भिडियो हेर्नको लागि तलको बक्स या लिंकमा क्लिक गर्नुहस >>>>>>>>>Advertisement 
|
काठमाडौं ।
एउटा फिल्ममा सँगै अभिनय गरे पनि कतिपय कलाकारको फिल्मभरि नै एक–अर्कासँग भेट नै नभएको देखिन्छ । बलिउडका थुप्रै फिल्ममा यस्तो भएको छ । आफूहरू एउटै फिल्मका कलाकार भए पनि एउटै फ्रेममा अभिनय गर्न नपाउँदा खल्लो महसुस गरेका सेलिब्रेटी थुप्रै छन् । यस्तोमा ती कलाकारले फिल्मभित्र आफूहरू सँगै नदेखिएको कुरा लुकाउने नै गरेका छन् । दर्शकले सँगै देख्न चाहने भए पनि फिल्मको कथाअनुसार एक–अर्काको भेटै नभएको थुप्रै उदाहरण बलिउड फिल्ममा छन् । फिल्मभित्र निर्वाह गरेका भूमिकाका कारण एउटै फ्रेममा नपरेका फिल्म र सेलेब्रिटी थुप्रै छन् । भारतीय अनलाइनले तयार पारेको एउटा रिपोर्ट :
उड्ता पन्जाबमा शाहिद र करिना
फिल्ममा शाहिद कपुर र करिना कपुरलाई दर्शक सँगसँगै देख्न चाहन्छन् । ‘फिदा’ फिल्मको यो चर्चित जोडीले सन् २०१६ को चर्चित फिल्म ‘उड्ता पन्जाब’मा सँगै त अभिनय गरे, तर फिल्मभित्र भने उनीहरूको भेट नै हुँदैन । अर्थात्, उनीहरू एउटै फ्रेममा अटाएका छैनन् । अभिषेक चुवेले निर्देशन गरेको उड्ता पन्जाव क्राइम कमेडी फिल्म हो । शाहिद र करिनाका फ्यानले उनीहरूलाई सँगै देख्न नपाउँदा खल्लो महसुस गरे ।
किल दिलमा गोविन्दा र परिणीति
शाद अली निर्देशित ‘किल दिल’ फिल्ममा गोविन्दा, रणवीर सिहं, परिणीति चोपडा र अलि जाफर मुख्य भूमिकामा छन् । तर, पूरा फिल्मभरि गोविन्दा र परिणीति कहीँ पनि सँगै देखिँदैनन् । गोविन्दा र परिणीतिले निर्वाह गरेको चरित्रको एक–अर्कामा सम्बन्ध नभएकाले उनीहरू एउटै फ्रेममा नपरेको निर्देशक अलीको प्रस्टोक्ति छ ।
राजनीतिमा अजय र कैट्रिना
प्रकाश झाको चर्चित फिल्म ‘राजनीति’मा अजय देवगण, रणवीर कपुर, कैट्रिना कैफ, अर्जुन रामपालजस्ता स्टारले अभिनय गरेका छन् । तर, पूरा फिल्मभरि अजय र कैट्रिना कहीँ पनि एकसाथ देखिँदैनन् । राजनीति फिल्ममा अजय र कैट्रिनाका फ्यानले उनीहरूलाई सँगै देख्न नपाउँदा असन्तुष्टि जाहेर गरेका थिए ।
अग्निपथमा सञ्जय र प्रियंका
सन् २०१२ मा करण मल्होत्राको निर्देशनमा बनेको ‘अग्निपथ’ फिल्ममा सञ्जय दत्त, प्रियंका चोपडा र ऋतिक रोशन प्रमुख भूमिकामा छन् । तर, पूरा फिल्मभर सञ्जय र प्रियंका कहीँ पनि सँगै देखिएका छैनन् । अर्थात्, फिल्ममा सञ्जय र प्रियंकाले निर्वाह गरेको चरित्रको एक–अर्कामा कुनै सम्बन्ध छैन ।
तलाशमा रानी र करिना
रानी मुखर्जी र करिना कपुरका आ–आफ्नै फ्यान छन् । एकताका उनीहरू निकै चर्चित थिए । उनीहरू आमिर खानको ‘तलाश’ फिल्ममा अभिनय गरेका थिए । तर, उनीहरू एक सटमा पनि सँगै देखिएका छैनन् । रिमा कागती निर्देशित तलाशमा कथाले नमागेकाले उनीहरूको भेट नभएको बताइन्छ ।
पिकेमा आमिर र सुशान्त
राजकुमार हिरानीको सुपरहिट फिल्म ‘पिके’मा आमिर खान, अनुष्का शर्मा र सुशान्तसिंह राजपुत प्रमुख भूमिकामा छन् । तर, अपशोच ! फिल्मभरि आमिर र सुशान्त कहीँ पनि सँगै देखिँदैनन् । आमिर र अनुष्का भने फिल्मको सुरुदेखि अन्तिमसम्म नै छन् । सन् २०१४ को पिकेमा सुशान्तले अनुष्काको प्रेमीको भूमिका निर्वाह गरेका छन् ।
लन्च बक्समा इमरान र निमरत
रितेश बत्राको निर्देशनमा बनेको ‘द लन्च बक्स’ फिल्मले थुप्रै अवार्ड जितेको थियो । सन् २०१३ को त्यो फिल्ममा इमरान खान र निमरत कौर प्रमुख भूमिकामा छन् । उनीहरू लन्च बक्सको माध्यमबाट आदान–प्रदान भएका चिठीबाट आफ्ना भावना साटासाट गर्छन् । तर, फिल्मभरि उनीहरूको भेट नै हुँदैन ।
रा–वानमा करिना र अर्जुन
सन् २०११ को ‘रा–वान’ फिल्ममा शाहरुख खान, करिना कपुर र अर्जुन रामपाल प्रमुख भूमिकामा छन् । अनुभव सिन्हा निर्देशित यो फिल्मभरि करिना र अर्जुन कहीँ पनि सँगै देखिँदैनन् । उनीहरूको आ–आफ्नो भूमिका छ, जसमा ती दुई पात्रको भेट आवश्यक मानिँदैन ।
नयाँ पत्रिकाबाट
The post एउटै फिल्ममा जो देखिँदैनन् सँगै appeared first on Nepali Headlines,Nepal News, Nepali News, News Nepal.
from मनोरञ्जन | Nepali Headlines,Nepal News, Nepali News, News Nepal http://bit.ly/2wcQrWp
via IFTTT
भिडियो हेर्नको लागि तलको बक्स या लिंकमा क्लिक गर्नुहस >>>>>>>>>Advertisement
|
भिडियो हेर्नको लागि तलको बक्स या लिंकमा क्लिक गर्नुहस >>>>>>>>>
|
Advertisement
