काठमाडौं । सरकारले कोरोना भाइरसको संक्रमण फैलिन नदिनका लागि अनिवार्य रुपमा क्वारेन्टाइनमा बस्नुपर्ने व्यवस्थालाई कडाइका साथ लागु गर्ने भएको छ । कोरोना संक्रमणको पछिल्लो अवस्था हेरेर सरकारले अनिवार्य रुपमा क्वारेन्टाइनमा बस्नुपर्ने व्यवस्थालाई कडाइका साथ लागु गर्ने रणनीति लिएको हो ।

स्वास्थ्य तथा जनसंख्या मन्त्रालयमा मंगलबार आयोजित नियमित पत्रकार सम्मेलनमा प्रवक्ता ड. विकास देवकोटाले संक्रमण फैलावटको प्रकृति हेरेर सरकारले अनिवार्य क्वारेन्टाइनको व्यवस्था कडाइका साथ पालना गराउने विषयलाई प्राथमिकतामा राखेको बताए । हाल देखिएका संक्रमितहरु सबै मुलुकभित्रका नभई बाहिरबाट आएका व्यक्ति भएको र उनीहरुबाट परिवारलगायत नजिकको सम्पर्कमा आएका अन्यमा सरेको नदेखिएकाले चिन्तित हुनुपर्ने अवस्था नरहेको पनि उनले बताए ।

डा. देवकोटाले विदेशबाट आएकालाई अनिवार्य १४ दिन क्वारेन्टाईनमा राख्न सकेमा संक्रमण फैलनबाट सजिलै रोक्न सकिने बताए । त्यसैगरी शंकास्पदहरुको नमुना परीक्षणको दायरा बढाउनुको साथै अस्पतालहरुको व्यवस्थापन तयारी, फिबर क्लिनिक, आवश्यक जनशक्ति र व्यक्तिगत सुरक्षा सामग्रीको पर्याप्ततालाई पनि सरकारले प्राथमिकतामा राखेको उनले बताए ।

प्रवक्ता देवकोटाले संक्रमण रोक्नका लागि लकडाउन नै प्रभावकारी उपाय भएकाले लकडाउलाई प्रभावकारी बनाउनेतर्फ सरकार कडा रुपमा प्रस्तुत हुने बताए । कोरोनाको संक्रमण नियन्त्रणका लागि सरकारले गरेका आदेशको प्रभावकारी कार्यान्वयन गराउन गठन भएको कोभिड १९ क्राइसिम म्यानेजमेण्ट सेन्टर (निर्देशक समिति)ले विभिन्न चारवटा समिति बनाएर काम सुरु गरिसकेको पनि उनले जानकारी दिए ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/341SpYr via IFTTT

काठमाडौं । काठमाडौं जिल्ला प्रशासन कार्यालयमा लकडाउनमा सवारी साधन सञ्चालनका लागि पास लिनको घुइँचो लागेको छ ।

प्रशासन कार्यालयमा मंगलबार पास लिन आउनेहरुको घुइँचो अस्वभाविक देखियो । अस्तव्यस्त पनि त्यस्तै । पहिलो चरणको लकडाउन अवधिभर सञ्चालन गर्न दिइएको पासको अवधि सकिएकाले पनि मंगलबार पास लिन आउनेहरुको घुइचो बढेको हो । तर न्युनतम सामाजिक दूरी कायम गराउने सवालमा भने प्रशासनले पहल गरेको देखिएन ।

प्रशासनबाट खटिएका अधिकारीले झुण्डको रुपमा भेला भएकाहरुलाई नाम बोलाउँदै पास वितरण गरेको देखिन्थ्यो । लकडाउनको समयमा अत्यावश्यक क्षेत्रका कर्मचारी र सवारीसाधनलाई आवागमन सहज पार्न भन्दै सरकारले क्षेत्रअनुसार पास वितरण गर्ने निकाय तोकेपछि पास लिनेहरुको घुइँचो ह्वात्तै बढेको हो । जिल्ला प्रशासन कार्यालयले आकस्मिक सवारी पास मात्रै दिने भनिए पनि विभिन्न क्षेत्रका व्यक्तिहरु पनि पास लिन कार्यालय पुगेका देखिन्थे ।

बैंक तथा वित्तीय संस्थाका कर्मचारीका लागि नेपाल राष्ट्र बैकले, राष्ट्रसेवक कर्मचारीका लागि संघीय मामिला तथा सामान्य प्रशासन मन्त्रालयल र खाद्य वस्तुलगायत दैनिक उपभोग्य वस्तुहरु ढुवानी वा आपूर्ति गर्ने फार्म तथा प्रतिष्ठानहरुका लागि वाणिज्य तथा आपूर्ति व्यवस्थापन विभागबाट सवारी पास वितरण गर्ने व्यवस्था मिलाएपछि तुलनात्मक रुपमा सवारी साधन पास लिने र सञ्चालन गर्नेहरुको भीड सडकमा बढेको छ ।

लकडाउन भनेको औषधि उपचार, खाद्यवस्तु खरिद जस्ता अत्यावश्यक कामबाहेक कुनै पनि व्यक्तिलाई घरबाट ननिस्कन व्यवहारीक रुपमा सरकारबाट भएको आदेश हो । तर, पहुँचका आधारमा पास लिने तथा विना पास सवारी साधन लिएर सडकमा आउनेहरुको संख्या पनि उत्तिकै बढीरहदा लकडाउनको प्रभावकारीता माथि नै प्रश्न उब्जिएको छ ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2UKfydu via IFTTT

१८ चैत, काठमाडौं । भारतका प्रख्यात गायिका लता मंगेशकरले विश्वमा महामारीका रुपमा फैलिएको कोरोना भाइरसको सङक्रमण रोक्नको लागि महाराष्ट्रको मुख्यमन्त्रीको राहत कोषमा २५ लाख सहयोग गर्ने बताएकी छन् ।

कोरोना भाइरसबिरुद्ध लडाईमा देशलाई समर्थन गर्न मनोरञ्जन क्षेत्रका व्यक्तित्वहरुका नाम यसअघि नै नामसूचीमा दर्ता भइसकेको छ । सोमबार गायक अदनान सामीले रकम खुलासा नगरी मुख्यमन्त्री राहत कोषमा आफ्नो समर्थन र योगदान र्पुयाउने घोषणा गरेकी हुन् ।

यसैगरी बलिउड क्षेत्रका अक्षय कुमार, कपिल शर्मा, शिल्पा शेट्टी, राजकुमार राव, वरुण धवन, विक्की कौशल, आलिया भट्ट र सारा अली खानले कोभिड –१९ विरुद्धको लडाईलाई समर्थन गर्न सहयोग र्पुयाउने घोषणा गरिसकेका छन् ।

भारतका प्रधान मन्त्री नरेन्द्र मोदीले कोरोना भाइरस फैलिन नदिन २१ दिनको ‘लकडाउन’ को घोषणा गरेका थिए । भारतमा यस सङ्क्रमणबाट ३२ जनाको ज्यान जानुको साथै १ हजार २५१ सङ्क्रमित रहेका छन् ।

The post कोरोना कोषमा लता मंगेशकरद्वारा भारु २५ लाख सहयोग appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal https://bit.ly/2wOniTS
via IFTTT

काठमाडौं । बूढानीलकण्ठ नगरपालिका नगर प्रमुखको अध्यक्षातामा नगरपालिकाकामा कोभिड-१९ महामारी रोकथाम र नियन्त्रणबारे महत्वपूर्ण निर्णय गरेको छ ।
बैठकमा विपत व्यवस्थापन राहत कोष व्यवस्थापन गरी सम्पूर्णलाइ सहयोग गर्न अपिल गर्ने, कुनै व्यक्ति संघ संस्थाले नगरपालिकाबाट पूर्व स्वीकृत नलिई राहत वितरण गर्न नपाउने तथा लकडाउनलाई प्रभावकारी बनाउन कार्यपालिकालाइ अनुरोध गर्ने निर्णय गरेको छ ।

बैठकमा महामारी रोकथाम र नियन्त्रण गर्न नगरपालिकाले हालसम्म गरेको कार्य प्रगति माथि पनि छलफल भएको थियो । यसै गरि नगरमा भएका बिपन्न वर्गको रोजीरोटी व्यवस्था गर्न नगर उपप्रमुख रमादेवी राइको संयोजकत्वमा समिति बनाउने लगायतको रहेको छ ।

बैठकमा बागमती प्रदेश सभा सदस्य दिपक निरौला, बागमती प्रदेश सभा सदस्य कुसुम कुमार कार्की, नगर उप प्रमुख रमादेवी राई, नेकपा नगर कमिटि अध्यक्ष रविन अधिकारी, नेकपा नगर कमिटि सचिव प्रदिप डङ्गोल, प्रमुख प्रशासकीय अधिकृत नारायण प्रसाद रिसाल, सल्लाह सुन्दर पुर्कुटी,वडा नम्बर १० का वडा अध्यक्ष तथा नगर प्रबक्ता नवराज भट्टराई, वडा नम्बर १ का वडा अध्यक्ष तथा नगर विपत व्यवस्थापन संयोजक सुरेन्द्र लामा, वडा नम्बर १३ का वडा अध्यक्ष श्री कृष्ण श्रेष्ठ, नेपाली सेनाका प्रमुख सेनानी दिपक कोइराला, प्रहरी निरीक्षक भुपेन्द्र गिरि, लेखा शाखाका प्रमुख लोकबहादुर बोहोरा, स्वास्थ्य शाखाका प्रमुख कुमार दाहाल, योजना शाखाका प्रमुख महेस पाठक तथा प्रहरी नायब उपरीक्षक उमेश लम्साल उपस्थित थिए ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2QXaDEZ via IFTTT

गोकर्णेश्वर नगरपालिकाले कोरोना भाइरसको सङ्क्रमणबाट नगरवासीलाई बचाउन नगर क्षेत्रका सबै वडाका मानिस बढी चहलपहल हुने स्थानमा क्लोरिन स्प्रे शुरु गरेको छ ।

क्लोरिन स्प्रे गरेपछि २४ घण्टासम्म कीटाणुबाट बच्न सकिने भएकाले त्रासबाट नागरिकलाई बचाउन सकिने चिकित्सकको सल्लाहअनुसार नगरापालिकाका वडा नं ५, ६, ७ र ८ क्षेत्रमा छर्की सकिएको प्रवक्ता मनोजकुमार ढुङ्गानाले राससलाई जानकारी दिए । आज नगरपालिकाका वडा नं ९, ४, ३, २ र १ मा पनि क्लोरिन छर्कने कार्यक्रम रहेको पनि उनले सुनाए ।

खाद्यान्न अभाव हुन नदिन १० हटलाइनको व्यवस्था गरी नगरपालिकाको वेबसाइटमा राखिनुका साथै सामाजिक सञ्जालबाट पनि सार्वजनिक गरिएको छ । जसका कारण अत्यावश्यक खाद्यान्नका लागि नगरवासीले चिन्ता लिनुनपर्ने गरी व्यवस्थापन गरिएको नगरपालिकाले जनाएको छ ।

बाहिरका मानिस प्रवेश निषेध

नगरपालिकाको वडा नं ३ साविकको बालुवा गाविसका स्थानीयवासीले सूचना टाँस गरी बाहिरबाट आउने मानिसलाई वडाभित्र प्रवेशमा रोक लगाएका छन् । बाहिरबाट आएका मानिसका माध्यमबाट वडावासीमा कोरोनाको सङ्क्रमण हुनसक्ने सम्भावना देखिएकाले यस्तो गर्नुपरेको स्थानीय राजकुमार केसीले राससलाई बताए ।

यज्ञडोल (जगडोल) सामुदायिक वनको राष्ट्रिय शहीद स्मारक निर्माणस्थलमा बिहान धेरै मानिस प्रभातीय हिँडडुलमा आउने क्रम नरोकिँदा सङ्क्रमण फैलन सक्ने खतरालाई न्यून गर्न यसो गरिएको हो ।

स्थानीवासीले प्रहरीलाई समेत खबर गरेपछि हाल गस्ती बढाइएको छ । कोरोनाको खतरा अन्त्य नभएसम्म घरघरमा आउने पाहुनाका लागि पनि निषेध गरिएको सूचनामा उल्लेख छ ।

वडाध्यक्ष राजेन्द्र भण्डारीको संयोजकत्वमा गठन भएको विपद् व्यवस्थापन उपसमितिले विदेशबाट आएका मानिस छन् कि भनी खोज अभियानसमेत सञ्चालन गरेको थियो । पहिलो चरणको खोज अभियानबाट विदेशबाट आएका मानिस वडामा बसेको नभेटिएको वडाध्यक्ष भण्डारीले बताए ।

प्रसूति हुने महिला, कोरोनाको लक्षण देखिन सक्ने बिरामी र अन्य गम्भीर रोग लागी तत्काल अस्पताल जानुपरेमा सवारी साधन तयारी अवस्थामा राखिएको पनि उनले सुनाए ।

स्थानीयवासी खेतीपातीको कामसमेत नगरी घरभित्रै बसेका छन् । खाद्यान्न पसल बिहान बेलुकीमात्र खोली भीडभाड नगर्न पनि वडा कार्यालयले आह्वान गरेको जनाइएको छ ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2yknjj1 via IFTTT

काठमाडौँ । आइतवार साझ बसेको मन्त्रिपरिषदको बैठकले घरधनीलाई १ महिनाको घरभाडा मिनाह गर्न आग्रह गरेको छ ।

मन्त्रिपरिषदको बैठकले कोरोना भाइरसको रोकथामका लागि प्रभावित भाडामा बस्नेहरुलाई सहयोग गर्न भन्दै सो निर्णय गरेको हो ।

घरभाडा मिनाहा गर्ने घरबेटीको घर बाहाल कर नलिने सरकारको भनाइ छ ।

अर्थ तथा सञ्चार मन्त्री युवराज खतिवडाले मन्त्रिपरिषदको बैठकको निर्णय सार्वजनिक गर्दै यस्तो बताएका हुन् ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2QTe93a via IFTTT

काठमाडौं । विश्वभर महामारीका रुपमा फैलिएको कोरोना भाइरसको संक्रमणबाट २७ हजार ३ सय ४१ पुगेको छ ।

कोरोनाबाट ५ लाख ९६ हजार २१ जना संक्रमित भएका छन् । संक्रमितमध्ये १ लाख ३३ हजार ५७ जना उपचारपछि घर फर्किएका छन् ।

कोरोनाको संक्रमण विश्वमा १९९ देशमा पुगेको छ ।

अहिले कोरोना संक्रमितको संख्या सबैभन्दा धेरै अमेरिकामा पुगेको छ । अमेरिकामा कोरोना संक्रमितको संख्या १ लाख ३ हजार ७ सय ९८ पुगेको छ ।

अमेरिकामा १८ हजार ३ सय ६३ जना नयाँ संक्रमित थपिएका छन् । कोरोनाको संक्रमणबाट ज्यान गुमाउनेको संख्या भने १ हजार ६ सय ९३ पुगेको छ । जसमा ३ सय ९८ नयाँ मृत्यु हुन् ।

इटालीमा कोरोना भाइरसका कारण ज्यान गुमाउनेको संख्याले नयाँ उचाइ लिएको छ । शुक्रबार एकै दिन इटालीमा कोभिड–१९ का कारण ९ सयजना भन्दा बढीको ज्यान गएको हो ।

कोरोना भाइरसको महामारी फैलिय यता एकै दिन धेरैको ज्यान जाने दिन बनेको शुक्रबार इटालीमा ९१९ जनाको मृत्यु भएको हो । योसँगै इटालीमा कोभिड–१९ का कारण ज्यान गुमाउनेको कुल संख्या ९ हजार १३४ पुगेको छ ।

युरोपमा कोरोना भाइरसका कारण सबैभन्दा बढी प्रभावित भएको इटालीमा प्रायः सबै चिज बन्द रहेका छन् । तर पनि संक्रमितको मृत्यु हुने क्रम भने कम हुन सकेको छैन ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/39qzNCz via IFTTT

१३ चैत, एजेन्सी । नायिका संजीदा शेख आफ्नो व्यक्तिगत जीवनको विषयलाई लिएर सधैँ चर्चामा आउनेगर्छिन् । केहीदिन अघि उनको पति आमिर अलीसँग सम्बन्ध बिच्छेदको खबर आएको थियो । अब भने उनी एक अर्को युवकसँग डेट गरिरहेको भारतीय मिडियाहरुले लेखेका छन् ।

स्पटब्वाईका अनुसार संजीदाको अहिले नायक हर्षवर्धन राणेसँग सम्बन्ध अघि बढिरहेको छ । दुईबीचको सम्बन्ध साथीभन्दा माथि पुगिसकेको समाचार उल्लेख छ । यद्यपि संजीदाले भने हर्षवर्धनलाई साथीमात्र भनेकी छन् । उनले भनिन्, ‘उ एकदमै राम्रो को–स्टार हो र मिल्ने साथी पनि ।’

आमिर अली र संजीदा शैखको सम्बन्धमा फाटो आएको कुरा लामो समयदेखि चलिरहेको थियो । यसैबीच दुबैको एक बच्चा भएको कुरा पनि बाहिर आएको छ । बच्चा संजीदाले नजन्माई, सेरोगेसीमार्फत जन्माइएको थियो । यद्यपि उनीहरुले भने यसको बारेमा मिडियामा केही पनि बताएका छैनन् । संजीदा अभिनित ‘बस एक बार तुम्को’, ‘तुम आओगे’, ‘अजनवी’ लगायतका गीतलाई युट्युबमा करोडौंपटक हेरिएको छ ।

The post पतिसँग छुट्यो सम्बन्ध, अब यी नायकसँग डेट गर्दैछिन् संजीदा ! appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal https://bit.ly/33MrT5b
via IFTTT

१३ चैत, काठमाडौं । ४ वर्षअघि प्रदर्शन भएको चलचित्र ‘प्रेमगीत’ ले नयाँ कीर्तिमान कायम गरेको छ । चलचित्र युट्युबमा २ करोड भ्युज पाउने नेपालकै पहिलो फिल्म बनेका छन् । यसअघि कुनैपनि नेपाली चलचित्रले यतिधेरै युट्युब भ्युज पाएका थिएनन् । यद्यपि गीतहरुले भने यसअघि नै करोडौँ भ्यूज पाइरहेका छन् ।

२०७२ माघ २९ गते प्रदर्शनमा आएको चलचित्र युट्युबमा भने २०७३ असार ३ गते रिलिज भएको थियो । युट्युबमा रिलिज भएको ३ वर्षपछि चलचित्रले २ करोड भ्युज पाएको हो । चलचित्रको डिजिटल अधिकार किनेको ओएसआर डिजिटलले चलचित्र नेपालको पहिलो २ करोड भ्युज पुगेको चलचित्र भन्दै सामाजिक सञ्जालमा राखेका हो । उसो त चलचित्रकी नायिका पूजा शर्माले पनि २ करोड भ्युज पुगेको खुसी सामाजिक सञ्जालमार्फत साटेकी छन् । चलचित्र क्षेत्रमा पुजालाई ‘प्रेमगीत’ले दर्शकहरुले याद गर्ने नायिकाको रुपमा परिचित गराएको थियो ।

सुदर्शन थापाको निर्देशनमा बनेको चलचित्रलाई सन्तोष सेनले निर्माण गरेका हुन् । आशुषेन फिल्म्स प्रा.लि.को ब्यानरमा बनेको चलचित्रमार्फत नायक प्रदीप खड्काले नेपाली चलचित्र क्षेत्रमा डेब्यु गरेका थिए । उनलाई पहिलो चलचित्रले नै नेपाली दर्शकहरुमाझ परिचित बनाएको थियो । चलचित्रले एकदमै राम्रो ब्यापार गरेको थियो । त्यसबेला निर्माता सन्तोष सेनले त्यसअघि ‘चंखे शंखे पंखे’बाट भएको नोक्सान पनि ‘प्रेमगीत’बाट उठाएको चलचित्र नगरीमा राम्रै चर्चा चलेको थियो ।

The post ४ वर्षपछि ‘प्रेमगीत’को नयाँ कीर्तिमान appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal https://bit.ly/2UBdfJY
via IFTTT

१३ चैत, काठमाडौं । कोरोना भाइरसको जोखिमका कारण देशभर सतर्कता बढिरहेको बेला पूर्व स्वास्थ्यमन्त्री एवं नेपाली कांग्रेसका सांसद गगनकुमार थापा मिडियाहरुमा छाउन थालेका छन् । उनले सरकारको राम्रा कामको समर्थन गर्दै कोरोना भाइरसको रोकथामको लागि सरकारलाई विभिन्न सुझावहरु पनि दिइरहेका हुन्छन् ।

एनले सरकारलाई विभिन्न सुझावहरु दिन थालेपछि सामाजिक सञ्जालमा उनलाई तत्कालै मन्त्री बनाउनुपर्ने कुरा उठ्न थालेको छ । पछिल्लो समय उनको संक्रियतालाई देखेर केही नेपाली कांग्रेसका कार्यकर्ता र केही सामाजिक सञ्जाल प्रयोगकर्ताहरुले उनलाई मन्त्री बनाउनुपर्ने कुरा उठाएका हुन् । उनलाई मन्त्री बनाउनुपर्ने कुरा सामाजिक सञ्जालमा उठेपछि हास्यकलाकार एवं चलचित्र निर्माता दीपकराज गिरीले उनी मन्त्री बन्न नसक्ने बताउँदै सामाजिक सञ्जालमा स्टाटस लेखेका छन् । दीपकले गगन थापा कमजोर टीमको राम्रो स्टाइकर भएको बताउँदै विश्वकपमा स्टाइकर राम्रो भएर खेल्न नपाउने र टीम नै चयन हुनुपर्ने उल्लेख गरेका छन् ।’ उनले लेखेका छन्ः

थापाले हिजो मात्रै प्रधानमन्त्री केपी शर्मा ओलीलाई खुल्लापत्र लेख्दै परीक्षणको दायरालाई फराकिलो बनाउनको लागि अनुरोध गरेका थिए । उनी सरकारको हरेक सकारात्मक कदममा साथ दिन तयार रहेको बताउँदै आएका छन् भने सरकारले तुरुन्त एक्सनमा जानुपर्नेमा पनि जोड दिइरहेका छन् । हिजोमात्रै उनले एक मिडियामा अन्तर्वार्ता दिँदै सरकारले ७२ घण्टाभित्रमा संक्रमितको साङ्लो (चेन) ब्रेक गर्नुपर्ने बताएका थिए । त्यसो गर्न नसकिएमा आइसोलेसन र क्वारेन्टाइन बेड बनाएर मात्र रोक्न सम्भव नरहेको चेतावनी दिएका छन् ।

The post ‘गगन थापा कमजोर टीमका राम्रा स्टाइकर हुन्’ appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal https://bit.ly/2UGGQ4w
via IFTTT

काठमाडौं । कोरोना भाइरसको जोखिम उच्च भएपछि चीन र भारत दुबैतर्फका सबै १ सय ७० वटा नाका बन्द गरेको सरकारले आपूर्ती सहज बनाउन भन्दै चीनका नाका भने खुल्ला गर्ने भएको छ ।

भारतसँग जोडिएका १ सय ६४ वटा सीमा नाका भने बन्द नै रहनेछन् । चीनसँगका पनि ६ वटा मध्ये २ वटा खुल्ला गर्ने सरकारले निर्णय गरेको छ ।

रसुवागढी र तातोपानी नाकाबाट मालसामान आयात निर्यात कार्य सुचारु गर्ने उद्देश्यले खुलाइएको हो।

उपप्रधानमन्त्री एवम् रक्षा मन्त्री ईश्वर पोखरेल संयोजकत्वको उच्चस्तरीय समन्वय समितिको बैठकले आयात निर्यातका लागि स्वास्थ्य तथा जनसंख्या मन्त्रालय र कृषि तथा पशुपंक्षी मन्त्रालयले तयार पारेको प्रोटोकल अनुसार नाका सञ्चालन गर्ने निर्णय गरेको हो ।

भारतले समेत सोमबार मध्यरातिदेखि २१ दिनका लागि लकडाउन गरेपछि नेपालमा आयात हुने उपभोग्य सामग्री आउन समस्या हुने भएपछि यस्तो निर्णय भएको हो ।

सामान आयात निर्यात बाहेकको कामका लागि भारत र चीन दुवै तर्फका नाका गत आइतबारको मन्त्रिपरिषद् बैठकबाट बन्द गर्ने निर्णय भएको थियो ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/3alYMbd via IFTTT

१२ चैत, काठमाडौं । ऋतिक रोशन र सुजैन खानको सम्बन्ध बिच्छेद भएको धेरै समय भयो तर यि दुईको मित्रता कहिल्यै अन्त्य भएन । ऋतिक र सुजैन दुवैले एक अर्काको लागि सँधै अडान लिइरहेका छन् । उनिहरु प्रायः आफ्ना बच्चाहरूको लागि सँगै देखिन्छन् । यस पटक पनि बच्चाको लागि फेरि एक साथ आएका छन् । ऋतिक रोशन र सुजैन खान २१ दिनको लकडाउनमा सँगै हुनेछन् ।

ऋतिकले पूर्वपत्नी सुजैनको प्रशंसा गर्दै उनको फोटो सहित सामाजिक संजाल इन्स्टाग्राममा एक पोस्ट शेयर गरेका छन् । यस पोष्टमा सुजैन आफ्ना बच्चाहरूको लागि केहि समयको लागि घर फर्किएको बताएका छन् । यो कठिन समयमा आफ्ना बच्चाहरुलाई आफ्ना आमा बाबुबाट टाढा नहुन भनेर सुजैन घर आएको उनले बताएका छन् ।

‘देश लकडाउनको समयमा रहेको बेला आमाबुवा आफ्ना बच्चाबच्चीसँग बस्नु अकल्पनीय हो,’ उनले सुजनको एक तस्बिर राख्दै लेखेका छन्, ‘बच्चाहरु आफ्ना बाआमासँग समान हिसाबले बस्न पाउनुपर्छ, सुजनले अस्थायी रुपमा घरबाहिर आउने निर्णय गरिन् ताकी बच्चाहरुले आफ्ना बुवाआमासँग सँगै समय बिताउन् पाउन् । यो सुजनको एक प्यारो तस्बिर हो ।’

उनले अगाडि लेखेका छन्, ‘यतिधेरै सहयोगी र समझदारी देखाएकोमा सुजैनलाई धेरै धन्यवाद । हाम्रा बच्चाहरुले त्यो कहानी बनाउनेछन्, जुन हामीले बनाउँछौँ । आफ्ना आफन्त र प्रियजनको स्वास्थ्यको लागि हामी सबै खुसी, सुखी र आफसमा प्रेमिल वातावरण बनाइराखौँ ।

The post ‘लकडाउन’का कारण ऋतिकको घरमा बस्न आईन पूर्वपत्नी सुजैन appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal https://bit.ly/2JeKhtX
via IFTTT

काठमाडौँ । सरकारले कोरोना भाइरस (कोभिड–१९) संक्रमणको जोखिम बढेपछि एक साताका लागि ‘लकडाउन’ गरेको छ । मंगलबार बिहान ६ बजेदेखि चैत १८ गते बिहान ६ बजेसम्मका लागि मुलुकभरका अत्यावश्यकबाहेकका सबै सेवा र सम्पूर्ण आवतजावत बन्द गरिएको हो । यो भनेको ‘कर्फ्यु’ लगाएजस्तै असामान्य अवस्था हो ।

फ्रान्सबाट आएकी एक नेपाली युवतीमा कोरोनाको संक्रमण देखिएको र भारतीय सीमा नाकाबाट प्रवेश गर्नेको संख्या नियन्त्रणबाहिर जान थालेपछि सरकारले देशभर लागू हुने गरी लकडाउन गर्ने निर्णय लिएको हो ।

उपप्रधान तथा रक्षामन्त्री ईश्वर पोखरेल संयोजकत्वको ‘कोभिड–१९ संक्रमण, रोकथाम तथा नियन्त्रण उच्चस्तरीय समन्वय समिति’ को सोमबार बसेको बैठकले संक्रामक रोग ऐन, २०२० को उपदफा २ ले दिएको अधिकार प्रयोग गर्दै अत्यावश्यकबाहेक सम्पूर्ण गतिविधि बन्द गर्ने निर्णय गरेको हो । समितिले जारी गरेको आदेशअनुसार मंगलबार बिहान ६ बजेदेखि औषधि उपचार, खाद्यवस्तु खरिदजस्ता अत्यावश्यक काममा बाहेक कुनै पनि व्यक्ति घरबाट बाहिर निस्कन पाउने छैनन् ।

अत्यावश्यक सेवाबाहेकका सबै सवारी बन्द हुनेछन् । आन्तरिक हवाई उडान पनि बन्द हुनेछन् । यसअघि सरकारले सोमबारदेखि एक साताका लागि अन्य छिमेकी दुई मुलुकसँग जोडिएका सबै नाका बन्द गर्ने निर्णय गरेको थियो ।

स्वास्थ्यकर्मी, सुरक्षा निकायले प्रयोग गर्नेबाहेक सबै प्रकारका सार्वजनिक, निजी र यात्रुवाहक सवारी साधन सञ्चालनमा अब पूर्णतः रोक लागेको छ । अत्यावश्यक सेवाका लागि प्रयोग हुने सवारी साधनले स्थानीय प्रशासनबाट अनुमति लिनुपर्नेछ । अत्यावश्यक सेवाबाहेक कार्यालयमा आवश्यक कर्मचारीबाहेक सबैलाई बिदा दिने निर्णय भएको छ । सरकारी बिदा पाउने कर्मचारीलाई आवश्यक परेका बेला तत्काल उपस्थित हुने गरी कार्यालय प्रमुखले बिदा दिने व्यवस्था मिलाउनुपर्नेछ । स्वास्थ्य, सुरक्षा, खाद्यवस्तु, खानेपानी, दूध, विद्युत्, दूरसञ्चार, सूचना तथा सञ्चार, भन्सार, क्वारेन्टाइन, फोहोरमैला व्यवस्थापनजस्ता अति आवश्यक सेवाका कर्मचारीले भने बिदा पाउने छैनन् । सरकारले औषधि तथा स्वास्थ्य उपकरण, खाद्यवस्तु, खानेपानी, दूध, इन्धन उत्पादन गर्ने उद्योगबाहेक निजी क्षेत्रबाट सञ्चालित अन्य उद्योग कलकारखानामा काम गर्ने श्रमिक कर्मचारीलाई सम्बन्धित उद्योगले बिदा दिनुपर्नेछ ।

औषधि व्यवसायीलाई औषधिजन्य सामग्रीको नियमित आपूर्ति गर्न भनेको छ । अभाव देखाई मूल्यवृद्धि गर्ने वा कालोबजारी, जम्माखोरी गर्ने वा लुकाउने वा आपूर्तिमा अवरोध गर्नेलाई कानुनबमोजिम नियन्त्रणमा लिने, सामग्री जफत गरी रोगको रोकथाम र उपचारका कार्यमा उपयोग गर्ने निर्णय छ ।

संक्रमणको सम्भावित जोखिम बढेपछि आइतबार मन्त्रिपरिषद् बैठकले सीमाहरू बन्द गर्ने निर्णय गरेको थियो । तर सीमा बन्द गर्दा पनि नाकाहरूबाट भित्रिने खतरा नटरेको र यसअघि नै भित्रेकाको मुलुकभर आवतजावत बढ्ने देखिएपछि सोमबार ‘लकडाउन’ को निर्णय भएको हो ।

आंशिक खालको बन्दले जोखिम न्यूनीकरण नहुने भन्दै बाहिरबाट पनि सरकारलाई सम्पूर्ण बन्दको दबाब परेको थियो । केही स्थानीय तह र स्थानीय प्रशासनले आफ्नो अधिकार प्रयोग गर्दै सोमबार दिउँसैदेखि कर्फ्यु आदेश र सबै गतिविधि बन्द गर्नेजस्ता सूचना पनि जारी गरेका थिए । तल्लो तहबाट पनि दबाब बढेपछि उच्चस्तरीय समन्वय समितिअन्तर्गत बनेका मन्त्रीस्तरीय कार्यदलहरूको छलफल भएको थियो । त्यसपछि साँझ बसेको उच्चस्तरीय समन्वय समितिले सम्भावित जोखिमको मात्राबारे समीक्षा गरेको थियो । सम्पूर्ण गतिविधि बन्द नगर्दा जोखिमको अवस्था झन् बढ्ने निष्कर्ष निस्केपछि समितिले साँझ आदेश जारी गरेको हो । अन्य मुलुकमा संक्रमण बढिरहेको र नेपालमा पनि संख्या थपिएको अवस्थामा कुनै पनि बेला स्थिति जटिल बन्न सक्ने मूल्यांकन समितिले ठहर गरेको छ । त्यसैले तत्काल आदेश जारी गरी केही दिन मानिसको गतिविधि रोक्ने निर्णय भएको हो ।

सरकारले कोरोना संक्रमण रोकथामका लागि चरणबद्ध निर्णय गर्दै आएको छ । ‘स्थिति हरेक दिन बदलिएकाले जोखिम मूल्यांकन गरेर निर्णयहरू त्यहीअनुसार गर्दै जानुपर्ने अवस्था आएको हो,’ उच्चस्तरीय समन्वय समितिका संयोजक पोखरेलले कान्तिपुरसँग भने । मन्त्रिपरिषद्को आइतबारको बैठकले पनि सम्भावित जोखिमहरू मूल्यांकन गर्दै सावधानीका लागि आवश्यक आदेशहरू जारी गर्ने निर्णय गरेको थियो ।
सरकारले सुरुको चरणमा २५ जनाभन्दा बढी भेला हुन रोक लगाएको थियो । त्यस्तै सभा सम्मेलन, भेला, सांस्कृतिक कार्यक्रम रोक्न निर्देशन दिएको थियो । त्यसपछि दोस्रो चरणमा सीमा बन्द हुँदै अहिले मुलुक नै बन्द गर्ने चरणमा प्रवेश गरेको हो । यो अवधिका सम्भावित जोखिमलाई ख्याल गरेर उपचार, उद्धारलगायतका पूर्वाधार तयार गर्ने काम भइरहेको छ ।

उच्चस्तरीय समितिले सोमबार पूर्वाधार तयार गर्ने क्रममा मुलुकभरका क्वारेन्टाइनहरू निर्माण गर्नेसम्बन्धी मापदण्ड स्वीकृति गरेको छ । त्यस्तै कोरोना उपचारका लागि मात्र भनेर छुट्याइएको सशस्त्र प्रहरीको बलम्बुस्थित अस्पताल नेपाली सेनाको समन्वयमा चल्ने निर्णय गरेको छ । नेपाली सेनाको समन्वयमा नेपाल प्रहरी, सशस्त्र प्रहरी र आवश्यकताअनुसार सरकारी, सामुदायिक र निजी क्षेत्रका चिकित्सक, नर्स र स्वास्थ्यकर्मी परिचालित हुनेछन् । यसका लागि रक्षा, गृह, परराष्ट्र र अर्थ मन्त्रालयले समन्वय गरी काम गर्नेछन् ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/3aeVHd9 via IFTTT

काठमाडौं । कोरोना भाइरस महामारीको रुपमा विश्वव्यापी बनेको छ भने नेपालपनि उच्च जोखिममा रहेको छ ।

नेपालमा कोरोना संक्रमित नभएपनि सरकारले सम्भावित जोखिमलाई ध्यान दिँदै अत्यावश्यक काम बाहेक बाहिर नजान, धेरै मानिसको भीड हुने क्षेत्र, लामो दूरीका यातायात लगायत बन्द गर्ने निर्णय गरेको छ ।

संक्रमणको त्रास हुने भएसँगै मानिहरु सेल्फ आइसोलेसनमा बस्न थालेका छन् । यसैबीच राजनीतिक दलका नेताहरुले समेत सरकारको आग्रहअनुसारै भेटघाटको दायरा कम बनाएका छन् । दलका नेताहरु ‘होम क्वारेन्टाइन’ मा रहेका छन् ।

प्रधानमन्त्री समेत रहेका नेकपाका केपी शर्मा ओलीको मृगौला प्रत्यारोपण भएको केही समय मात्रै भएकाले उनले समेत भेटघाट सिमित गरेको जनाइएको छ ।

नेकपा अध्यक्ष पुष्पकमल दाहालले अत्यावश्यक कामबाहेकका अन्य राजनीतिक भेटघाट बन्द गरेका छन् । कोरोना संक्रमणको जोखिम बढेका बेला अध्यक्ष दाहालले अत्यावश्यक राजनीतिक भेटघाट गरिरहेको भएपनि अन्य भेटघाट बन्द गरेको उनको सचिवालयले जनाएको छ ।

प्रेस सल्लाहकार विष्णु सापकोटाका अनुसार सरकारले गरेको निर्णयअनुसारै सामान्य राजनीतिक भेटघाट बन्द गरिएको हो । उनका अनुसार अध्यक्ष दाहालले आवश्यकता अनुसार नेताहरुसँग सम्पर्कमै रहेको भएपनि प्रत्यक्ष रुपको भेटघाट भने बन्द गरेको जानकारी दिए । अध्यक्ष दाहालले कोरोनाको सम्भावित जोखिम न्युनिकरणका लागि सचेत बन्न अपिल समेत गरेका छन् ।

त्यस्तै कांग्रेस सभापति शेरबहादुर देउवाले समेत तिन दिनयता राजनीतिक भेटघाट बन्द गरेका छन् । सभापति देउवाको सचिवालयका अनुसार तीनदिनदेखि सभापति देउवाले भेटघाट बन्द गरेका हुन् । यसअघि सभापति देउवाको निवास बुढानिलकण्ठमा कार्यकर्ताहरुसँगै अन्य भेटघाट पनि बाक्लै हुने गरेको थियो ।

देउवाका स्वकिय सचिव भानु देउवाका अनुसार सभापति देउवा पुस्तक, पत्रपत्रिका पढ्ने गरेर दिन विताइरहेका छन् ।

कांग्रेस महामन्त्री समेत रहेका डाक्टर शशांक कोइरालाले समेत भेटघाट सिमित गरेको जनाइएको छ भने वरिष्ठ नेता रामचन्द्र पौडेलले केही दिनअघि प्रेस विज्ञप्ती जारी गर्दै अत्यावश्यक बाहेकका भेटघाट बन्द गर्दै फोनबाट कुरा मात्रै गर्ने जनाएका छन् ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2xd4XQl via IFTTT

काठमाडौं । सरकारले छिमेकी मुलुक चीन र भारतको सीमा नाका एक हप्ताका लागि बन्द गर्ने निर्णय गरेको छ ।

आइतबार वालुवाटारमा बसेका मन्त्रिपरिषद् बैठकले विश्वव्यापी महामारीका रुपमा फैलिएको कोरोना भाइरसको सम्भावित जोखिम न्यूनीकरणका लागि सीमानाका बन्द गर्ने निर्णय गरेको हो ।

सोमबार बिहान १० बजेदेखि एक हप्तासम्म भारत र चीनसँगको सीमा नाकामा आवागमन पूर्णरुपमा बन्द गर्ने निर्णय भएको स्रोतले जनाएको छ ।

बैठकले ५० करोडको आकस्मिक कोष स्थापना गर्ने निर्णय गरेको छ । सवै मन्त्रीहरुको एक महिनाको तबल पनि कोषमा राखिने भएको छ

प्रधानमन्त्री केपी ओलीको मिर्गौला प्रत्यारोपणपछि पहिलो पटक आइतबार मन्त्रिपरिषद्को बैठक बसेको हो।

फागुन २१ गते प्रधानमन्त्री ओलीको त्रिवि शिक्षण अस्पतालमा दोस्रो पटक मिर्गौला प्रत्यारोपण भएपछि पहिलो पटक मन्त्रिपरिषद् बैठक बसेको हो।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2WySwsD via IFTTT

सरकारले सोमबारदेखि देशभरिबाट सरकार र निजी क्षेत्रले प्रवाह गर्ने अत्यावश्यक बाहेकका सेवाहरू १२ दिनका लागि बन्द गरेको घोषणा गरेको छ ।

शुक्रबार साँझ देशवासीका नाममा सम्बोधन प्रधानमन्त्री केपी शर्मा ओलीले देशैभर संघ, प्रदेश र स्थानीय तहका सार्वजनिक, सामुदायिक तथा निजी सेवा प्रदायक संस्थाहरूबाट प्रदान गरिने नेपाल राजपत्रमा प्रकाशन गरिए अनुसारका अत्यावश्यक सेवा बाहेकका अन्य सबै सेवाहरु आगामी चैत ९ गतेदेखि चैत २१ गतेसम्म बन्द गरिएको जानकारी दिनुभयो ।

राजपत्रमा अत्यावश्यक सेवाअन्तर्गत निम्न कुराहरू राखिएका छन्

डाँक तार वा टेलिफोन सेवा
जल, स्थल तथा हवाइमार्गबाट यात्रु वा मालसामान ओसारपसार गर्ने सेवा
हवाइ अड्डा ,हवाइ जहाजको देखभाल, त्यसको सञ्चालन वा मर्मत गर्ने कामसँग सम्बन्धित सेवा
हवाइ ग्राउन्ड, रेलवे स्टेशन वा सरकारी गोदाममा मालसामान ओसारपसार, राख्ने झिक्ने वा थन्काउने कामसँग सम्बन्धित सेवा
प्रिन्ट वा सरकारी छापाखानासँग सम्बन्धित सेवा
हातहतियार, खरखजना वा अरू कुनै सैनिक सरसामानको उत्पादन गर्ने, थन्क्याउने, वितरण गर्ने कामसँग सम्बन्धित सेवा
सञ्चार सेवा
आन्तरिक सुरक्षा कार्यसँग सम्बन्धित सेवा
खानेपानीको सञ्चालन तथा वितरण सेवा
पर्यटन, आवास, मोटेल, होटेल रेष्टुरा र रिसोर्ट सम्बन्धी सेवा
पेट्रोलियम पदार्थको पैठारी ढुवानी र वितरणसम्बन्धी सेवा
अस्पताल तथा स्वास्थ्य केन्द्र सञ्चालनसम्बन्धी (एम्बुलेन्स सेवा जस्ता सेवाहरु)
औषधी निर्माण तथा बिक्री वितरण सम्बन्धी सेवा
फोहोर मैलाको सङ्कलन, ढुवानी, प्रशोधन, विसर्जन, स्थान निर्माण, पूर्वाधार (निर्माण र सङ्कलन स्थल एवं व्यवस्थापन क्षेत्रसँग सम्बन्धित सेवा,
बैंकिंङ सेवा
बीमा सेवा
विद्युत सेवा
दैनिक उपभाग्य वस्तुहरू ९खाद्यान्न, दाल चामल नुन तेल० को पठारी, ढुवानी, भण्डारण तथा वितरणसम्बन्धी सेवा।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2J2Dx2n via IFTTT

७ चैत, एजेन्सी । बलिउडकी चर्चित गायिका कनिका कपुर कोरोना संक्रमित भएकी छन् । लखनउको एक अस्पतालमा उनको उपचार भइरहेको छ ।

भारतीय सञ्चार माध्यमहरूका अनुसार गायिका कनिका लन्डनबाट भारत आएकी थिइन् । कोरोना भाइरसको लक्षण देखिएपछि गरिएको स्वास्थ्य परीक्षणपछि उनमा संक्रमित भएको पुष्टि भएको हो ।

कनिकाले ‘बेबी डल’, ‘चिटियाँ कलाइयाँ’ जस्ता कैयौं हिट गीत गाएकी छन् । उनी मार्च १५ मा लन्डनबाट उत्तर प्रदेशको राजधानी लखनउ आएकी थिइन् । लखनउमा उनले सयभन्दा बढी आफन्त तथा शुभचिन्तकलाई पार्टी दिएको भारतीय मिडियाले उल्लेख गरेका छन् ।

The post बलिउड गायिका कनिका कपूर कोरोना संक्रमित appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal https://bit.ly/2Uhb6CM
via IFTTT

काठमाडौं । स्वास्थ्य तथा जनसंख्या मन्त्री भानुभक्त ढकालले कोरोनाको संक्रमण भएका सम्पूर्ण बिरामीको उपचारको जिम्मा सरकारले लिने बताएका छन् ।

नेपाल प्रेस काउन्सिल र स्वास्थ्य मन्त्रालयले कोरोना भाइरसका विषयमा आयोजना गरेको एक कार्यक्रममा मन्त्री ढकालले कोरोना लागेका सबैको उपचारको जिम्मा सरकारले लिने बताएका हुन् ।

उनले सबै प्रदेशमा भाइरस परीक्षणको व्यवस्था गरिने र कोरोना संक्रमण भएको पाइएमा बिरामीको जिम्मा सरकारले लिने स्पस्ट पारे । उनले भने, ‘रगत परिक्षण गरेर त्यहाँ यो कोरोना संक्रमित हो भन्ने भयो भने अनि बल्ला खकारहरु त्यहाँबाट ल्याएर टेस्ट गर्न सकियो अनि बिरामीलाई चाहिं उपचार गर्ने कुरा की त्यहिं व्यवस्था गरिन्छ की यहाँ ल्याएर उपचारको जिम्मा सरकारले लिन्छ ।’

मन्त्री ढकालले निजी क्षेत्रका अस्पतालमा उपचारको व्यवस्था भएपनि पहिलो प्राथमिकता सरकारी अस्पताल नै रहेको बताए । उनले निजी अस्पतालहरुको प्रयोग विदेशी नागरिक तथा कुटनीतिक नियोग र अन्य व्यक्तिहरुको लागि गरिने बताए ।

प्रेस काउन्सिल नेपालका अध्यक्ष किशोर श्रेष्ठले सही सूचना प्रवाह गर्न आग्रह गरेका छन् । आचारसंहिता उलंघन गर्ने काम नगर्न आग्रह गर्दै अध्यक्ष श्रेष्ठले कोरोना विरुद्धको लडाई आफ्नो जीवनसँग पनि जोडिएकाले गलत प्रचार नगर्न आग्रह गरेका हुन ।

‘कोरोना विरुद्धको युद्ध आफ्नै जीवनसँग जोडिएको युद्ध हो । त्यसैले गलत प्रचार गर्दा त्यो लगत हतियारको निसाना सोझिएर आफुतिर पनि आउन सक्छ’, उनले भने ।

विश्वव्यापी कोरोनाको सन्त्रास बढिरहेको सन्दर्भमा स्वास्थ्य मन्त्रालय र प्रेस काउन्सिल नेपालले कोरोना भाइरस संक्रमण र मिडियाको भूमिका विषयमा सचेतामूलक कार्यक्रमको आयोजना गरेका हुन् ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2WAexqW via IFTTT

काठमाडौं । आगामी असोजबाट अख्तियार दुरुपयोग अनुसन्धान आयोगका प्रमुख आयुक्त नवीनकुमार घिमिरेले अवकाश पाउँदैछन् । ६ महिनापछि आयोगको प्रमुख आयुक्त को हुन्छ भन्ने अन्योलता कायमै छ ।

प्रधानमन्त्री केपी शर्मा ओलीले पूर्व गृहसचिव प्रेमकुमार राईलाई बरिष्ठ आयुक्त बनाएर घिमिरेपछिको प्रमुख आयुक्त बनाउने योजना अघि सारेका थिए । सचिव राईको बिदाई कार्यक्रममा गृहमन्त्री रामबहादुर थापाले समेत उनलाई अवकाशपछि महत्वपूर्ण जिम्मेवारी दिने बताएका थिए । तर, पछिल्लो समय माहोल बिग्रिएको छ ।

एकातर्फ सहमति नहुँदा संवैधानिक परिषद्कै बैठक बस्न सकेको छैन । अर्काेतर्फ राईको नियुक्तिलाई लिएर नेकपाभित्रै भने विवाद छ । राई प्रधानमन्त्री ओलीका विश्वासपात्र हुन् । निजामती प्रशासनमा इमान्दार र क्षमतावान कर्मचारीको छवी उनले बनाएका थिए । तर, नेकपाकै अर्का अध्यक्ष प्रचण्डले राईमाथि विश्वास गर्दैनन् । त्यहीकारण भावी प्रमुख आयुक्तमा नयाँ पात्रको खोजी भइरहेको छ ।

अख्तियारकै आयुक्त गणेशराज जोशी पनि प्रमुख आयुक्त हुने दौडमा छन् । उनी इमान्दार कर्मचारीका रुपमा चिनिन्छन् । विवादकै कारण आयोगमा आयुक्तका दुई पद रिक्त छन् । राजनारायण पाठक घुसकाण्डमा परेपछि एक पद डेढ वर्षअघि नै रिक्त भएको थियो । नवीन घिमिरे प्रमुख आयुक्त भएपछि एक आयुक्त पद रिक्त भएको दुई वर्ष नै हुन लागिसकेको छ । रिक्त आयुक्त पदमा पूर्व सचिव मात्र होइन पूर्व प्रहरी अधिकारी समेत लबिङमा लागेका छन् ।

- feed news from https://bit.ly/2ejy7iN राष्ट्रिय खबर – rastriyakhabar.com https://bit.ly/2U3pwaK via IFTTT

६ चैत, काठमाडौं । कोरोना भाइरसका कारण विश्व आक्रान्त बनिरहेको बेला संक्रमणको रोकथाम र नियन्त्रणको लागि सरकारले बैशाख १८ गतेसम्म सिनेमाहल लगायत अन्य सार्वजनिक स्थानहरुमा भेला हुन रोक लगायो ।

सिनेमाहलमा रोक लगाएसँगै त्यसको प्रत्यक्ष असर प्रदर्शनरत चलचित्रका निर्माता निर्देशकहरुलाई परेको छ । प्रदर्शन मिति पक्का गरेर आक्रमक प्रचारप्रचारमा लागिसकेका निर्माता निर्देशकहरुको पीडा एसईईको विद्यार्थीको भन्दा कम छैन ।

त्यस्तै पीडामा रहेको चैत २८ गतेदेखि प्रदर्शनको तयारीमा रहेको चलचित्रले आफ्नो चलचित्र अर्को सूचना जारी नहुन्जेलसम्मको लागि प्रदर्शन स्थगित गर्ने जनाएको छ । बिहीबार चलचित्रका निर्माता अर्जुन कुमारले एक विज्ञप्ति जारी गर्दै दर्शकहरुसँग क्षमा मागेका छन् ।

नेपालमा एकजनामा देखिएपनि उपचार भइसकेको कोरोनाका कारण हालसम्म विश्वभर २ लाख २५ हजार मानिस संक्रमित भएका छन् । जसमध्ये ९ हजार २ सय ७७ जनाको मृत्यु भइसकेको छ भने ८५ हजार ८ सय ३१ जना उपचारपछि घर फर्किएका छन् ।

The post ‘चपली हाइट ३’को विज्ञप्ति– ‘दर्शकसँग क्षमा चाहान्छौँ’ appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/33uSbJ3
via IFTTT

सरकारले कोरोना भइरस (कोभिड १९) को संक्रमण देखिएका देशहरुबाट त्यहाँका नागरिकहरुलाई नेपाल आउन पूर्ण रुपमा प्रतिबन्ध लगाएको छ ।

कोभिड १९ संक्रमण रोकथाम तथा नियन्त्रण उच्चस्तरीय समन्वय समितिको बैठकले युरोपका सबै मुलुक, पश्चिम एसिया लगायत खाडी क्षेत्रका मुलुकसहित ५५ मुलुकबाट नेपाल आउन रोक लगाएको हो । यस्तै, सरकारले अत्यावश्यक कामबाहेकको अवस्थामा घर बाहिर ननिस्कन र हिँडडुल नगर्न आह्वान समेत गरेको छ । त्यस्तै धार्मिक र सार्वजनिक स्थानमा २५ जना भन्दा बढी भेला हुन बन्द गर्ने निर्णय पनि गरेको छ ।

यस्तै, बैठकले सिनेमाहल, साँस्कृतिक केन्द्रहरु, रंगशाला, खेल स्थल, जिम, हेल्थ क्लब, म्युजियम, स्वीमिङ पुल, मनोरञ्जन स्थल आदिलाई ३० अप्रिल २०२० सम्म बन्द गर्ने निर्णय गरेको छ । यसको अनुगमन गृह मन्त्रालय, संस्कृति, पर्यटन तथा नागरिक उड्यन मन्त्रालय र सञ्चार तथा सूचना प्रविधि मन्त्रालयले गर्ने बताइएको छ ।

बैठकले रोगबाट संक्रमण भई उपचार गर्नुपर्ने भएमा त्यस्ता बिरामीहरुलाई स्वास्थ्य तथा जनसंख्या मन्त्रालयले तोकेका सरकारी, सामुदायिक तथा निजी अस्पतालहरुबाट उपचार गराउने व्यवस्था मिलाउने निर्णय गरेको छ । त्यस्तै, अत्यावश्यक काम बाहेक आवतजावत, हिडडुल नगर्ने निर्णयसमेत गरेको छ ।

सार्वजनिक सवारी साधनहरुमा सीट क्षमता भन्दा बढी यात्रु ओसारपसार नगर्न, नगराउन यातायात व्यवसायीलाई अनुरोध गर्ने निर्णय बैठकले गरेको छ । बैठकले सर्वसाधारण नागरिकहरुलाई भीडभाड गरी यात्रा नगर्न अनुरोध समेत गरेको छ । यस कार्यको अनुगमन नेपाल प्रहरीले गर्ने छ ।

सार्वजनिक यातायातका सवारी धनीलाई यातायात चलाउनु अघि प्रत्येक दिन समय समयमा सवारीसाधनलाई ’डिस्इन्फेक्सन’ गर्न लगाउने निर्णय गरेको छ । यस्तै, आवगमनमा लगाएको प्रतिबन्धको कारणले आफ्नो मुलुक फिर्ता जान नसकेका विदेशी नागरिकहरुको भिषा अवधि नियमित गर्न निर्धारित भिषा अवधि भित्र आवेदन गरेमा प्रचलित कानून बमोजिम भिषा नियमित गरिने बताइएको छ ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2x3VlHJ via IFTTT

५ चैत, काठमाडौं । विश्वमै महामारीको रुप लिइसकेको कोरोना भाइरस (कोभिड–१९)को संक्रमणबाट बच्न नेपाल सरकारले सम्पूर्ण सिनेमा हल बन्द गर्ने निर्णय गरेको छ । कोभिड–१९ को संक्रमण नियन्त्रण तथा रोकथामका लागि उपप्रधानमन्त्री ईश्वर पोखरेलको संयोजकत्वमा गठित उच्चस्तरीय समितिको बुधवार बसेको बैठकले यस्तो नियन्त्रण गरेको हो ।

सरकारले सिनेमा हलसँगै साँस्कृतिक केन्द्रहरु, रंगशाला, खेल स्थल, जिम, हेल्थ क्लब, म्युजियम, स्विमिङ पुल, मनोरञ्जन स्थल आदिलाई ३० अप्रिल २०२० अर्थात २०७७ बैशाख १८ गतेसम्म बन्द गर्ने निर्णय गरेको हो । यसको अनुगमन गृह मन्त्रालय, संस्कृति, पर्यटन तथा नागरिक उड्यन मन्त्रालय र सञ्चार तथा सूचना प्रविधि मन्त्रालयले गर्ने बताइएको छ ।

डेढ महिना सिनेमाहल बन्द गर्ने निर्णयसँगै चैत्र २८ गते रिलिज हुने तयारीमा रहेका २ चलचित्र ‘चपली हाइट ३ र प्रेमगीत ३’को रिलिज मिति प्रभावित हुँदा बैशाखको १२ गतेलाई रिलिज मिति तय गरिएको चलचित्र ‘लप्पन छप्पन २ र हिजो आजका कुरा’को पनि प्रदर्शन मिति पछि सर्ने निश्चित छ ।

विश्वभर २ लाखभन्दा धेरै मानिस कोरोना भाइरसको संक्रमण भइसकेको छ । यस्तै ८ हजार २ सय मासिनको मृत्यु हुँदा ८२ हजार मानिस उपचारपछि घर फर्किएका छन् । मृत्यु हुनेमा सबैभन्दा बढी चीनमा ३ हजार २ सय ३७ र इटालीमा २ हजार ५ सय ३ जना रहेका छन् । अन्य देशहरुमा पनि कोरोनाभाइरसको संक्रमण उच्च देखिएको छ । नेपालमा अहिलेसम्म १ जनाका कोरोनाभाइरसको संक्रमण देखिएपनि उपचारपछि घर फर्किइसकेका छन् ।

The post डेढ महिना सिनेमाहल बन्द, यी चलिचित्र प्रत्यक्ष प्रभावित appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2UkXnLi
via IFTTT

हेटौंडा । वाग्मती प्रदेशका भौतिक पूर्वाधार विकासमन्त्री रामेश्वर फुयाँलले भीमफेदी–कुलेखानी सडक विस्तार तथा निर्माण कार्य छिटो सम्पन्न गर्न निर्देशन दिएका छन् ।

उनले काम छिटो सकेर जनतामाझ सकारात्मक सन्देश प्रवाह गर्नाका साथै सहजता प्रदान गर्न आग्रह गरे ।

भौतिक पूर्वाधार विकास मन्त्रालयमा आज बसेको सर्वपक्षीय बैठकमा मन्त्री फुयाँलले सो कुरा बताएका हुन् । बैठकले भीमफेदी–कुलेखानी हेबी सडकखण्डमा पटके सवारी सञ्चालन गर्ने निर्णय गरेको छ ।

बैठकमा उक्त सडकखण्डमा केही दिनसम्म पटके सवारी सञ्चालन गरिने र वैकल्पिक बाटो निर्माण भएपछि पूर्णरुपमा सडक अवरुद्ध गरेर सडक विस्तार तथा निर्माण कार्यको थालनी गरिने निर्णय भएको सो मन्त्रालयका सचिव तेजराज भट्टले बताए ।

उनका अनुसार भीमफेदी कुलेखानी सडकको विभिन्न स्थानमा निर्माणको काम हुने भएकाले भोलिदेखि बिहान ५ देखि ८ बजेसम्म, दिउँसो ११ देखि १२ : ३० बजेसम्म र दिउँसो ३ देखि ८ : ३० बजेसम्म बाटो सञ्चालन हुने बताएको छ ।

उक्त समयभन्दा बाहेकको समयमा पनि विस्तार तथा निर्माणको काम हुने भएकाले सडक अवरुद्ध गराइने भएको बताएको छ । सो बैठकमा यातायात पूर्वाधार निर्देशनालयका प्रतिनिधि, इन्द्रसरोवर गाउँपालिकाका अध्यक्ष जीवन लामा, मकवानपुरका प्रहरी उपरीक्षक सुशील सिंह राठौर, जिल्ला ट्राफिक प्रमुख विष्णुहरि ढकाल, विभिन्न यातायात क्षेत्रको सरोकारवाला निकायका प्रतिनिधि, ठेकेदार कम्पनीका प्रतिनिधि र सञ्चारकर्मीको सहभागिता रहेको थियो ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2IW1XKI via IFTTT

४ चैत, एजेन्सी । मुम्बईमा एक २८ वर्षीय कास्टिङ डाइरेक्टरले अभिनेत्रीको व्यक्तिगत फोटो सामाजिक सञ्जालमा सार्वजनिक गरेको आरोपमा पक्राउ परेका छन् ।

सामाजिक सञ्जालमा सार्वजनिक तस्बिरहरुमा २७ वर्षीया अभिनेत्री आफ्नो ब्वाइफ्रेन्डसँग थिइन् । आरोपित युवकको नाम महावीर उर्फ नकुल भनिएको भारतीय मिडिया पिटीआईले लेखेको छ ।

घटनाको अनुसन्धान गरिरहेको प्रहरीका अनुसार पीडित भनिएकी अभिनेत्रीको ब्वाइफ्रेन्ड पनि कास्टिङ डाइरेक्टर हुन् । केही समयअघि पीडित महिलालाई महावीरले एक सिरियलको लागि तीन लाख रुपैयाँ दिएका थिए । तर पछि सिरियलको काम शुरु नभएपछि महावीरले उक्त रकम फिर्ता मागे र पीडित युवतीको ब्वाइफ्रेन्डको मोबाइल थुते ।

अभिनेत्रीले प्रहरीसँग आफ्ना तस्बिरहरु सार्वजनिक गरेको कुरा बताएकी थिइन् । प्रहरीले घटनालाई गम्भीरताका साथ अनुसन्धान गर्नको लागि आरोपी महावीर उर्फ नकुललाई पक्राउ गरेको हो । उनीविरुद्ध आईटी ऐनको धाराअनुसार मुद्दा दर्ता गरिएको प्रहरीले जनाएको छ ।

स्मरण रहोस्, २०२० को शुरुवातमा नै प्रहरीले तीनवटा यौनअपराध सम्बन्धी घटनाको भण्डाफोर गरिसकेको छ, जुन सबै बलिउडसँग सम्बन्धित छ । केही समयअघि पनि प्रहरीले एक कास्टिङ डाइरेक्टरलाई यौनअपराधकै आरोपमा पक्राउ गरेको थियो ।

The post अभिनेत्रीको व्यक्तिगत तस्बिर सामाजिक सञ्जालमा लिक, निर्देशक पक्राउ appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/3b5OWdN
via IFTTT

काठमाडौं। गैरकानुनीरुपमा सम्पत्ति आर्जन गरी शुद्धीकरण गरेको ठहर गरी विशेष अदालतले पूर्वमन्त्री सञ्जयकुमार साहलाई बिगोको दोब्बर २८ करोड ५० लाख रुपैयाँ जरिवाना गर्ने बिहीबार फैसला गरेको छ ।

उनलाई सम्पत्ति शुद्धिकरण गरेकोमा ५ वर्ष कैद हुनेसमेत ठहर गरेको छ । विशेष अदालतलका न्यायाधीशहरु कृष्ण गिरी, शान्ति सिंह थापा र चन्द्रबहादुर सारुको इजलासले २८ करोड ५० लाख रुपैयाँ जरिवाना गरी ५ वर्ष कैद हुने फैसला गरेको हो ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2QiYFpa via IFTTT

३ चैत, एजेन्सी । शाहरुख खानकी छोरी सुहाना खान आजकल एकदमै चर्चामा छिन् । उनले हालसालै आफ्नो इंस्टाग्राम एकाउन्ट सार्वजकि गरेकी छन् ।

इंस्टाग्राम एकाउन्ट सार्वजनिक गरेलगत्तै उनको एकाउन्टमा लाखौँ फ्यानहरुले उनलाई फलो गरिसकेका छन् । उनले इंस्टाग्राम एकाउन्टमा कमेन्ट सेक्सन भने नदेखिने बनाएकी छन् ।

स्मरण रहोस्, सुहाना खानमाथि कैयौँपटक ट्रोल भएकी छन् । उनी अहिले खासै मिडियामा आउन चाहँदिनन् तर पनि उनको व्यक्तिगत जीवनको बारेमा भने समाचाहरु आइरहेका हुन्छन् । कतिपय मानिसहरुले उनलाई ट्रोलसमेत गरेका छन् ।

कसैले उनलाई फिमेल शाहरुख खान भन्नेगरेका छन् भने कसैले घमण्डी पनि भन्ने गरेका छन् । इंस्टाग्राममा कमेन्ट सेक्सन बन्दगरेसँगै अब फ्यानले जे बोलेपनि उनलाई फरक नपर्ने देखिएको छ ।

The post ट्रोलबाट डराइन् शाहरुख खानकी छोरी, इंस्टाग्राममा यो फिचर बन्द appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2wdty7n
via IFTTT

काठमाडौं । दक्षिण एसियाली क्षेत्रीय सहयोग संगठन (सार्क) का राष्ट्र र सरकार प्रमुखहरूले विश्वव्यापी रुपमा फैलिएको कोरोना भाइरसविरुद्धको लडाईंमा एकतावद्ध हुने साझा प्रतिवद्धता जनाएका छन् ।

आइतबार कोरोना भाइरसविरुद्ध साझा रणनीति बनाउन सार्कका नेताहरुबीच भएको भिडियो कन्फरेन्समा उनीहरुले कोरोना भाइरसविरुद्धको लडाईंमा सार्क राष्ट्रका मुलुकहरु एक ठाउँमा उभिनुपर्ने बताएका हुन् ।

भिडियो कन्फरेन्सको शुरुमा भारतका प्रधानमन्त्री नरेन्द्र मोदीले आफ्नो मुलुकमा कोरोना भाइरसको अवस्था र संक्रमण रोकथामका लागि सरकारले गरिरहेको प्रयासबारे जानकारी दिए ।

भिडियो कन्फरेन्समा प्रधानमन्त्री मोदीले भने, ‘कोरोनाविरुद्धको लडाईमा एकजुट बनौं, नआत्तिऔं ।’

प्रधानमन्त्री मोदीले आफ्नो भनाइ राखेसँगै अन्य सदस्य राष्ट्रका नेताहरूले पनि आ–आफ्नो मुलुकमा कोरोना भाइरसको संक्रमण रोक्न गरिएको प्रयासबारे जानकारी दिएका थिए ।

भिडियो कन्फरेन्समा प्रधानमन्त्री केपी शर्मा ओलीले नेपालमा अहिलेसम्म कोरोना भाइरस नदेखिएको जानकारी दिँदै नेपालमा कोरोना भाइरसको संक्रमण रोकथामका लागि गरिएको प्रयासका बारेमा जानकारी दिए ।

‘हामीले केन्द्रदेखि स्थानीय तहसम्म तयारी गरेका छौं,’ प्रधानमन्त्री ओलीले भने, ‘राष्ट्रियस्तरमा कोरोना भाइरसको संक्रमण फैलिन नदिँन भइरहेको तयारीको मैले आफैं निरीक्षण गरिरहेको छु ।’

सबै सार्क मुलुकका नेताहरुको आ–आफ्ना भनाइ राखेसँगै भारतीय प्रधानमन्त्री मोदीले कोभिड–१९ ‘इमरजेन्सी फन्ड’ बनाउने प्रस्ताव राखेका थिए । उनले उक्त फन्डमा भारतले १ करोड अमेरिकी डलर सहयोग गर्ने बताए ।

प्रधानमन्त्री मोदीले सो कोष सञ्चालनका लागि आफ्नो मुलुकका विदेश मन्त्रालयका सचिवले थप समन्वय गर्ने जानकारी दिँदै सार्क प्रकोप व्यवस्थापन केन्द्रलाई सक्रिय पार्न पनि प्रस्ताव गरेका थिए ।

उनले भारतले बनाएको इन्टिग्रेटेड डिजिज सर्भिलियन्स पोर्टलको सफ्टवेयर अरू राष्ट्रलाई समेत सहयोग गर्ने प्रतिवद्धता जनाए ।

उनले कोरोना भाइरसविरुद्ध लड्न विज्ञ र चिकित्सकलाई तयारी अवस्थामा राख्न आग्रह गर्दै कोभिडको परीक्षणमा तदारुकता दिन र यसको रोकथाममा लाग्ने टोलीलाई छिटो तालिम दिई क्षमतावृद्धि गर्नुपर्नेमा जोड दिए ।

प्रधानमन्त्री मोदीले कोभिडको प्रभावबाट आर्थिक क्षेत्रमा पर्न सक्ने प्रभावबारे अध्ययन गर्न र आन्तरिक व्यापारलाई बढावालाई दिन पनि सुझाव दिएका थिए ।

भारतीय प्रधानमन्त्री मोदीको उक्त प्रस्तावलाई सबै राष्ट्रका नेताहरुले स्वागतयोग्य भएको बताएका थिए ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/39RgaVi via IFTTT

काठमाडौं । प्रधानमन्त्री एवं नेकपाका अध्यक्ष केपी शर्मा ओली र नेता माधव कुमार नेपालबीच भेटवार्ता भएको छ । शनिवार प्रधानमन्त्रीलाई भेट्न नेता नेपाल बालुवाटार पुगेका थिए ।

नेता नेपाल प्रधानमन्त्रीको स्वास्थ्य अवस्थाबारे जानकारी लिन बालुवाटार पुगेका हुन् । प्रधानमन्त्रीको स्वास्थ्य अवस्था बुझन् र स्वास्थ्य लाभको कामना गर्न नेता नेपाल बालुवाटार पुगेका हुन् ।

दोस्रोपटक मिर्गौला प्रत्यारोपण गरेका प्रधानमन्त्री १२ दिनको अस्पताल बसाइपछि शुक्रबार डिस्चार्ज भएका थिए । उनी अहिले बालुवाटारमा स्वास्थ्य लाभ गरिरहेका छन् ।

यसअघि शनिवार बिहान नेकपाका अर्का अध्यक्ष प्रचण्डले पनि प्रधानमन्त्री ओलीसँग भेट गरेका थिए । भेटमा प्रचण्डले प्रधानमन्त्री ओलीको स्वास्थ्य लाभको कामना गर्नुका साथै पछिल्लो राजनीतिक घटनाबारे पनि जानकारी गराएका थिए ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/3cZgDGS via IFTTT

१ चैत, काठमाडौं । नेपालको पहिलो कमेडी च्याम्पियन हिमेश पन्त बनेका छन् । शनिबार राजधानीको च्यासलमा रहेको कमेडी च्याम्यिनको स्टुडियोमा भएको कार्यक्रममा धादिङ घर भएका पन्त बिजेता बनेका हुन् ।

बिजेता पन्तले २५ लाख रुपैयाँको साथमा डाटसन रेडीगो गाडी प्राप्त गरेका छन् । साथै उनले डिभान युनिसेक्स सैलुनमार्फत १ लाख रुपैयाँ प्राप्त गरेका छन् । उनले खड्गबहादुर पुनमगर र सुमन कोइरालालाई भोटमार्फत पराजित गर्दै कमेडी च्याम्पियन बनेका हुन् ।

The post हिमेश पन्त बने कमेडी च्याम्पियन appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/38W1HWV
via IFTTT

काठमाडौं । प्रधानमन्त्री केपी शर्मा ओली मिर्गौलाको प्रत्यारोपणपछि त्रिवि शिक्षण अस्पतालबाट डिस्चार्ज भएका छन्। प्रधानमन्त्री ओली शुक्रबार साँझ साढे ६ बजे मिर्गौलाको दोस्रो पटक प्रत्यारोपण गरेको ११ औँ दिनमा डिस्चार्ज भएका हुन्।

अस्पतालबाट डिस्चार्ज भएपनि पेटमा पाइप राखिएकाले तीन दिनमा पुन : आउने गरी डिस्चार्ज गरिएको उपचारमा संलग्न डा. उत्तम शर्माले बताएका छन् । ओलीसँगै उनलाई मिर्गौला दिएकी भान्जी नाता पर्ने समीक्षा संग्रौला पनि डिस्चार्ज भइसकेकी छन्।
प्रधानमन्त्रीलाई आज डिस्चार्ज गर्नका लागि अपराह्‍न चिकित्सकहरूको बिशेष बैठक बसेको थियो।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2INbqE1 via IFTTT

३० फागुन, काठमाडौं । विश्व स्तरकै नयाँ रियालिटी शो ‘द लिडर’ को जजमा शृंखला खतिवडा समेत हुने भएकी छन् । लामो समय अगाडी घोषणा गरिएको कार्यक्रममा बाबुराम भट्टराई, शुशिला कार्की, रविन्द्र मिश्र निर्णायक हुने बताइएको थियो । रबि लामिछानेले कार्यक्रम संचालन गर्ने बताइएको थियो । साथै अन्य २ निर्णायक थप्ने योजना थियो ।

यहि अनुरुप केहि समय पछि प्रदीप गिरी र प्रदिप नेपाललाई अन्य २ निर्णायक भनेर घोषणा गरिएको थियो । तर अहिले भने रमेश खरेल र शृंखला खतिवडाका साथै अडिसन स्थलमा एक जनाले छान्ने बताइएको छ । शृंखला पछिल्लो समय टिममा जोडिएकी हुन् । उनले सामाजिक संजालमा पोस्ट गर्दै शोमा जोडिएको बताएकी छन् । तर कोरोना भाइरसको कारण अडिसनको सुरुवात ढिला हुन सक्ने विषयमा सामाजिक संजालमा पोस्ट गर्दै जानकारी दिने बताईएको छ । जसको लागी सरकारी संस्थासंग समेत समन्वय गरिने छ ।

उनी लेख्छिन्,’म द लिडर अडिसन’ को निर्णायक बनेको खबर सार्वजनिक गर्न पाउदा उत्साहित भएकी छु ।’ मेन स्ट्रिम टेलिभिजन, त्यो पनि निर्णायकको भूमिकामा देखिनको लागि निर्णय लिन झन्डै ६ महिना खर्चेकी छन् रे उनले । मुल्यांकन र तर्कको आधारमा निर्णयमा पुगेको बताएकी छन् । यो उनको लागि सजिलो निर्णय थिएन ।

मार्च २१बाट सुरु हुने भनिएको भए पनि कोरोना भाइरस .को कारण यसको अडिसन मिति परिवर्तन हुन सक्छ । उनले यो शोले राजनीतिक नेता मात्रै बनाउने नभएर राजनीति संगै ब्यापार, कानुन, इन्जिनियरिङ, कृषि लगायत जुनसुकै विषयमा पनि नेतृत्व विकास गर्न सक्ने भन्दै सो कार्यक्रमले राजनीतिक नेता नै जन्माउछ भन्नु गलत भएको बताएकी छन् । गाउँ गाउँमा पुगेर राजनेता खोज्न कै लागी शो आयोजना गरिएको बताईएको छ ।

The post नेता छान्ने रियालिटी शो ‘द लिडर’मा श्रृंखला जज appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2vk2T8H
via IFTTT

२९ फागुन, एजेन्सी । विश्व स्वास्थ्य संगठन (डब्लूएचओ)ले महामारी घोषणा गरेको कोरोना भाइरसका कारण दिल्लीका सम्पूर्ण शैक्षिक संस्था र सिनेमा घरहरु बन्दको घोषणा गरिएको छ । मुख्यमन्त्री अरबिन्द केजरीवालले बिहीबार मार्च ३१ सम्मका लागि दिल्लीका सम्पूर्ण शैक्षिक संस्था र सिनेमा घरहरु बन्दको घोषणा गरेका हुन् ।

मुख्यमन्त्री केजरीवाललाई उद्धृत गर्दै समाचार एजेन्सी एएनआईले लेखेको छ, ‘दिल्लीका सबै सिनेमा हलहरू मार्च ३१ सम्म बन्द रहनेछन् । परीक्षा नभएका विद्यालय र कलेज पनि बन्द रहनेछन् ।’ भारतमा बिहीबारसम्म ७३ जनामा कोरोना भाइरसको संक्रमण देखिएको छ । वर्ल्डमिटरका अनुसार भारतमा बिहीबारमात्रै ११ जना नयाँ संक्रमित फेला परेका छन् ।

हल बन्द हुने भनेसँगै केही चलचित्रहरुको कमाई असर पर्ने भएको छ । त्यस्ता सिनेमाहरुमा १३ मार्चदेखि प्रदर्शनमा आउन लागेको अंग्रेजी मिडियम, २० मार्चदेखि प्रदर्शनमा आउन लागेको सन्दीप और पिंकी फरार र २४ मार्चमा रिलिज हुने सूर्यवंशीलाई असर गर्ने भएको छ । यद्यपि चलचित्रको विषयबस्तु राम्रो भएमा अन्य प्रदेशको प्रर्दशनले पनि राम्रै कमाइ गर्नेछ ।

The post दिल्लीका सिनेमा हल १९ दिन बन्द, यी ३ फिल्मलाई ठूलो घाटा appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2U42O12
via IFTTT

२९ फागुन, काठामाडौं । नेपाली अभिनेत्री जेनिशा केसी अभिनित पञ्जाबी गीत सार्वजनिक भएको छ । उनले ‘फ्यान्टम बोलिया’ बोलको गीतमा अभिनय गरेकी छिन् ।

पभी घुमानको स्वर तथा शब्द रहेको गीतमा गुर सिधुले संगीत भरेका छन् । भिन्टेज रेकर्ड्ज को प्रस्तुति रहेको गीतको भिडियो लाई साभियो सन्धुले निर्देशन गरेका हुन् ।

उनले ‘गिरफ्तार’, ‘फ्ल्यास ब्याक’ र ‘दोस्ती’ जस्ता नेपाली चलचित्रमा अभिनय गरेकी छन् । चलचित्रमा खासै चर्चा कमाउन नसकेपछि जेनिशा अहिले दुबइमा छिन् । उनी त्यहाँ व्यवसाय गरिरहेकी छिन् ।

The post भारतीय गीतको भिडियोमा नेपाली नायिका appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2TJLhwb
via IFTTT

२९ फागुन, काठमाडौं । नायिका प्रियंका कार्की र नायक आयुष्मान देशराज जोशी फागुन १५ गते विवाह गरेका थिए । नायिका प्रियंकाले विवाह पछि आफ्नो थरमा देशराज श्रेष्ठ थपेकी छिन् । त्यस्तै आयुष्मानले पनि आफ्नो थरमा कार्की थपेका छन् । अब उनीहरुको नाममा ४ वटा थर भएको छ ।

बिहेपछि आफ्नो इन्टाग्राम अकाउन्टमा प्रियंकाले आयूष्मानको थर थपेकी थिइन् । त्यसलगत्तै आयूष्मानले पनि प्रियंकाको थर जोडेका हुन् । आयूष्मानको थर पहिल्यैबाट तीनवटा थिए । उनका बुवा जोशी हुन् भने आमा देशराज श्रेष्ठ लेख्ने गर्छिन् ।

आयूष्मानकी आमा रविनाका बुवा पञ्जाबी (देशराज) हुन् भने आमा नेपाली (श्रेष्ठ) हुन् । रविनाका बुवाले पनि आफ्नी पत्नीको थर जोडेर देशराज श्रेष्ठ लेख्ने गर्थे । आयूष्मानको नाममा ‘देशराज’ उनै मावली हजुरबाबाट ट्रान्सफर भएर आएको हो ।

रविनाका पूर्वपति चाहिँ जोशी हुन् । आयूष्मानले बुवा र आमा दुवैको थर प्रयोग गर्दै देशराज जोशी श्रेष्ठ लेख्ने गरेका थिए । अहिले प्रियंकाको कार्की थर पनि थप्नु परेपछि उनले सर्टकटमा लेख्न थालेका छन् । अहिले इन्स्टाग्राममा उनको नाम आयूष्मान डीएसके (देशराज, श्रेष्ठ, कार्की) जोशी छ । प्रियंकाले चाहिँ इन्स्टामा प्रियंका कार्की डीएस जोशी लेख्न थालेकी छन् ।

The post प्रियंका र आयुष्मानलाई थरको ‘भारी’ appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/3cSA3xa
via IFTTT

काठमाडौं । पछिल्लो समय कृषकका नाममा सरकारले पैसाको खोलो बगाइरहेको छ । खोर बनाउनदेखि शीतण्डार बनाउनसमेत कृषकलाई अनुदान दिइएको छ । तर, यस्तो अनुदान वास्तविक कृषकसँग भने पुग्ने गरेको छैन । सरकारी अनुदानमा नेता र केही व्यापारीहरुले कब्जा गरिरहेका छन् ।

यस्तो खेलमा कृषि मन्त्रालयका कर्मचारीदेखि मन्त्रीसम्म जोडिएका छन् । निवर्तमान कृषिमन्त्री चक्रपाणि खनाल ‘बलदेव’ समेत यसमा मुछिएका छन् । मिलेमतोका आधारमा केही व्यापारीलाई शीतभण्डार बनाउन अनुदान दिएर उनले अनियमितता गरेका हुन् ।

उनकै निर्देशनमा कतिपयलाई दिइएको अनुदानको सम्झौता हालका कृषिमन्त्री घनश्याम भुषालको निर्देशनमा प्रधानमन्त्री कृषि आधुनिकीकरण परियोजनाले रद्द गरिरहेको छ । दुई करोड रुपैयाँसम्म पेश्की लिएर कुनै काम नगरेकासँग सम्झौता रद्द गरिएको हो । विगतमा लेदनेदनका आधारमा तीन कम्पनीलाई पैसा दिइएको थियो ।

प्रारम्भिक छानबिनमा विगतमा सेटिङकै आधारमा त्यसरी अनुदान दिइएको खुलेको छ । यसमा अख्तियार दुरुपयोग अनुसन्धान आयोगले समेत छानबिन थालेको छ । आयोगको छानबिनपछि परियोजनाले हाल थप भुक्तानी रोकेको छ । विगतमा सम्झौता गर्ने परियोजनाका कर्मचारीहरु अर्काे भ्रष्टाचार मुद्दामा निलम्बनमा छन् ।

यो अनियमिततामा नेकपाका एक सांसदसमेत मुछिएका छन् । नुवकोटा प्रदेश सांसद बद्री मैनालीले ११ करोड रुपैयाँ अनुदान लिएका छन् । सम्झौताभन्दा ५२ लाख रुपैयाँ धेरै उनले भुक्तानी लिएको समेत छानबिनमा खुलेको छ ।

सबै जिल्लामा कार्यालय खोलेको कृषि आधुनिकीकरण परियोजनालाई सरकारले गेमचेन्जर परियोजनामा राखेको छ । तर, भ्रष्टाचारका कारण अनियमितताको व्यापक दुरुपयोग भएपछि मन्त्री भुषाल यसलाई पुनःसंरचना गर्ने तयारीमा छन् ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/339hIY7 via IFTTT

२६ फागुन, काठमाडौं । तेश्रो संस्करणको नेपाल आइडल बिजेताले पाउने पुरस्कारको घोषणा गरिएको छ । शुक्रबार प्रसारित कार्यक्रममा अन्नपूर्ण मिडिया नेटवर्कका अध्यक्ष क्याप्टेन रामेश्वर थापाले पुरस्कारको घोषणा गरेका हुन् ।

थापाका अनुसार आइडलका बिजेताले ५० लाख रुपैयाँ रुपैयाँ पाउनुका साथै एउटा गीतको म्युजिक भिडियो निर्माण गरिने छ । यस्तै दोश्रो हुनेले १० लाख रुपैयाँ र तेश्रो हुनेले ५ लाख रुपैयौँ पाउने अध्यक्ष क्याप्नेट थापाले जनाएका छन् । साथै उनीहरु सबैजना विश्वभ्रमणमा जानेछन् ।

नेपाल आइडलको पहिलो सिजनका प्रतिस्पर्धीहरुको पुरस्कारको विषय विवादित बनेसँगै अन्नपूर्ण मिडिया नेटवर्कलले दोश्रो सिजनदेखि पहिले नै करको विषय स्पस्ट पार्ने गरेको छ । पहिलो सिजनमा आयकरको विषय नटुङ्ग्याउँदा आइडल केही विवादित बन्न पुगेको थियो ।

The post नेपाल आइडलका बिजेताले पाउने पुरस्कार घोषणा appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/38yVwb2
via IFTTT

२६ फागुन, काठमाडौं । नेपालको पहिलो कमेडी रियालिटी शो ‘कमेडी च्याम्पियन’को ग्राण्ड फिनाले चैत १ गते हुँदैछ । फागुन १२ र १३ गते प्रसारण भएको एपिसोडमा कार्यक्रमको ग्राण्ड फिनाले १ गते गर्ने घोषणा गरिएको थियो । घोषणा भएसँगै फिनालेको तयारी पनि तीब्र पारिएको छ ।

फिनालेमा शोबाट तीनजनामा प्रतिस्पर्धा गर्नेछन् । सुमन कोइराला, हिमेश पन्त र खड्ग बहादुर पुनले शोको फिनालेमा पुगेका छन् । तीनै प्रतिस्पर्धी अहिले भोट माग्न आफ्ना गृहजिल्ला पुगेका छन् । उनीहरुले आ–आफ्नो तरिकाले भोट माग्दै गर्दा फिनाले भने च्यासलस्थित आफ्नै स्टुडियोमा दिउँसो ४ बजेदेखि शुरु हुने कार्यक्रमका निदेशक बिशाल भण्डारीले जानकारी दिए ।

कार्यक्रममा सहभागी हुनेले ईसेवामार्फत टिकट काट्न सक्ने निर्देशक भण्डारीले जानकारी दिए । टिकटको बुुकिङ सोमबारदेखि शुरु गरिएको हो । उनका अनुसार आयोजकले एउटा टिकटको मूल्य ३ हजार रुपैयाँ राखेको छ । उक्त मूल्यभित्र ककटेल डिनर पनि समावेश छ । ग्राण्ड फिनालेमा महानायक राजेश हमाल, हरिवंश आचार्य र मदनकृष्ण विशेष अतिथिको रुपमा रहनेछन् ।

The post चैत १ मा कमेडी च्याम्पियनको ग्राण्ड फिनाले, टिकट अत्याधिक महंगो appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2wD2Rcm
via IFTTT

२६ फागुन, काठमाडौं । आज काठमाडौं उपत्यकासहित देशका पहाडी भू–भागहरुमा होली मनाइँदैछ ।

कोरोना भाइरसको जोखिमका कारण सार्वजनिक स्थानमा होली नखेल्न सरकारले निर्देशन दिएता पनि सर्वसाधारणहरुले परिवार, आफन्त र साथीहरुसँग भेला भएर खेलिरहेका छन् । यद्यपि गतवर्षभन्दा सडकमा सर्वसाधारणको संख्या भने कम देखिएको छ ।

सर्वसाधारणसँगै पूर्वराजपरिवारले पनि होली मनाएका छन् । पूर्वराजकुमार पारस शाह र हिमानी शाहकी छोरी पूर्णिका शाहले पनि होली मनाएकी छन् । उनले आफ्ना अन्य तीनजना साथीसँग होली मनाएकी हुन् ।

उनले होली खेलेको तीन तस्बिर सामाजिक सञ्जालमा पोस्ट गरेकी छन् । अघिल्ला दुई तस्बिरहरुमा सेतो लुगा लगाएर होली खेलेकी उनको तेश्रो तस्बिरमा भने राताम्मे देखिएकी छन् । उनले आफ्ना साथीहसँग रङ र पानी छ्यापाछ्याप गरेर होली मनाएकी छन् ।

The post पारस र हिमानकी छोरीको होली (३ तस्बिर) appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2TBjAWA
via IFTTT

२३ फागुन, काठमाडौं । अमेरिकाकी ‘फस्ट लेडी’ मेलानिया ट्रम्पका १८ वर्षअघि पुरानो एक फोटोशुट सामाजिक सञ्जालमा भाइरल बनेको छ ।

फोटोमा मेलानिया एक फायरम्यान –अग्निनियन्त्रक)लाई चुम्बन गर्दै गरेकी देखिएकी छन् । विवाहअघि मेलानिया मोडलिङ गर्थिन् र उनले यो फोटाशुट सन् २००२ मा न्यूयोर्क पोस्टले लिएको थियो ।

म्यागजिनको यो कभर, त्यो समयमा ९÷११ आक्रमणमा गज्जबको काम गर्ने एक अग्निनियन्त्रकप्रति समर्पित गरिएको थियो । न्यूयोर्क पोस्टले अहिले फेरि १८ वर्ष पुरानो म्यागेजिनको कभर फोटो सेयर गरेको छ । यो फोटोसुटको दौरान मेलानिया ट्रम्पसँग डेट गरिरहेकी थिइन् । ट्रम्प त्यो समयमा एक रियलस्टेट बिजनेशमा काम गरिरहेका थिए ।

न्यूयोर्क पोस्टले उक्त तस्बिर राख्दै आफ्नो वेबसाइटमा लेखेको छ, ‘न्यूर्योकको एक रियलस्टेट डेभलपरसँग डेट गरिरहेकी स्लोवेनियाकी एक महिलालाई उक्त फोटोसुटको लागि छानिएकी थिइन्, उनको नाम मेलानिया नाउज हो । मेलानियाको उक्त रियल स्टेट डेभलपरसँग २ वर्षपछि विवाह भएको थियो ।’

मेलानियासँग तस्बिरमा देखिएको डेनियल नाम गरेका उक्त युवक अहिले पनि न्यूयोर्कमा काम गरिरहेका छन् । फोटोसुटको क्रममा डेनियललाई मेलानियाको बारेमा सोधिएको थियो तर उनले चिनेका थिएनन् । पछि उनलाई डोनाल्ड ट्रम्पको गर्लफ्रेन्ड भन्द उनी चकित परेका थिए ।

The post ट्रम्पको श्रीमतीको १८ वर्षअघिको फोटोशुट किन भाइरल ? appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2TreoV0
via IFTTT

२३ फागुन, काठमाडौं । वर्षकै प्रतिक्षारत चलचित्रहरुको सूचीमा रहेको चलचित्र ‘चपली हाइट ३’ को टीजर सार्वजनिक भएको छ । ट्रेलरमा गज्जबको एक्सन र थ्रिलर देख्न सकिन्छ । चैत २८ गतेलाई प्रदर्शन मिति तोकेको चलचित्रमा ब्याकमेल र अपराधको प्रसङ्ग जोडिएको हुनसक्ने टीजर हेरेर अनुमान गर्न सकिन्छ ।

निकेश खड्काको निर्देशनमा बनेको चलचित्र अर्जुन कुमारले निर्माण गरेका हुन् । चलचित्रमा निकेश र अर्जुनको यो दोश्रो सहयात्रा हो । यसअघि निकेशसँग अर्जुनले ‘फाटेको जुत्ता’मा सँगै काम गरिसकेका छन् । स्वयं अर्जुन र सुवास भुषालको संगीत रहेको चलचित्रमा पुरुषोत्तम प्रधानको सिनेम्याटोग्राफी र दिर्घ गुरुङको सम्पादन छ ।

चलचित्रलाई काठमाडौं उपत्यका भित्र स्टेशन फाइभ र उपत्यका बाहिर एफडी कम्पनीले वितरण गर्दैछ । चलचित्र टीजर आउनुअघि नै अस्ट्रेलिया प्रदर्शन अधिकार बिक्री भइसकेको छ । २५ हजार अस्ट्रेलियन डलरमा बाबा कन्सलटेन्सीले उक्त अधिकार किनेको थियो ।

अर्जुन कुमार फिल्म्स् प्रोडक्सनको ब्यानरमा बनेको चलचित्रमा अर्पण थापा, स्वस्तिमा खड्का, सुपुष्पा भट्ट, महेश त्रिपाठी, दीपाश्री निरौला, लक्ष्मी वर्देवा, प्रतिकमान श्रेष्ठ लगायतका कलाकारहरुको अभिनय छ । चलचित्रमा आकाश बरालको लेखन तथा संवाद रहेको छ ।

The post ‘चपली हाइट ३’ टीजरः एक्सन र थ्रिलरको गज्जब तालमेल appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/38pxajX
via IFTTT

२३ फागुन, काठमाडौं । ‘हिरो रिटर्न्स’का नायक सविन श्रेष्ठले आफ्नो चलचित्रको पोस्टर बलिउड चलचित्रलेले कपी गरेको आरोप लगाएका छन् । बलिउड चलचित्र ‘साहो’ र ‘बागी ३’को पोस्टर सेयर गर्दै उनले ‘हिरो रिटर्न्स’को पोस्टर ‘कपि’ भएको आरोप लगाएका हुन् ।

उनले फेसबुकमा लेखेको पोस्टमा भनेका छन्, ‘बलिउडमा कलिउडको कपी हुँदो रैछ, संजोग मात्रै होला ।’ सविनले भने जस्तै के बलिउडले नेपाली फिल्म ‘हिरो रिटर्न्स’को पोस्टरी शैली कपी गरेकै हो त ? ‘साहो’ फिल्म रिलिज भैसकेको छ भने ‘बागी ३’ यही शुक्रबारदेखि प्रदर्शनमा आएको छ ।

भर्खरै प्रोमो सार्वजनिक गर्दै प्रदर्शन मिति तय गरेको चलचित्रले यस्तो आरोप लगाउनु आफैँमा हास्यापद भएको फिल्मी पण्डितहरुको भनाइ छ । यद्यपि केही चलचित्र पत्रकारहरुले भने अरुले आरोप लगाउनुभन्दा अघि अफैँले अर्कोलाई आरोप लगाएको हुनसक्ने अनुमान समेत जनाएका छन् ।

आशिष भेटुवालले निर्देशन रहेको चलचित्र रेखा थापा र सविन श्रेष्ठको मुख्य भूमिका रहेको छ । बैशाख २६ गतेदेखि प्रदर्शनको तयारीमा रहेको चलचित्रमा ध्रुब प्रसाद न्यौपाने र भिम न्यौपाने निर्माण र चन्द्र प्रसाद गौतम कार्यकारी निर्माण रहेको छ । चलचित्रमा रेखा र सविनसँगै फिल्ममा दिल श्रेष्ठ, सरोज खनाल, सुलेमान शंकर (इकु), रोशन श्रेष्ठ, डि बि बम्जन, सुशान्त श्रेष्ठ, किरन थापा लगायत कलाकारहरुको अभिनय छ ।

The post बलिउडले आफ्नो फिल्मको पोस्टर चोरी गरेको सविनको आरोप appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/3aAp0q6
via IFTTT

२३ फागुन, काठमाडौं । नायक पल शाह र पुजा शर्माको अभिनय रहेको चलचित्र ‘म यस्तो गीत गाउँछु २’ अब प्रदर्शन नहुने भएको छ । कोरोना भाइरसका कारण धेरै मानिसहरुको हलमा भेला नहुन भनेपछि भाइरसका कारण कसैलाई असरन नगरोस् भन्ने उदेश्यले प्रदर्शन नगर्न लागिएको चलचित्र निर्माण कम्पनी सुदर्शन प्रोडक्सनले जनाएको छ ।

कम्पनीद्वारा जारी सूचनामा कोरोना भाइरसबाट जनजीवन प्रभावित गरेको बताउँदै नेपाल सरकार र चलचित्र निर्माता संघको अनुरोधलाई मध्यनजर गर्दै प्रदर्शन नगर्ने निर्ण गरेको हो । चलचित्रको पर्खाइ लामो हुन जाने भएपछि कम्पनीले दर्शकसँग क्षमा मागेको छ । साथै चलचित्र टीमले कोरोनाबाट सचेत रहन सम्पूर्णमा अनुरोध गरेको छ ।

यसअघि नेपाल सरकारले अनावश्यक कामको लागि घरबाहिर ननिस्कन, भिडभाडमा नजान र धेरै मानिस भेला हुने कार्यक्रम नगर्न अनुरोध गरेको छ । त्यसैगरी नेपाल चलचित्र निर्मँता संघले सम्भव भएसम्म सुटिङ रोक्नको लागि भन्दै सूचना जारी गरेको छ । चीनको वुहानबाट शुरु भएको कोरोना भाइरसका कारण अहिलेसम्म ३२ सय भन्दा धेरै मानिसको मृत्यु भइसकेको छ ।

The post पल र पुजाको फिल्म प्रदर्शन नहुने appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2TvwfKC
via IFTTT

२३ फागुन, एजेन्सी । बलिउड सुपरस्टार सलमान खानका धेरै साथीहरु छन्, यद्यपि उनी बलिउडकै केही कलाकारुहरुलाई भने मन पराउँदैनन् । एकपटक छुटेको सम्बन्ध उनी प्राय सुधार्ने गर्दैनन् । उनी एकपटक साथी छुटिसकेको व्यक्तिसँग माफी माग्दा पनि माग्दैनन् माफी दिँदा पनि दिँदैनन् । सलमान खानको यो लिस्टमा अर्का एक स्टार कलाकारको पनि इन्ट्रि भएको छ, उनको नाम हो विक्की कौशल ।

विक्की कौशलः
केहीसमय अघि एक अवार्ड समारोहमा रमाइलोको रुपमा सलमानकै अगाडि विक्की कौशलले कट्रिना कैफलाई प्रेमप्रस्ताव राखेका थिए । उक्त समय सलमान मुस्कुराइरहेका पनि थिए । तर दिन बित्दै जाँदा विक्की कौशल र कट्रिना नजिकिएको समाचार मिडियाम लगातार आएसँगै सलमान विक्कीसँग रिसाएको भारतीय मिडियाले उल्लेख गरेको छ । सलमान रिसाएपछि विक्की कौशलको फिल्मसँग फिल्म जुधाउन लागेको भन्दै भारतीय चर्चित अनलाइन एबिपीन्यूजले एक रिपोर्ट प्रकाशित गरेको छ । सलमानले आगामी डिसेम्बरमा विक्की कौशलको फिल्म ‘तख्त’ सँग आफ्नो फिल्म ‘किक–२’ जुधाउन सक्ने भन्दै समाचारमा अनुमान गरिएको छ । उसो कट्रिना कैफको कारणले सलमान खानको रिसमा पर्ने विक्की कौशल पहिलो मानिस भने होइनन् । यसअघि पनि उनीलाई रिस उठाउने र उनीसँग दुस्मनी गर्नेहरुको करिअरमा खासै प्रगति गर्न सकेका छैनन् ।

विकेक ओबेरोयः
फिल्मी करिअरमा सलमान खानसँगको सम्बन्ध बिग्रेका पहिलो व्यक्ति हुन् कलाकार विवेक ओबेरोय । विकेक र सलमानको शत्रुताको बारेमा पूरै बलिउड जानकार छ । यो शत्रुताको प्रमुख कारण थिइन् विश्वसुन्दरी एवं बलिउड नायिका ऐश्वर्या राय बच्चन । ऐश्वर्या र सलमान प्रेमसम्बन्धमा थिए र उनीहरुको ब्रेकअपपछि ऐश्वर्या विवेक ओबेरोयसँग नजिकिन थालिन् । तर सलमानलाई यो कत्तिपनि मन परेको थिए । त्यसपछि उनीहरु खासै एउटै सभासमारोहमा देखिँदैनन् । उक्त घटनापछि विवेकको करिअरको ग्राफ खासै उठ्न सकेको छैन ।

अरजित सिंहः
भारतीय गायक अरिजित सिंहको आवाज सलमान खानबाहेका सबैलाई राम्रो लाग्छ । सलमान र अरिजितको कन्ट्रोभर्सीले पनि एकपटक बलिउड खुब तातेको थियो । एक अवार्ड शो मा सलमान खान होस्टको रुपमा थिए र अरिजितलाई सम्मानित गर्नको लागि बोलाइयो । तर अरिजित अवार्ड शो मा ढिला आएका थिए । त्यही कारण सलमानले उनलाइ अवार्ड शो मै भनेका थिए, ‘सुतेको थियौ र ?’ त्यसको जवाफमा अरिजितले भनेका थिए, ‘तपाईंहरु यस्तो बोर गराउनुहुन्छ अनि सुत्दैनन् ।’ त्यसबेला देखि सलमान खानले अरिजित सिंहसँग काम गरेका छैनन् । सलमानसँगको दुस्मनीपछि अरिजितलाई चलचित्रमा लिने हरुको संख्या कम भएको छ ।

रेणुका शहाणेः
फिल्म ‘हम आपके है कोन’ मा सलमान खानको भाउजुको भूमिका निभाएकी कलाकार रेणुका शहाणेले सलमान खानको हरिण मारेको काण्डबारेमा बोलेकी थिइन् । सम्पूर्ण बलिउड चुप रहेको बेला उनले सलमानविरुद्ध एक फेसबुक पोस्ट गरेकी थिइन् । फेसबुक पोस्टमा सलमान खानलाई ५ वर्षको जेल सजाय भनेपछि छोडिएको प्रति उनले असन्तुष्टि प्रकट गरेकी थिइन् । त्यसपछि उनीहरुबीच खासै राम्रो सम्बन्ध छैन । त्यसपछि उनले चलचित्रमा काम नै गरेकी छैनन् ।

अनुराग कश्यपः
बलिउडका चर्चित एवं सफल निर्देशक अनुराग कश्यपसँग सलमानको अनबन फिल्म ‘तेरे नाम’ बाट शुरु भएको थियो । अनुरागले ‘तेरे नाम’ फिल्मको निर्देशन गर्दै थिए भने सलमान सोही फिल्मको कलाकार । उक्त समयमा अनुरागले सलमानको कपालका भद्दा टिप्पणी गरेका थिए । उनले सलमानको कपाल उत्तरप्रदेशका केटीहरुको जस्तो देखिएको भनेका थिए । अनुराग कश्यपले चलचित्र क्षेत्रमै भएता पनि पछिल्लो समय उनका चलचित्रहरुले दर्शकको मन जित्न सकेको छैन ।

रणबीर कपूरः
सलमान खानसँग रणबीर कपूरको दुस्मनी पनि विवेक ओवरोयको जस्तै छ । कट्रिना कैफसँगको ब्रेकअपपछि रणबीर र कट्रिना एकअर्कासँग नजिकिन पुगेका थिए । उनीहरु प्रेममा रहेको प्रसंग पनि चलिरहेको थियो । सलमान कट्रिना कोहीसँग नजिक भएको कुरा सलमानलाई मन पर्दैनथ्यो । तर रणबीरले उनलाई मन नपर्ने काम गरिरहेका थिए । कट्रिना र रणबीर प्रेमको बारेमा बेलाबेलामा सलमानले एकदमै भद्दा कमेन्ट पनि गरेका थिए । सलमानसँगको दुस्मनीपछि रणबीरले खासै चलचित्रहरुमा काम गरेका छैनन् । सञ्जय दत्तको बायोग्राफीमा आधारित फिल्म ‘सञ्जु’ पछि उनले कुनैपनि फिल्ममा काम गरेका छैनन् ।

The post सलमान खानसँग दुस्मनी गर्ने यी पाँच स्टार appeared first on Nepali Headlines,Nepal News, Nepali News, News Nepal.

from मनोरञ्जन | Nepali Headlines,Nepal News, Nepali News, News Nepal http://bit.ly/2IqxR1G
via IFTTT

काठमाडौं । सरकारले गत फागुन १८ गते बसेको मन्त्रिपरिषद बैठकका निर्णय सार्वजनिक गरेको छ । सरकारका प्रवक्ता डा युवराज खतिवडाले बिहीबार निर्णय सार्वजनिक गरेका हुन्।

यस्ता छन्, मन्त्रिपरिषद्का निर्णयहरुः

१. आन्तरिक राजस्व विभाग अन्तर्गतका कार्यालयहरूको कार्यक्षेत्र तथा अन्त:शुल्क अधिकृतको अधिकार क्षेत्र तोक्ने ।

२.  Department of Food Technology and Quality Control (DFTQC), Nepal र Bangladesh Standards and Testing Institution (BSTI), Bangladesh बीच हुने समझदारी पत्रमा नेपालको तर्फबाट हस्ताक्षर गर्न विभागका महानिर्देशकलाई अख्तियारी प्रदान गर्ने।
 Trading Corporation of Bangladesh (TCB) र Salt Trading Corporation Limited (STC), Nepal बीच हुने समझदारीपत्रमा नेपालको तर्फबाट हस्ताक्षर गर्न STC का प्रमुख कार्यकारी अधिकृतलाई अख्तियारी प्रदान गर्ने ।
 नेपाल र बंगलादेशकाबीचमा Preferential Trading Agreement को भागको रूपमा रहने Product List (Request and Offer List) मा छलफल गर्ने वस्तुहरूको सूची तयार गर्न र सो सूची बंगलादेश पक्षलाई उपलब्ध गराउन उद्योग, वाणिज्य तथा आपूर्ति मन्त्रालयका सचिव डा. बैकुण्ठ अर्याललाई अख्तियारी प्रदान गर्ने ।

३. नेपाल गुणस्तर साधारण पोर्टल्याण्ड सिमेन्ट, ४३ ग्रेड र ५३ ग्रेडः विशिष्टिकरण अनिवार्य गर्ने सूचना नेपाल राजपत्रमा प्रकाशन गर्ने। ।

४. कलकत्तास्थित नेपाली महावाणिज्यदूतमा ईश्वरराज पौडेललाई नियुक्ति गर्ने ।

५. जनवादी गणतन्त्र चीनका लागि नेपालका आवासीय राजदूत लीलामणि पौड्याललाई फिर्ता बोलाई महेन्द्र बहादुर पाण्डेलाई राजदूत नियुक्तिका लागि सिफारिस गर्ने ।

६. सरकारी, सार्वजनिक र गुठी जग्गा संरक्षण सम्बन्धी जाँचवुझ आयोगका कानूनी सल्लाहकार श्री युवराज कोइरालाले दिनुभएको राजीनामा स्वीकृत गर्ने ।

७. चीन सरकारको सहयोगमा निर्माण हुने चक्रपथ विस्तार दोश्रो चरणको परियोजनाका लागि सडक विभाग, काठमाडौं चक्रपथ सुधार योजनाका योजना प्रमुखलाई प्रारम्भिक कारबाई चलाउने अधिकारी तोक्न स्वीकृति प्रदान गर्ने ।

८. सुपर मादी जलविद्युत आयोजनाको पावरहाउस, हेडवर्क्स, पेनस्टक र पहुँचमार्ग लगायतका संरचनाहरु निर्माण गर्नका लागि अन्नपूर्ण संरक्षण क्षेत्र अन्तर्गत पर्ने कास्की जिल्लाको मादी गाँउपालिका-२ मा रहेको कूलजम्मा ६.९५ हेक्टर सरकारी वन प्रयोग गर्न र रुखविरुवाहरु हटाउन समेत स्वीकृति दिने ।

९. नेपालका निजी क्षेत्रलाई अन्तर्राष्ट्रिय हवाई सेवा सञ्चालनका लागि इजाजत प्रदान गर्ने सम्बन्धी कार्यविधि (पहिलो संशोधन), २०७६ स्वीकृत गर्ने ।

१०. न्यूनतम पारिश्रमिक निर्धारण समितिको रिक्त अध्यक्ष मालिका गाउँपालिका ६, गुल्मीका श्री राजेन्द्रवहादुर अर्याललाई २ वर्षको लागि नियुक्त गर्ने ।

११. शहरी विकास मन्त्रालय अन्तर्गत आ.व. २०७६।७७ मा सञ्‍चालनमा रहेका आयोजनाहरुको लागि राजपत्रांकित पदका ५ (पाँच) वटा अस्थायी दरवन्दी स्वीकृत गर्ने ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/2uTNxr4 via IFTTT

काठमाडौं । भारतबाट राजधानीलगायत विभिन्न ठाउँमा मासुका लागि तयार कुखुरा र चल्ला अवैध रुपमा भित्र्याउन थालिएको छ । नेपालमा कुखुराको मासु र चल्ला महँगो भएको मौका छोपी भारतबाट अवैध रुपमा यस्ता बस्तु भित्र्याउन थालिएको हो ।

काठमाडौं पशु क्वारेन्टाइन कार्यालयका अनुसार यही साता मात्रै चितवनको रामनगर हुँदै भारतबाट काठमाडौं ल्याइएको आशङ्कामा मासुका लागि तयार ७३० वटा कुखुरा नष्ट गरिएको छ ।

सो कार्यालयका प्रमुख डा. श्रीराम अधिकारीको नेतृत्वमा अनुगमनमा गएको टोलीले भेटेनरी चिकित्सकको परीक्षणको प्रमाण र स्थानीय सिफारिस नभएको भेटिएपछि ती कुखुरा नष्ट गरिएको जानकारी दिए । यो समाचार आजको गोरखापत्र दैनिकमा सीता शर्माले लेखेकी छिन् ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/39pWOWT via IFTTT

काठमाडौं । प्रधानमन्त्री केपी शर्मा ओली र मिर्गौला दिने समिक्षा संग्रौला नाताले मामा भान्जि हुन्। ३२ वर्षीय समिक्षाले बुधबार मात्रै प्रधानमन्त्री ओलीलाई मिर्गौला दिइन्। प्रधानमन्त्री ओलीको सफलतापुर्वक प्रत्यारोपण गरिएको छ।

समिक्षाको आँट र साहसिक कामबारे उनका बुवा मेदनी संग्रौला र आमा मुना संग्रौला खुशीले गदगद छन्। ‘छोरीको आँट हिम्मत देखेर छोरीलाई एकदम धन्यवाद दिन्छु। उनले आँट गरिन मिर्गौला दिनलाई’ समिक्षाकी आमा मुनाले भनिन् ‘स्वास्थ्य लाभको कामना छ। राम्रो होस्। हामी पशुपतिनाथसँग प्राथना गर्छौं। एकदम राम्रो होस्।’

‘प्रधानमन्त्री जीलाई स्वास्थ्य लाभको कामना गर्छु’ समिक्षाका बुवा मेदनीले भने ‘छोरी समिक्षाले आँट गरेर मिर्गौला दिइन उनलाई पनि स्वास्थ्य लाभको कामना गर्छु।’

प्रधानमन्त्री ओलीको परिवारसँग समिक्षाको परिवारको राम्रो सम्बन्ध छ। उनीहरुले दसैंमा प्रधानमन्त्री ओलीबाट टीका लगाउने गरेका थिए। पाल्पाका कमल ज्ञवालीसँग विवाह गरेकी समिक्षाको माइती झापा हो। समिक्षाका श्रीमान नेपाली सेनामा कार्यरत छन्। अन्नपूर्ण पोस्टमा खबर छ ।’

त्यस्तै पहिलो पटक प्रधानमन्त्रीलाई मिर्गौला दान दिएकी अञ्जान घिमिरेले प्रधानमन्त्रीको मिर्गौला प्रत्यारोपण सफल भएकाले खुशी भएको बताइन । “पहिलो पटक शल्यक्रिया गर्दा जस्तो खुशी भएको थियो, अहिले पनि मलाई त्यस्तै खुशी लागेको छ”, उनले भनिन्, “त्यतिबेला पनि शल्यक्रिया गर्दा पनि चाँडै नै होसमा आउनुभएको थियो, अहिले पनि उहाँ चाँडै होसमा आउनुभएको छ भन्ने खबर पाएँ, झन् खुशी लाग्यो ।”

घिमिरेले दुईमध्ये एउटाले काम गर्ने भएपछि अर्को मिर्गौलाले प्रधानमन्त्रीलाई बचाउन सक्छु भनेर त्यतिबेला मिर्गौला दिएको भन्दै अहिले आफू स्वस्थ्य रहेको बताइन । शिक्षण अस्पतालले चिकित्सक, सम्बन्धित विभागका नर्सिङ, प्राविधिक तथा प्रशासनिक कार्यमा संलग्न सबैलाई धन्यवाद दिएको छ ।

प्रधानमन्त्री ओलीलाई मिर्गाैला दान गर्नुहुने उनकी भान्जी समीक्षा सङ्ग्रौलाको स्वास्थ्य अवस्था सामान्य रहेको छ । मिर्गौला प्रत्यारोपणअघि उहाँको मङ्गलबार विभिन्न विषयका विशेषज्ञबाट स्वास्थ्य परीक्षण गरिएको थियो । प्रधानमन्त्री ओली प्रत्यारोपणका लागि यही फागुन १९ गते अस्पताल भर्ना भएका थिए । यसअघि प्रधानमन्त्री ओलीको विसं २०६४ साउनमा भारतमा मिर्गाैला प्रत्यारोपण गरिएको थियो ।

कार्यकारी निर्देशक खड्गाका अनुसार प्रधानमन्त्रीको आग्रहमा उनलाई पहिलो पटक मिर्गौला प्रत्यारोपण गर्ने भारत नयाँदिल्लीका चिकित्सक डा अनन्तकुमार आएका थिए छ । “पहिलाको प्रत्यारोपण उनले गरेको हुनाले दोस्रो पटक पनि प्रधानमन्त्रीको आग्रहमा उनलाई बोलाइएको हो”, उनले भने, “अनन्तकुमार शल्यक्रिया कक्षमा रहनुभएको थियो, अनन्तकुमारले आवश्यक सहयोग गर्नुभएको थियो ।” डा खड्गाले अनन्तकुमार आएकाले स्वदेशी चिकित्सकको हौसला बढेको बताए । दोस्रो पटक मिर्गौला प्रत्यारोपण ९८ प्रतिशत सफल हुने उनको भनाइ थियो ।

त्यस्तै प्रधानमन्त्री ओली पाँच–छ दिन अस्पतालमा रहने र १०–१५ दिनपछि नियमित काम गर्नसक्ने डा खड्गाले बताए । हाल मिर्गौला प्रत्यारोपण गर्ने टोलीबाहेक अरुलाई ५–६ दिनसम्म भेट्न दिइने छैन । प्रधानमन्त्री ओलीको मिर्गाैला शल्यचिकित्सा टोलीमा उपचार टोलीमा शल्यक्रिया टोलीमा प्रा डा उत्तमकुमार शर्मा, प्रा डा प्रेम ज्ञवाली, प्रा डा अनन्द कुमार, डा पवनराज चालिसे, डा सुमन चापागाईं, डा सुजित पौडेल तथा मिर्गाैला प्रत्यारोपण चिकित्सा टोलीमा प्रा डा दिव्या शाह, डा महेश सिग्देल, डा मुकुन्द काफ्ले, डा मिधन श्रेष्ठ, डा रविन नेपाली र डा सन्तोष क्षेत्री हुनुहुन्थ्यो । एनेस्थेसिया तथा क्रिटिकल केयरतर्फ डा अनिल श्रेष्ठ, प्रा डा सुवास आचार्य, डा अमित शर्मा भट्टराई र डा विगेनमान शाक्य हुनुहुन्छ ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/32ORBW6 via IFTTT

काठमाडौं । वैदेशिक रोजगारीमा जाने कामदारको श्रम स्वीकृति हाललाई स्थगित गरिएको छ ।

सरकारले अत्यावश्यक काममा बाहेक विदेश नजान आग्रह गरेको सन्दर्भमा सो निर्णय गरिएको श्रम, रोजगार तथा सामाजिक सुरक्षा मन्त्रालयले जनाएको छ । ठूलो संख्यामा नेपाली रोजगारका लागि मध्यपूर्वका मुलुक जाने गरेका छन् ।

चीनको ऊहानबाट फैलिएको कोरोना भाइरसबाट नेपाल उच्च जोखिममा रहेको भन्दै आइतबार मात्र ३० नेपालीलाई बहराइनले अध्यागमनबाट प्रवेशमा रोक लगाएको थियो । यस सन्दर्भमा परराष्ट्रमन्त्री प्रदीपकुमार ज्ञवालीले कामका लागि होस् या अध्ययनका लागि नजान सार्वजनिक अह्वान गरेका थिए ।

सरकारले दक्षिण कोरियामा इपीएस प्रणालीबाट कामदार तत्काल नपठाउने निर्णय गरेको थियो । यसअघि अध्ययनका लागि विदेश जान चाहने विद्यार्थीलाई एनओसी ९नो अब्जेक्सन लेटर० दिन रोक लगाइएको थियो ।

त्यसैगरी शुक्रबारदेखि लागू हुने गरी पाँच देशका लागि अनअराइभल भिसा बन्द गर्ने निर्णय पनि गरिरहेको मन्त्री ज्ञवालीले जानकारी दिए । दक्षिण कोरिया, जापान, इरान, चीन र इटालीका नागरिकलाई अनअराइभल भिसा बन्द गरिएको हो ।

यो खबर आजको नेपाल समाचारपत्रमा सुनील महर्जनले लेखेका छन् ।

- feed news from http://bit.ly/2ejy7iN राष्ट्रिय खबर – rastriyakhabar.com http://bit.ly/3awgIzT via IFTTT