका नेताहरुले माईक पाएपछि छोड्नै नमान्ने र भाषण छाट्दैमा देशको बिकास नहुने भन्दै ब्यङ्ग्य समेत गर्नु भएको थियो । मन्त्री गुरुङले जति अनुगमन गरे पनि नेपाली उपभोक्ताले सधैंभरी ठगिईरहनुपर्ने अवस्थाको अन्त्य हुन नसकेको तथ्यलाई स्विकार गर्दे ,यस्तै सामाजिक काम गर्ने संस्थाहरुबाट आफुले पनि केहि अपेक्षा गरेको र राम्राकाम गर्ने संघ संस्थाहरुलाई सधैं सरकारले साथ र सहकार्यगर्ने प्रतिबद्धता समेत जनाउनु भयो जति जे जे भनेपनि मन शुद्ध नभए सम्म केहि पनि सुधारको अपेक्षागर्न नसकिने भन्दै मन्त्री गुरुङले चाँडै धनि बन्ने अभिलासा बोकेर बजारमा ब्यापार गर्न निस्किएका ब्यापारीहरुले यो बजारलाई सधै यस्तै गरेर चलाउन बिभिन्न तिकडमहरु अपनाउँदै आएको पनि बताउनु भयो ।
कार्यक्रममा बोल्ने अधिकांश बक्ताहरुले यो महासंघ अहिलेको अत्याधिक आवश्यकताको बिषय भएकोले यसले गरेका कार्यहरुलाई समर्थन गर्दै अगाडी बढ्नुपर्ने र नयाँनयाँ योजना बनाएर बजारका बिकृतिहरु ह्टाउन पहल गर्नुपर्ने बताउनु भएको थियो ।
महासंघले कानून,न्याय तथा संसदीय मामिला मन्त्री धनराज गुरुङ समक्ष बुझाएको ज्ञापन पत्र जस्ताको तेस्तै
ज्ञापन पत्र
मन्त्रीज्यू,
नेपाली उपभोक्ता संरक्षण महासंघ(FNCP)गृह मन्त्रालय मार्फत, उद्योग, वाणिज्य तथा आपुर्ति मन्त्रालयको राय सहितबाट, जिल्ला प्रशासन कार्यालय काठमाण्डौमा दर्ता, नेपाली उपभोक्ताको हकहितको लागि जनस्तरमा स्थापित एकमात्र सबै नेपालको छाता संगठन हो ।
नेपाली उपभोक्ता संरक्षण महासंघ, देशमा भइरहेको भ्रष्टाचार, कालोबजारी, गुणस्तरहिन र अखाद्य वस्तु तथा सेवाका विरुद्ध थप प्रभावकारी कार्य गर्नका लागि देशका ७ प्रदेश, ७७ जिल्ला र सबै स्थानीय तहमा जनमत संकलन गरी खबरदारीको लागि जनस्तरको संगठन विस्तारको प्रक्रियामा रहेको सहर्ष जानकारी गराउँछौं ।
जनस्तरको संगठन मार्फत स्थानिय तह देखि राज्यका विभिन्न निकायमा खवरदारी गर्न उपभोक्ताको प्रत्यक्ष प्रतिनिधित्व सुनिश्चित गरि देशमा सुशासन, स्वस्थ खाद्यवस्तु, गुणस्तरीय सेवा लगायतको सूनिश्चितता गर्न र देशमा समृद्धि ल्याउन अति आवश्यक भैसकेकोले, कानून, न्याय तथा संसदीय मामिला मन्त्रालयको नेत्तृत्व गरीरहनु भएका माननीय मन्त्रीज्यू समक्ष आम उपभोक्ताले भोग्नु परेका समस्या समाधान र सरकारका निति नियमको कार्यान्वयनमा सहयोग गर्नको लागि नेपाली उपभोक्ता संरक्षण महासंघको तर्फबाट तपशिल अनुसार माग गर्दछौं ।
मागहरु
१ नेपाली उपभोक्ता संरक्षण महासंघ राष्ट्रिय प्रकृतिको संस्था भएकोले राष्ट्रिय ऐनमा दर्ता गरियोस ।
२ नेपाली उपभोक्ता संरक्षण महासंघको राज्यका सम्बन्धित सवै निकायमा अनिवार्य प्रतिनिधित्व सहितअधिकार सम्पन्न बजार अनुगमन तथा कानुनी दायरामा ल्याउन सक्ने अधिकार सम्पन्न छुट्टै संयन्त्र गठन गरियोस् ।
३ राज्यका सम्बन्धित निकायमा समन्वय गरि अनुगमन गर्ने र सम्बन्धित निकायमा सिफारिस गर्ने कानूनी व्यवस्था गरियोस् ।
४ सबै खाले भ्रष्ट, कालोबजारीया लाई कडा कारवाहि गरि, उनिहरुको सम्पती र राज्यको नियन्त्रणम रहेका चलरअचल सम्पती निश्चित समय तोकी राज्यकोषमा दखिला गर्ने कानून निर्माण गरियोस् ।
चन्द्र साउद
अध्यक्ष
नेपाली उपभोक्ता संरक्षण महासंघ (FNCP)
केन्द्रीय कार्य समिति, काठमाण्डौ सम्पर्क नं. ०१—४७९३५५६
इमेल fncp.nepal@gmail.com

The post नेपाली उपभोक्ता संरक्षण महासंघको दोस्रो साधरण सभा सम्पन्न appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3sYmubJ via IFTTT

काठमाडौँ । नेकपा एमाले उपाध्यक्ष तथा संविधानसभा पूर्व अध्यक्ष सुवास नेम्वाङको निधन भएको छ । उनको हृदयघातका कारण त्रिवि शिक्षण अस्पतालमा उपचारका क्रममा निधन भएको एमाले नेता खिमलाल भट्टराईले जानकारी दिए ।बालुवाटारस्थित निवासमा हृदयघात भएसँगै उनलाई परिवारले त्रिवि शिक्षण अस्पताल लगेपनि चिकित्सकले मृत घोषणा गरेको बताइएको छ । नेम्वाङ गत मंसिरमा सम्पन्न प्रतिनिधि सभा निर्वाचनमा इलाम–२ बाट विजयी भएका थिए । उनी एमाले संसदीय दलका उपनेता समेत हुन् ।

नेम्वाङ विस २०६३ मा पुनः स्थापित प्रतिनिसिधासभाको सभामुख, २०६४ सालमा व्यवस्थापिका संसदको सभामुख, २०६५ र २०७० सालमा संविधानसभा अध्यक्ष भएका थिए ।

यसैगरी विसं २०४८ देखि २०५२ सालसम्म राष्ट्रियसभा सदस्य बनेका उनी त्यसपछि पुनः राष्ट्रियसभा सदस्य भएका थिए । प्रतिनिधिसभा निर्वाचन २०६५ मा इलाम २ बाट निर्वाचित उनी संविधानसभा निर्वाचन २०६४ र २०७० मा पनि इलाम २ बाट नै निर्वाचित भएका थिए । प्रतिनिधिसभा निर्वाचन २०७४ मा इलाम २ बाट निर्वाचित नेम्वाङ कानून समिति सदस्य, संसदीय दलको उपनेता र २०५६ सालमा सार्वजनिक लेखा समिति सभापति पनि भएका थिए ।

विसं २०५१ मा न्याय कानून तथा संसदीय राज्यमन्त्री भएका उनी सामान्य प्रशासनमन्त्री र स्थानीय विकासमन्त्री भए । राजनीतिमा प्रवेश गर्नुअघि नेपाल ल क्याम्पसमा प्राध्यापन र कानून व्यवसायी रहेका थिए ।

नेम्वाङको निधनको खबरपछि एमाले नेता कार्यकर्ता र शुभेच्छुकहरु त्रिवि शिक्षण अस्पताल महाराजगन्जमा पुगेका छन् ।

The post एमाले उपाध्यक्ष सुवास नेम्वाङको निधन appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3Riji4R via IFTTT

काठमाडौं । २०७९ पुस २४ गते आफ्नो कार्यभार सम्हाल्न नेपाल आईपुगेका चिनियाँ राजदूत छन् सोङ्ले काठमाडौंमा ओर्लिए लगत्तै नेपाल आउनुको कारणबारे भनेका थिए- ‘थोपा–थोपाले ट्यांकी भरिन्छ र सबैले दाउरा थपेपछि आगो बल्छ’ भन्ने उखानलाई सम्झँदै नेपाल र चीनबीचको सदियौं पुरानो सम्बन्धलाई अझ उचाइमा पु¥याउन भूमिका खेल्ने प्रतिवद्धता जनाउँदछु’।

नेपाल र चीनबीचको सदियौं पुरानो सम्बन्धलाई अझ उचाइमा पु¥याउन भूमिका खेल्ने बताउँदै आफ्नो पदभार ग्रहण गरेका राजदूत सोङ आफ्नो कार्यभार सम्हालेको ८ महिना पनि पूराहुन नपाउँदै यतिबेला आलोचना र विवादको केन्द्रमा छन् । हत्तपत्त कुनैपनि विषयमा आफ्नो भनाई व्यक्त गर्न नखोज्ने राजदूत सोङले केही दिन पहिले नेपाल र भारतबीच सम्बन्धका बारेमा एउटा विवादास्पद अभिव्यक्ति दिएपछि निकै आलोचित भइरहेका छन् ।

गत शनिबार नेपाल चाइना हिमालय फ्रेण्डसिप, नेपाल नामक एक गैरसरकारी संस्थाले आयोजना गरेको एक कार्यक्रममा चिनियाँ राजदूत छन् सोङले नेपाल भारतबीचको सम्बन्धका बारेमा विवादास्पद अभिव्यक्रि दिएका थिए । उनले भनेका थिए “दुर्भाग्यवश, तपाईँहरुको भारत छिमेकी छ । तर, भाग्यवश भारत तपाईँहरुको छिमेकी छ, । तपाईँले बिजुली व्यापार घाटामा गर्नुभयो । तपार्ईँहरुको गर्ने उत्पादनमध्ये एक हो– बिजुली । तपाईँहरु सोच्नुहुन्छ बिजुलीले तपाईँको देशमा स्वतन्त्रता ल्याउँछ । त्यसैले नेपाल सरकारलाई मैले कृषि क्षेत्रलाई प्राथमिकतामा राख्नुपर्ने सुझाव दिँदै आएको छु ’।

राजदूत सोङको उक्त अभिव्यक्ति सार्वजनिक भएसँगै अहिले उनको अभिव्यक्तिको तीव्र आलोचना भइरहेको छ । धेरैले उनले कूटनैतिक मर्यादा भुलेको भन्दै सरकराले तत्काल प्रष्टीकरण सोध्नुपर्ने र चीनलाई आफ्नो राजदूत फिर्ता पठाउन दबाब दिनुपर्ने बताउँदै आएका छन् । कूटनीतिक क्षेत्रका जानकारहरु मात्रै नभएर नेतादेखि सांसदहरुसम्मले चिनियाँ राजदूतको भारतविरोधी अभिव्यक्तिको खण्डण र विरोध गरिरहेका छन् । संसदको अन्तर्राष्ट्रिय सम्बन्ध तथा पर्यटन समितिले त उनको अभिव्यक्तिबारे सोधपुछ गर्न सरकारलाई निर्देशनसमेत दिएको छ । समिति सभापति राजकिशोर यादवले चिनियाँ राजदूतलाई उनको अभिव्यक्तिबारे विभागीय मन्त्रालयले बोलाएर सोध्नुपर्ने स्पष्ट पारेका छन् । यो विषयले प्रतिनिधि सभामा पनि प्रवेश पाइसकेको छ ।

प्रतिनिसभाको हालैको बैठकमा सरकारमा समेत सहभागी सिके राउत नेतृत्वको जनमत पार्टीले चिनियाँ राजदूतलाई फिर्ता पठाउनुपर्ने माग गरेको छ । जनमतका सांसद तथा पूर्वमन्त्री अब्दुल खानले संसद्मा बोल्दै चिनियाँ राजदूतको अभिव्यक्तिको विरोध गरेका थिए । उनले सरकारले तत्काल राजदूतसँग स्पष्टीकरण सोधेर फिर्ता पठाउनुपर्ने माग गरेका थिए । नागरिक समाजको तहबाट पनि चिनियाँ राजदूतको अभिव्यक्तिलाई लिएर कडा विरोध भएको छ । डा. सुन्दरमणि दीक्षित, कुटनीतिज्ञ विजयकान्त कर्णलगायतले त सार्वजनिक रुपमै चिनियाँ राजदूतलाई विभागीय मन्त्रीले बोलाएर स्पष्टीकरण सोध्नुपर्ने र नेपालको नीतिविरुद्ध अभिव्यक्ति दिएको जनाउँदै चिनियाँ सरकारलाई पनि नेपाल सरकारले जानकारी गराउनुपर्ने माग गरेका छन् ।

सडकखेखि सदनसम्म विरोधका आवाज सुनिरहँदा विभागीय मन्त्रालय परराष्ट्र मन्त्रालय भने यो विषयमा मौनजस्तै छ । प्रधानमन्त्री पुष्पकमल दाहाल नेतृत्वको वर्तमान सरकारमा परराष्ट्रमन्त्री नेपाली कांग्रेसले पाएको छ । परराष्ट्रमन्त्रीमा कांग्रेसका प्रभावशाली नेता एनपी साउद छन् । तर, उनले उक्त विषयमा कुनैपनि प्रतिक्रिया जनाएका छैनन् । कांग्रैसबाटै परराष्ट्रमन्त्री भइसकेका नेता डा. नारायण खड्का तथा प्रभावशाली नेताहरु शशांक कोइराला, शेखर कोइराला, रामहरी खतिवडालगायतले चिनियाँ राजदूतले कूटनैतिक सीमा नाघेको भन्दै आपत्ति जनाईरहँदा परराष्ट्र मन्त्रालय र विभागीय मन्त्री भने मौन रहेका छन् । मन्त्री साउदको मौनतालाई लिएर विभिन्न कोणबाट चर्चा सुरु भएको छ ।

प्रधानमन्त्री प्रचण्ड आगामी साता संयुक्त राष्ट्रसंघको कार्यक्रममा भाग लिन अमेरिका जाँदैछन् । दाहाल अमेरिकाबाट सीधै चीन भ्रमणमा जाने निश्चित् भइसकेको छ । उच्च स्रोतका अनुसार प्रधानमन्त्रीको चीन भ्रमणलाई लिएर सरकार र परराष्ट्र मन्त्रालयले माहोल बिग्रन सक्ने देखेर नै राजदूत सोङको अभिव्यक्तिप्रति कुनै प्रतिक्रिया नजनाएको चर्चा छ ।

उच्च स्रोतले बताए अनुसार प्रधानमनत्री दाहालले आफ्नो चीन भ्रमणका क्रममा यसपटक महत्वपूर्ण केही सम्झौताहरु गर्ने तयारी गरेका छन् । भ्रमणको मुखैमा राजदूतको अभिव्यक्तिप्रति प्रतिक्रिया जनाउँदा माहोल बिग्रसक्नेतर्फ सरकार सचेत रहेको हुँदा प्रधानमन्त्रीको भ्रमणअधि राजदूतको विवादास्पद अभिव्यक्तिप्रति मौन रहने नीति लिइएको हो ।तर, कुनै देशको एक राजदूतले अरु देशसँगको सम्बन्धलाई जोडेर विवादस्पद अभिव्यक्ति दिनु नेपाललाई हेपेको भनेर टिकाटिप्पणी सुरु भैसकेको छ ।

The post चिनियाँ राजदूत छन् सोङ्‌को विवादास्पद अभिव्यक्तिमा परराष्ट्र मन्त्रालयको रहस्यमस्य मौनता ? appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3rh4fOe via IFTTT

काठमाडौं । प्रधानमन्त्री पुष्पकमल दाहाल ‘प्रचण्ड’ ले आफू प्रधानमन्त्री भैसकेपछी सुशासन र समृद्धिको अभियान सुरू गरिएको बताएका छन् ।

गोर्खा जिल्लाको सिरानचोक गाउँपालिकाद्वारा छोप्राकमा आयोजित स्थानीय जनप्रतिनिधि तथा सिरानचोकवासीसँग प्रधानमन्त्रीको भेटघाट कार्यक्रमलाई सम्बोधन गर्दै यस्तो बताएका हुन् ।

सरकारले भ्रष्टाचार, माफिया गिरी र तस्करीमा जो सुकै भएपनी कारबाही गरिछाड्ने बताए । ललिता निवास माफियाहरूले कब्जा गरेका जग्गा सरकारको नाममा ल्याउने अभियानको सुरूवात मात्रै भएको बताए । भू–माफियाविरुद्धको अभियान देशैभर चलाउने उनको भनाइ छ ।

अहिले भ्रष्टाचारविरुद्धको अभियानमा ठूला नेता र कर्मचारी परेको बताउँदै उनले सुशासन,सामाजिक न्यास र समृद्धिको पक्षमा साथ दिन जनतासँग आह्वान गरे ।

सकारले जनताका जुनसुकै गुनासोहरू सुन्न र सुशासन कायम गर्न हेल्लो सरकार सकृय बनाएको बताउँदै उनले गाउँघरमा भएका गुनासाहरू टिपाउन आग्रह गरे ।

आफू प्रधानमन्त्री भएको समयमा अर्थतन्त्र दबाबको स्थितिमा रहेको भन्दै उनले अर्थतन्त्र सुधार्ने, अर्थतन्त्र माथिको दवाब कम गर्न सरकार सफल भएको बताए ।

‘मैले सरकारको नेतृत्व लिएपछि राजस्व, रेमिटेन्स , विदेशी मुन्द्राको संचिती बढेको छ,पर्यटन बढ्दै गएको र अर्थतन्त्रमाथिको दवाब कम हुँदैगएको छ,’– प्रधानमन्त्री प्रचण्डले भने ।

गोर्खाली जनासँग निर्वाचनको समयमा गरेका कवुल पूरा गर्ने प्रधानमन्त्री प्रचण्डले बताए । गोर्खा जिल्लाको क्षेत्र नम्बर–२ प्रधानमन्त्री प्रचण्ड निर्वाचित भएको क्षेत्र हो ।

उनले सो निर्वाचनक्षेत्रका जनप्रतिनिधि र नागरिकहरूसँग निर्वाचनका बेला यस क्षेत्रको सडक,खानेपानी, शिक्षा र रोजगारीको विकासलाई ध्यान दिने बताए ।

कार्यक्रममा प्रधानमन्त्री प्रचण्डलाई सिरानचोक गाउँपालिकाले जनताको तर्फबाट अभिनन्दन गरिएको थियो ।

The post ललिता निवास सुरुवात हो, यस्ता अभियान देशैभर चलाउँछौंः प्रधानमन्त्री प्रचण्ड appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/462QaCN via IFTTT

काठमाडौं । नेपालमा हुने दोस्रो टि—ट्वान्टी ह्विलचेयर एशिया कप क्रिकेट २०२३ लागि नेपाली खेलाडी टोलिको छनौट प्रकृया आजबाट शुरु भएको छ ।
आयोजक देश पाकिस्तान र सह आयोजक देश नेपाल रहेर काठमाडौंको किर्तीपुर क्रिकेट मैदानमा हुने यो प्रतियोगिताको लागि आज काठमाडौं क्रिकेट ट्रनिङ सेन्टरको खेल मैदान सानेपामा नेपाली टिम छनौटको प्रारम्भिक प्रकृया शुरुवात गरिएको सह आयोजक संस्थाका प्रमुख बिवेक उपाध्यायले बताउनु भयो ।
नेपाली टिम छनौटको प्रारम्भिक प्रकृया शुरुवात चरणमा २९ जना खेलाडीले नाम दर्ता गराएको भएपनि १५ जनाको टिमलेमात्र आधिकारीक टिमको रुपमा प्रतियोगितामा खेल खेल्न पाउने कार्यक्रम आयोजक पक्षबाट नेपालका प्रमुख ब्यवस्थापकको रुपमा कार्य गरिरहेका बिकास अधिकारीले बताउनु भएको छ ।
दोस्रो टि—ट्वान्टी ह्विलचेयर एशिया कप क्रिकेट २०२३ प्रतियोगिता २०२३ अक्टोबर २(नेपाली पात्रो अनुसार असोज १५ गते) बाट सुरु हुने आयोजक देशका प्रतिनिधिले जानकारी गराएका छन् ।
दोस्रो टि—ट्वान्टी ह्विलचेयर एशिया कप क्रिकेट २०२३मा आयोजक पाकिस्तान, सह आयोजक नेपाल, भारत, बंगलादेश र श्रीलंका गरी पाँचवटा ह्वीलचेयर क्रिकेट टोली सहभागी हुनेछन्न् । फाइनल सहित कुल ११ खेल हुनेछन् ।

The post दोस्रो टि—ट्वान्टी ह्विलचेयर एशिया कप क्रिकेट २०२३ को नेपाली टोली छनौट आजबाट शुरु appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/44KJQik via IFTTT

काठमाडौ । शुक्रबार फोकस नेपाल संस्थाको एघारौं वार्षिकोत्सवको अवसरमा आयोजना गरिएको औद्योगिक क्षेत्रको विकासको चुनौती र अवसरहरु‘ बिषयक बिचार गोष्टी तथा बिभिन्न क्षेत्रमा रहेर समाजलाई योगदान पुर्याउने व्यक्तित्वहरुलाई सम्मान गर्ने कार्यक्रममा काठमाडौंको शिवपुरी डाँडागाउँस्थित ‘ग्रिन भ्याली रिसोर्टका महाप्रबन्धक हस्पिटालिटी तथा सामाजिक क्षेत्रमा क्रियाशील युवा गणेश श्रेष्ठ सम्मानित भएका छन् ।
प्रमुख अतिथि उद्योग, वाणिज्य तथा आपूर्ति मन्त्री रमेश रिजालले श्रेष्ठलाई हस्पिटालिटी तथा सामाजिक क्षेत्रमा क्रियाशील रहेको भन्दै सम्मान गरेका हुन् ।
कार्यक्रममा फोकस नेपालका अध्यक्ष रामचन्द्र पोखरेलले फोकस नेपालले हरेक वर्ष देश र समाजलाई योगदान दिने व्यक्तित्वहरुको कामको मूल्यांकन गर्दै संस्थाले सम्मान गर्ने बताए ।
कार्यक्रममा विभिन्न क्षेत्रमा कार्यरत समाजसेवी तथा व्यवसायीहरूलाई पनि सम्मान गरिएको थियो ।

The post ग्रिन भ्याली रिसोर्टका महाप्रबन्धक गणेश श्रेष्ठ फोकस नेपालको बिशेष सम्मानबाट सम्मानित appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3sGI58t via IFTTT

काठमाडौं । प्रधानमन्त्री पुष्पकमल दाहाल ‘प्रचण्ड’ले नागरिक भयरहितरूपमा बस्न सक्ने वातावरण सिर्जना गर्नु राज्यको प्रमुख दायित्व भएको बताएका छन् ।

अन्तर्राष्ट्रिय प्रहरी सहकारिता दिवस र इन्टरपोलको १००औँ वार्षिकोत्सवका अवसरमा आज आयोजित कार्यक्रमलाई सम्बोधन गर्दै उनले अन्तर्राष्ट्रिय समकक्षहरूसँग सहकार्य गरेर विश्वव्यापी अपराधबाट उत्पन्न हुने बहुआयामिक चुनौतीहरू सामना गर्न सरकार सक्षम रहेको बताए ।

उनले सरकार सीमापार सुरक्षा र सहयोग प्रवर्द्धनमा सक्रिय भूमिका खेल्न तयार रहेको र आवश्यक पहल गरिरहेको समेत बताए । प्रधानमन्त्री दाहालले सरकारले आवश्यक सबै उपायको अवलम्बन गरेर अपराधलाई निरुत्साह गर्ने विश्वास व्यक्त गरे ।

प्रधानमन्त्रीले अपराधीहरूले प्रविधिको दुरुपयोग गरी गैरकानूनी क्रियाकलाप गरिरहेको भन्दै यसमा अन्तर्राष्ट्रिय प्रहरी सहयोगको महत्त्व अतुलनीय रहेको उल्लेख गरे ।

“यस डिजिटल युगमा जहाँ अपराधीले प्रविधिको दुरुपयोग गरी आफ्ना नराम्रा क्रियाकलाप सञ्चालन गर्छन्, त्यहाँ अन्तर्राष्ट्रिय प्रहरी सहयोगको महत्त्वलाई थप सबल बनाउनुपर्छ,”– प्रधानमन्त्री प्रचण्डले भने ।

विश्वव्यापी परिदृश्य र सम्बन्धित मुद्दामा चिन्तन गर्न आवश्यक रहेको उनले बताए । अन्तर्राष्ट्रिय सङ्गठित अपराध, साइबर खतरा र आतङ्कवादको वृद्धिसँगै विश्वले अभूतपूर्व चुनौतीको सामना गरिरहेको उनको भनाई छ ।

प्रधानमन्त्री दाहालले सबै राष्ट्रहरूलाई विश्वव्यापी, क्षेत्रीय र उपक्षेत्रीयस्तरहरूमा अन्तर्राष्ट्रिय सहयोग सुदृढ गर्न आग्रह पनि गरे ।

प्रधानमन्त्रीले उदीयमान खतरालाई प्रभावकारीरूपमा लड्न हामीले सूचना आदान–प्रदान, खुफिया आदान–प्रदान र क्षमता निर्माणलाई बढाउनुपर्नेमा जोड दिए ।

सरकारले अन्तर्राष्ट्रिय प्रहरी प्रयासलाई समर्थन गर्ने सर्वोपरि महत्त्वलाई मान्यता दिएको तथा यस प्रयासमा सक्रिय साझेदार भई हाम्रा प्रतिबद्धतालाई पुनः पुष्टि गरेको प्रधानमन्त्रीको भनाइ छ ।

प्रधानमन्त्री दाहालले मानवअधिकारको संरक्षणलाई पनि उत्तिकै प्राथमिकता दिनुपर्ने बताए । “नेपाल सीमापार सुरक्षा र सहयोग प्रवर्द्धनमा सक्रिय भूमिका खेल्न तयार छ । हाम्रा अन्तर्राष्ट्रिय समकक्षहरूसँग सहकार्य गरेर हामी विश्वव्यापी अपराधबाट उत्पन्न हुने बहुआयामिक चुनौतीलाई अझ राम्रोसँग सम्बोधन गर्नसक्छौँ भन्ने हाम्रो दृढ विश्वास रहेको छ”, उनले भने ।

नागरिकलाई भय र शोषणबाट मुक्त हुनसक्ने वातावरण सिर्जना गर्न मिलेर काम गर्नुपर्ने प्रधानमन्त्रीको भनाइ छ । “हामीले मानवअधिकारको संरक्षणलाई प्राथमिकता दिनुपर्छ र हाम्रा कानून प्रवर्तन प्रयास विधिको शासनको ढाँचामा सञ्चालन भएको सुनिश्चित गर्नुपर्दछ । न्याय, निष्पक्षता र उत्तरदायित्वका सिद्धान्त पालना गर्नु कानून प्रवर्तन गर्ने एजेन्सी र उनीहरूले सेवा गर्ने समुदायबीच विश्वास निर्माण गर्न आवश्यक छ,”– प्रधानमन्त्री प्रचण्डले भने ।

The post नागरिकलाई भयरहित बस्न सक्ने वातावरण सिर्जना गर्नु राज्यको दायित्व होः प्रधानमन्त्री दाहाल appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3ErJySW via IFTTT

काठमाडौं । कोशी प्रदेशका मुख्यमन्त्री उद्धव थापा पदमुक्त भएका छन् । गत साउन १७ गते मुख्यमन्त्रीमा नियुक्त भएका थापा सर्वोच्च अदालतको परमादेशले पदमुक्त भएका हुन् ।

साउन १७ मा मुख्यमन्त्री बनेका थापा गत भदौ ४ गेत प्रदेश सभाबाट विश्वासको मत लिनेक्रममा सभाको अध्यक्षता गरिरहेका ईस्राइल मन्सुरीकोसमेत मत लिएपछि विवादमा आएका थिए । उनले लिएको विश्वासको मत असंवैधानिक रहेको ठहरगर्दै सर्वोच्च अदालतमा पूर्व मुख्यमन्त्री एवं नेकपा एमालेका संसदीय दलका नेता हिक्मतकुमार कार्कीले रिट दर्ता गरेका थिए ।

कार्कीले दायर गरेको उक्त रिटको सुनुवाइ गर्दै सर्वोच्च अदालतका न्यायाधीशत्रय सपना प्रधान मल्ल, कुमार चुडाल र नहकुल सुवेदीको पूर्ण इजलासले कोशी सरकारले लिएको विश्वासको मत असंवैधानिक ठहर गरेको हो । साथै सर्वोच्चको उक्त फैसलाले थापा स्वतः पदमुक्त भएका छन् । अदालतले ४८ घण्टाभित्रमा रिट निवेदक हिक्मतकुमार कार्कीलाई संविधानको धारा १६८ को उपधारा ३ अनुसार ठूलो दलको नेताको हैसियतमा मुख्यमन्त्री नियुक्त गर्न परमादेशसमेत जारी गरेको छ ।

पहिलोपटक २२ दिनमा सर्वोच्च अदालतबाट पदमुक्त बनेका कोशीका मुख्यमन्त्री उद्धव थापा दोस्रो पटक ३८ दिनमा सर्वोच्चबाटै पदमुक्त बनेका छन्।

प्रदेशसभाको अध्यक्षता गरेका व्यक्तिलाई जबरजस्ती आफ्नो पक्षमा मतदान गराउने सत्ता गठबन्धनको प्रयासलाई अदालतले फेरि असंवैधानिक ठहर गरेको हो। अब आईतबार साँझसम्म कोशीको नयाँ मुख्यमन्त्रीमा हिक्मतकुमार कार्की नियुक्त हुनेछन् ।

कोशीमा यतिबेला राजनीति निक्कै गिजोलिएको छ । कोशीले गत असार १५ देखि भदौ २१ सम्ममा २ वटा सरकार पाइसकेको छ । ९३ सदस्यीय प्रदेश सभामा सरकार बनाउन आवश्यक ४७ सांसदको संख्या कुनैपनि राजनीतिक दलसँग छैन् । गत वर्षको मंसिरमा सम्पन्न आम निर्वाचनपछि २०७९ को पुस २४ गते कोशीको मुख्यमन्त्रीमा हिक्मतकुमार कार्की नियुक्त भएका थिए । उनी नेकपा एमालेको तर्फबाट मुख्यमन्त्री बनेका थिए । तत्कालीन सत्तासाझेदार दलहरुबीच भएको सहमतिअनुसार साढे २ वर्षसम्म कार्की मुख्यमन्त्री बन्ने र त्यसपछि माओवादी केन्द्रका नेता ईन्द्र आङबो मुख्यमन्त्री बन्ने सहमति थियो ।

पुस १० मा बनेको सत्ता समिकरण फागुन २५ को राष्ट्रपति निर्वाचनसम्ममा भत्किएपछि हिक्मत नेतृत्वको सरकारको दिनगन्ती सुरु भइसकेको आंकलन हुने गरेको थियो । प्रदेश स्थापनाको ६ वर्षसम्म पनि नामकाकरण गर्न नसकेको आरोप खेपिरहेका दलहरुले गत फागुन १७ गते तत्कालीन प्रदेश नम्बर एकको नाम कोशी प्रदेश राखेका थिए । प्रदेश सभाको दुई तिहाइभन्दा धेरै मतले पारित नामप्रति पहिचानवादीहरु उग्र बने । र त्यहि दिनबाट कार्की नेतृत्वको सरकारको दिनगन्ती सुरु भयो । तत्कालीन सत्ता साझेदार दल जसपा नेपाल र माओवादी केन्द्र सरकारबाट बाहिरिएपछि अल्पमतमा परेका कार्कीले प्रदेश सभा छलेर अध्यादेशबाट बजेट सार्वजनिक गरे । संवैधानिक संकट टार्न नसकेपछि असार १५ गते प्रदेश सभाको बैठकबाट विश्वासको मत लिएका कार्कीले १ सांसदको मत नपाउँदा सत्ता गुमाएका थिए ।

कार्की नेतृत्वको सरकार असार १५ गते ढलेपछि कोशीको राजनीति झनै गिजलिँदै गएको थियो । प्रदेश प्रमुख परशुराम खापुङले ५ दिनको समय दिएर असार २१ गतेसम्म सरकारमा दाबी विरोध गर्न आव्हान गरेका थिए,असार १७ गते । प्रदेश प्रमुखले दाबी पेस गर्न आव्हान गरेको बेलामा सत्तारुढ एमाले र राप्रपामा उपसभामुखसहित ४६ र विपक्षी कांग्रेस माओवादी गठबन्धनसँग सभामुखसहित ४७ सांसद रहेका थिए । जसरी पनि हिक्मत सरकार ढाल्न चाहेका कांग्रेस माओवादी नेतृत्वको गठबन्धनले राप्रपालाई साथमका लिने अथक प्रयास गरेपनि सफल नभएपछि तत्कालीन सभामुख बाबुराम गौतमकोसमेत समर्थनमा थापा मुख्यमन्त्री नियुक्त भए । सर्वोच्चको आदेश र कोशीको गिजोलिएको राजनीतिको प्रमुख कारण असार २१ गतेको सभामुख गौतमको कदम प्रमुख रहेको देखिन्छ ।

असार १५- देखि आजसम्म कोशीको राजनीतिमा के को भयो ?

गत असार १५- गते तत्कालीन मुख्यमन्त्री हिक्मत कार्कीले विश्वासको मत पाएनन् । बहुमत गुमाएपछि सरकार कामचलाउमा सीमित भयो।असार १७ गते प्रदेश प्रमुखले ५ दिन समय दिएर मुख्यमन्त्रीमा दाबी पेश गर्न आव्हान गरे ।

असार २१- मा सभामुख बाबुराम गौतमको समेत हस्ताक्षर गराई गठबन्धनको सरकारमा दाबी पेश भयो । त्यहि दिन तत्कालीन मुख्यमन्त्री हिक्मत कार्की र राप्रपाका नेताहरुले प्रदेश प्रमुखलाई भेटेर सभामुखको हस्ताक्षरलाई मान्यता नदिन आग्रह । तर प्रदेश प्रमुखबाट उद्धव थापा मुख्यमन्त्रीमा सोहीदिन नियुक्त ।

असार २२- सभामुखको हस्ताक्षर प्रयोग गरी सरकार गठन गर्नु असंवैधानिक भन्दै तत्कालीन मुख्यमन्त्री कार्कीद्वारा सर्वोच्च अदालतमा रिट दायर ।

कार्कीले दायर गरेको रिटमाथि प्रारम्भिक सुुनवाई गर्दै असार २७ गते कोशी सरकालाई दीर्घकालीन असर पर्ने कार्य र निर्णय नगर्न अल्पकालिन अन्तरिम आदेश जारी ।

साउन ८- कोशी सरकारको मुद्दा पूर्ण इजलासमा पठाउने न्यायाधीशद्धय सुष्मलता माथेमा र तिलप्रसाद श्रेष्ठको संयुक्त इजलासको आदेश ।

साउन ११- मुख्यमन्त्रीमा थापाको नियुक्ति सर्वोच्चको पूर्ण इजलासद्धारा बदर । सात दिनभित्र प्रदेशसभाको बहुमत प्राप्त गर्न सक्ने सांसदलाई संविधानको धारा १६८ (२) बमोजिम मुख्यमन्त्री पदमा नियुक्त गर्न प्रदेश प्रमुखलाई आदेश ।

साउन १२- साउन १६ गते बेलुका ५ बजेभित्र सरकार गठनका लागि दाबी पेस गर्न प्रदेश प्रमुख परशुराम खापुङद्वारा पुनः दलहरूलाई आह्वान ।

साउन १६- मा सभामुख बाबुराम गौतमले राजीनामा दिई उनको समेत समर्थनमा गठबन्धनका ४७ सांसदद्वारा सरकार बनाउन दाबी पेस । उद्धव थापा फेरि मुख्यमन्त्रीमा नियुक्त ।

साउन १७- पद तथा गोपनियताको शपथ लिँदै सभामुखबाट राजिनामा दिएका गौतमसहितलाई समेटेर प्रदेश सरकार विस्तार ।गौतम आर्थिक मामिला तथा योजनामन्त्री नियुक्त ।

साउन ३१- प्रदेश सभाका जेष्ठ सदस्य कांग्रेस सांसद गयानन्द मण्डल कृषि राज्यमन्त्री नियुक्त

भदौ १- प्रदेश सभाको बैठकमा विश्वासको मत लिन मुख्यमन्त्री थापाद्वारा प्रदेशसभा सचिवालयमा सूचना दर्ता र भदौ ३ गतेका लागि समय माग । उपसभामुख सिर्जना दनुवारद्वारा भदौ ४ गतेका लागि बैठकको मिति तय ।

भदौ ३- एमाले र राप्रपाका ज्येष्ठ तथा सभाध्यक्षमण्डलका आठ सांसद बैठकमा अनुपस्थित हुने सूचना प्रदेशसभामा दर्ता ।

भदौ ४- सभाध्यक्षमण्डल सदस्य सांसद इस्राइल मन्सुरीद्वारा बैठक सञ्चालन । आफूले पनि मतदान गरी थापाले विश्वासको मत प्राप्त गरेको घोषणा ।

भदौ ६- हिक्मत कार्कीद्वारा पुनः सर्वोच्चमा रिट दर्ता ।

भदौ ११- सर्वोच्च अदालतद्वारा कोसी प्रदेश सरकारलाई दीर्घकालीन महत्त्व राख्ने निर्णय नगर्न आदेश । सरकार कामचलाउ हैसियतमा ।

भदौ २१- सर्वोच्चद्वारा थापाको पद फेरि मुक्त

यसरी गत असार १५ गतेदेखि गिजोलिएको कोशीको राजनीति अब कता जान्छ ? भन्ने प्रश्न उठिरहेको छ । दलहरु एकले अर्कालाई स्विकार नगर्ने रणनीतिमा लागेका कारण कोशी प्रदेश सभाले मध्यावधि निर्वाचन झेल्नुपर्ने अवस्थामा पुगेको छ ।

The post कोशीमा सत्तारोहणका लागि असार १५ देखि भदौ २१ सम्म भए अराजनीतिक गतिविधि appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3r3KMR5 via IFTTT

काठमाडौँ। प्रधानमन्त्री पुष्पकमल दाहाल “प्रचण्ड”ले काठमाडौँ उपत्यकाको फोहोर व्यवस्थापनलाई प्रभावकारी बनाउने सम्बन्धमा सरोकारवाला निकाय र पक्षका प्रतिनिधिहरूसँग छलफल गरेका छन् ।

मंगलबार दिउँसो सिंहदरबारमा प्रधानमन्त्री प्रचण्डले काठमाडौँको फोहोर व्यवस्थापन, फोहोरको दीर्घकालीन समाधान र सरकारको तर्फबाट चाल्नुपर्ने कदमबारे सरोकारवाला पक्ष र निकायहरूसँग छलफल गरेका हुन् । बैठकमा फोहोरको दीर्घकालीन समाधानका विविध पक्षबारे सहभागीहरूले आफ्नो धारणा राखेका थिए ।

बैठकमा बञ्चरेडाँडाको फोहोर व्यवस्थापन, स्थानीय प्रभावित जनताले उठाएका मागहरू, डम्पिङ साइटका लागि जग्गा खरिद लगायतका विषयहरूमा छलफल भएको थियो। यसका लागि उच्चस्तरीय संयन्त्र आवश्यक रहेको र सोका लागि कानुनी प्रबन्ध आवश्यक रहेकोमा जोड दिइएको छ।

बैठकमा बोल्दै प्रधानमन्त्री प्रचण्डले आउँदो मन्त्रिपरिषदको बैठकबाट देशभरिको फोहोर व्यवस्थापन गर्ने जिम्मेवारी र संयोजन सहरी विकास मन्त्रालयको हुनेगरि ठोस निर्णय गरिने जानकारी गराए ।

प्रधानमन्त्री प्रचण्डले भने ,“संघीय सरकार काठमाडौँ उपत्यका लगायत देशभरिको फोहोर व्यवस्थापनका निम्ति गम्भीरतापूर्वक लागिरहेको छ। त्यसका लागि मन्त्रिपरिषदको बैठकबाट ठोस निर्णय गर्नुपर्दछ। आउँदो मन्त्रिपरिषद बैठकमा देशभरिको फोहोर व्यवस्थापनको कार्यादेश सहरी विकास मन्त्रालयलाई दिनेगरि निर्णय लिन्छौँ।”

प्रधानमन्त्री प्रचण्डले फोहोर व्यवस्थापन संघीय, प्रादेशिक र स्थानीय सरकारको साझा दायित्व भएकोमा जोड दिँदै फोहोरको दीर्घकालीन व्यवस्थापनका निम्ति गठन आदेशसहितको कानुनी व्यवस्था र दीर्घकालीन संयन्त्र निर्माण गरिने बताउँदै त्यसका लागि ठोस गृहकार्य गर्नसमेत निर्देशन दिए ।

प्रधानमन्त्रीले बोलाएको छलफलमा सहरी विकासमन्त्री सीता गुरूङ, नेपाल सरकारका मुख्यसचिव डा। बैकुण्ठ अर्याल, प्रधानमन्त्री कार्यालयका सचिवहरू एकनारायण अर्याल, मणिराम गेलाल, सहरी विकास मन्त्रालयका सचिव रविन्द्रमान श्रेष्ठ, लगानी बोर्डका कार्यकारी निर्देशक सुशील भट्ट, काठमाडौँ महानगरपालिकाका प्रमुख प्रशासकीय अधिृकत वसन्त अधिकारी, ललितपुर महानगरपालिकाका प्रमुख प्रशासकीय अधिकृत वीरेन्द्रदेव भारती लगायतका प्रतिनिधिहरू उपस्थित रहेका थिए ।

The post फोहोरमैला व्यवस्थापनका लागि तीनै तहका सरकार गम्भीर बन्नुपर्छः प्रधानमन्त्री प्रचण्ड appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3R5b00h via IFTTT

काठमाडौं । भौतिक पूर्वाधार तथा यातायातमन्त्री प्रकाश ज्वालाले दुरावस्थामा पुगेका काठमाडौँ उपत्यकाका सडक तत्काल सुधार गर्न निर्देशन दिएका छन् । विभिन्न नौ निकायका प्रमुखहरुलाई भौतिक पूर्वाधार तथा यातायात मन्त्रालयमा आज (सोमबार) बोलाएर उनले समयसीमा तोकेर काठमाडौँ उपत्यकाका सडक तत्काल सुधार गर्न निर्देशन दिए ।

सडकसँग सम्बन्धित नौ निकाय गम्भीर नहुँदा नागरिकले सास्ती पाएको उल्लेख गर्दै मन्त्री ज्वालाले भने,“तपाईहरू काममा गम्भीर नहुने नागरिकले दैनिक सास्ती पाइराख्ने अवस्थामा मन्त्री टुलुटुलु हेरेर बस्नुपर्ने, अब म आफैँ सडकमा जान्छु र कामको निरीक्षण गर्छु ।”

सडक विभागले सडक कालोपत्रे गर्ने, केही दिनमै त्यही सडकमा नेपाल विद्युत् प्राधिकरणले खन्ने, लगतै नेपाल टेलिकमले पुनः खन्ने, काठमाडौँ उपत्यका खानेपानी लिमिटेड, ढल महाशाखालगायतले खन्ने कार्यले सडकको बेहाल भएको बताउँदै उनले भने,“सडकको यो हरिबेजोग हेरेर बस्न सकिँदैन, टाइम लाइन तोकेर सडक सुधारमा लाग्नुहोस् ।”

मन्त्री ज्वालाले बोलाएको सडकसँग सम्बन्धित उच्चस्तरीय बैठकमा ललितपुर महानगरका प्रमुख चिरिबाबु महर्जन, नेपाल विद्युत् प्राधिकरणका कार्यकारी निर्देशक कुलमान घिसिङ, अधिकार सम्पन्न बाग्मती सभ्यता एकीकृत विकास समितिका अध्यक्ष उद्धव तिमिल्सेना, काठमाडौँ उपत्यका खानेपानी लिमिटेडका रमेश केसी, ढल महाशाखाका डोलप्रसाद चापागाईं, नेपाल टेलिकमका प्रतिनिधिको सहभागिता थियो ।

बैठकमा भौतिक पूर्वाधार मन्त्रालयका सचिव केशव शर्मा, सडक विभागका महानिर्देशक सुशीलबाबु ढकाल र सङ्घीय सडक सुपरिवेक्षण तथा अनुगमन कार्यालयका प्रमुख अर्जुनप्रसाद अर्यालले मन्त्री ज्वालाको निर्देशनपछि तार र पाइपहरु अन्डर ग्राउण्डेट गरिसकेका ठाउँमा तत्काल सडक सुधार गर्ने प्रतिबद्धता जनाए ।

बैठकमा विद्युत् प्राधिकरणका कार्यकारी निर्देशक घिसिङले काम सम्पन्न भएका ठाउँमा तत्काल सडक सुधार गर्ने प्रतिबद्धता व्यक्त गर्नुभयो । काठमाडौँ उपत्यकाभित्र विद्युत् प्राधिकरणले ५० किलोमिटर सडकमा तार ‘अन्डरग्राउण्डेट’ गरिरहेको छ । ३२ वटा सडकको ५० किलोमिटरमा काम थालेपनि केही स्थानमा मात्र सम्पन्न भएको छ भने सम्पन्न भएका ठाउँमा पनि सडक सुधार गरिएको छैन । अझै ३३ सडकको ७७ किलोमिटर सडक खन्न अनुमति मागेको छ ।

काठमाडौँ उपत्यका खानेपानी लिमिटेडले १९ सडकको १७ किलोमिटरमा हाल काम गरिरहेको छ । खानेपानी लिमिटेडले पनि पाइप बिछ्याएपछि सडक सुधार गरेको छैन । टेलिकमले पनि केही सडकमा टेलिफोनको तार विछ्याउने काम गरिरहेको छ ।

The post मन्त्री ज्वाला एक्शनमा, सडक तत्काल सुधार गर्न निर्देशन appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3PqeARt via IFTTT

काठमाडौं । हवाई उडान नहुँदा नाबालकले ज्यान गुमाउन परेको विषयलाई लिएर उच्च अदालत पाटनमा रिट दर्ता भएको छ । अधिवक्ता गणेशबहादुर वलीले नेपाल नागरिक उड्ययन प्राधिकरणका महानिर्देशक प्रदीप अधिकारीसमेतलाई विपक्षी बनाई रिट दायर गरेका हुन् ।

रिटमा हवाइ उडानमा रोक लगाउँदा बालकको ज्यान गएको दाबी गर्दै निर्णयकर्तालाई कारबाही र नाबालकका परिवारलाई क्षतिपूर्तिको माग गरिएको छ । क्यानले गत साउनमा पहाडी र हिमाली क्षेत्रका २९ वटा विमानस्थलमा दिउँसो साढे १२ बजेपछि हवाई उडानमा रोक लगाउँदा जहाज कुर्दाकुर्दै हुम्ला, सिमकोट गाउँपालिका ६ का ६ महिने बालक इमरान सुनारको मृत्यु भएको थियो ।

इमरानलाई थप उपचारका लागि अस्पतालले सिफारिस गरेको थियो । जहाजको पर्खाइमा उनको ज्यान गएको थियो ।

The post क्यानका महानिर्देशक अधिकारीविरुद्ध अदालतमा रिट appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3L71NAK via IFTTT

काठमाडौँ । प्रधानमन्त्री पुष्पकमल दाहाल ‘प्रचण्ड’ले वर्तमान सरकारले सुशासन, सामाजिक न्याय र आर्थिक समृद्धिको पक्षमा अभियान सुरुआत गरेको बताएका छन् । नेकपा माओवादी केन्द्रले आजदेखि सुरु गरेको रुपान्तरण विशेष अभियानअन्तर्गत चन्द्रागिरि नगरपालिका–२ घट्टेडाँडामा आयोजित कार्यक्रमलाई सम्बोधन गर्दै उनले जनताले हैरानी व्यहोर्नु नपरोस् भनेर सेवा प्रवाहमा सुधार थालिएको बताए ।

“जनताले दैनिक भोग्दै आएका समस्या समाधान गर्न सरकारले कदम चालेको छ, राहदानी, सवारी चालक अनुमतिपत्र, विदेशमा दुःख पाउने परिस्थितिबाट नेपाली नागरिकलाई सहयोग गरिएको छ”, उनले भने । उनले वैदेशिक रोजगारीमा रहेका, अनौपचारिक तथा स्वरोजगारमा रहेका श्रमिकलाई सामाजिक सुरक्षाको प्रत्याभूति गराउन सामाजिक सुरक्षा योजना सञ्चालन गरिएको बताए ।

“अहिले विदेशमा रहेका तीन लाख बढी श्रमिक यो योजनामा समावेश भएका छन्, यो छिट्टै २५ लाखको आसपास पुग्ने अवस्था छ”, उनले भने, “विदेशमा गएका मात्र होइन, अनौपचारिक तथा स्वरोजगारमा रहेका श्रमिक पनि सामाजिक सुरक्षा कोषमा आबद्ध गर्न थालेका छौँ, यसले ५० लाख नेपाली कोषमा आबद्ध हुने ढोका खुलेको छ ।”

नक्कली भुटानी शरणार्थी, ललिता निवास, सुन तस्करीको सेटिङ भत्काउने, मिटरब्याजबाट पीडित किसानलाई मुक्त गर्ने अभियानको थालनी भएको छ । “वर्तमान गठबन्धन सरकारसँग एकाथरि मान्छे अत्तालिएका छन्, यो अभियानले फेरि माओवादी २०६४ सालमा फर्कने भयो, शक्तिशाली पार्टी हुने भयो भन्ने आशङ्का छ”, उनले भने, “माओवादीलाई देश र जनताको पक्षमा काम गर्न नदिन ठूलो षड्यन्त्र भइरहेको छ, देश र राज्यलाई शुद्धीकरण गर्ने, बेथिति र फोहरलाई सफा गर्ने अभियान रोकिँदैन ।”

उनले आफूले सरकारको नेतृत्व गरिन्जेलसम्म देश र जनताको पक्षमा काम गरिरहने दृढता व्यक्त गरे । “म जति दिन प्रधानमन्त्री रहन्छु राष्ट्र र जनताको पक्षमा इमान्दारिताका साथ काम गर्छु”, उनले भने ।

माओवादी केन्द्रका उपमहासचिव जनार्दन शर्माले कमीकमजोरी औँल्याउँदै जनताका बीचमा आएको उल्लेख गर्दै अब माओवादीले नै आफूलाई रुपान्तरण गर्नुपर्ने बताए । “अभियानका क्रममा मात्र होइन, अब माओवादी जनताभन्दा टाढा बसेर दिन बिताउने छैन, जनताको साथमा, घरघरमा पुग्नेछौँ”, उनले भने, “प्राप्त उपलब्धिका बारेमा जनतालाई प्रशिक्षित गर्दै सुझाव लिनेछौँ ।”

The post राष्ट्र र जनताको पक्षमा इमान्दारिताका साथ काम गर्छुः प्रधानमन्त्री दाहाल appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/3OYb13v via IFTTT

काठमाडौं । चारहजार तिनसय असि मिटरको उचाईमा रहेको रसुवाको गोसाईकुण्डमा लागेको धार्मिक मेला सम्पन्न भएको छ । धार्मिक तथा ऐतिहासिक स्थलकोरुपमा रहेको यो कुण्डमा जनै पुणर््िामाको दिन स्नान गरेर पुजाआजा गरे आँटेकोकाम पुराहुने धार्मिक मान्यता रहि आएको छ । यो समयमा गोसाईकुण्ड जाने भक्तालुजन तथा आन्तरिक पर्यटकहरुको ठुलो घुईचो लाग्ने गरेको छ ।
पछिल्लो समय धार्मिक स्थल र मेला लाई आधार बनाएर त्यस ठाउँमा सेवा भन्दापनि ब्यापारिक महोत्सव जस्ता कृयाकलाप भईरहेको छ ।
गोसाईकुण्ड क्षेत्रमा लाग्ने जनैपुर्णिमाको मेलामा समेत त्यस्ता कैयौं दृष्यहरु देखिएका थिए ।
माछापोखरी बाट धुन्चे सम्म जम्मा ११७ किलोमिटर सार्वजानिक यातायातको भाडा एक हजार सम्म लिँदा रहेछन् । धुन्चेमा सादा खानाको तिनसय सम्म लिईएको पाईयो । यो गोसाईकुण्ड धार्मिक मेला लाग्ने समयमा त भिडभाड हुने भएकोले केहि खराव नियतभएका ब्यवसायीहरुले बिभिन्न सामाग्रीमा अत्यधिक मुल्य लगाएर आम उपभोक्तालाई ठगिगरिरहेको पाईयो ।
यो मेलालाई नै लक्षित गरेर निकालिएको रेट लिष्ट समेत ब्यवहारीक देखिदैन । गोसाईकुण्ड पुग्दा कालो चियाको ८०,दुध चियाको १२०,सादा खाना ६००,त्रिपालमुनि सुतेको प्रति ब्यक्ति ६००, होटलको सिलिङमा सुतेको ६०० ,कोठामा सुतेको प्रतिव्यक्ति १००० ,तातोपानि ठुलो कपको ८० रुपैयाँ तोकिएको छ ।
बिच बाटोमा उकालो हिड्न नसक्नेहरुकोलागि घोडाको ब्यवस्था गरिएको भएपनि त्यसमा समेत बार्गेनिङ र भनेको ठाउँ सम्म नपुर्याउने गरेको दर्शन गर्न गएका भक्तालुहरुको आरोप छ ।
खच्चर या घोडाले प्रतिकिलो ५० देखि १०० सम्म ढुवानि खर्च लिँदापनि यो मुल्य सुचि ब्यवहारिक र पारदर्शि नभएको त्यहिका केहि ब्यापारीहरु स्विकार गर्गछन् ।
त्यहाँ कृयाशिल केहि क्लब र समितिहरु तथा लाङ्टाङ राष्ट्रिय निकुन्जले स्थानिय सरकार र सरोकारवालाहरुलाई समेत प्रभावमा पारेर यो कार्य भइरहेको ब्यापारीहरुको दावि छ ।
बर्षको एक मौसम मात्र चल्ने भएकोले यसरी आम उपभोक्ताको ढाड सेकिने मुल्य कायम गरेको उपभोक्ताहरुले आरोप लगाएका छन् ।
एक त धर्मगर्न जाने त्यस माथिपनि अत्यधिक थकाईको कारण त्यस क्षेत्रमा यात्रा गर्ने यात्रूहरु यस्तो मुल्यको बिषयमा केहि बोल्न सक्दैनन् । एउटा फ्रुटिको एकसय तिर्दा समेत चुईक्क बोल्दैनन् । अरु त छाडौं एउटा सानो रेडबुलको समेत सामान्यतय दुईसय पचास माथि लिईने गरेको रहेछ ।
मुल्य निर्धारण गर्दा त्यसका आधारहरुलाई केलाएर बास्तबिक लागत र नाफा को प्रतिशतको आधारमा गर्नुपर्ने हुन्छ तर त्यस क्षेत्रमा धार्मिक मेलाको समयमा त्यसो गरेको पाईएन ।
लोकल रक्सि समेत लुकाएर ५०० रुपैयाँ मानामा बेच्दा रहेछन् । सम्बन्धित निकायले यस्ता बिषयमा ध्यान नदिएको भन्दै गोसाईकुण्ड दर्शन गर्न जाने यात्रुहरुले गुनासो गरिरहेका थिए ।

The post रसुवाको गोसाईकुण्ड धार्मिक मेला बिस्तारै व्यापारिक महोत्सवकोरुपमा परिणत हुँदै : त्रिपालमुनि बसेको छ सय appeared first on rastriyakhabar.com.

- feed news from https://bit.ly/2ejy7iN राष्ट्रिय खबर Archives - rastriyakhabar.com https://bit.ly/44yyRsf via IFTTT