‘मान्छे भएपछि हाँस्नुपर्छ, ‘ठुस्स’ पर्नेलाई पड्काइदिऊँ जस्तो लाग्छः पूजा शर्मा (मस्ती टक)

अनलाइनखबरका लागि ‘मस्ती टक’मा कुराकानी गर्दै पल र पूजाले निकै रमाइलो जवाफ दिए । पूजालाइ तपाइलाई कस्तो मान्छे देख्दा रिस उठ्छ भनेर हामीले प्रश्न सोध्दा उनले भनिन्-‘मलाई त नहाँस्ने, ठुस्स पर्ने मान्छे मन पर्दैनँ । यो जिन्दगी हाँस्नकै लागि दिएको हो ।’

पल सबैभन्दा धेरै ‘नट्टी’ कोसँग हुन्छन् होला, उनले भने-‘म मेरा साथीहरुसँग हुन्छु । उनीहरुको मोबाइलको म्यासेज हेर्छु ।’ पूजाले आफू साथीहरुसँग बढी ‘नट्टी’ हुने गरेको बताइन् । उनले साथीहरुको पछाडि पुच्छर हाल्दिने, मसी छर्किदिने गर्ने गरेको बताइन् ।

नायिका पूजा शर्माले आफूलाई अनमोल केसीसँग भाइटिका लगाउन मन लागेको, आशिरमान देसराज जोशीसँग डेटिङ र पल शाहसँग बिहे गर्न मन लागेको बताइन् ।

यस्तै, नायक पल शाहले नायिका आना शर्मासँग डेटिङ, साम्राज्ञीराज्य लक्ष्मी शाहसँग भाइटिका र छुल्ठिम गुरुङसँग बिहे गर्न मन लागेको बताए । उनले ‘प्रेमगीत २’ नायिकाको नाम ३ अप्सनमा भएपनि लिन चाहेनन् ।

रमाइलो कुराकानीका क्रममा पलले आफू नायक आर्यन सिग्देल भएको भए बिहान उठ्ने वित्तिकै ‘नक्क्ली कपाल’ लगाउथ्य भनेर जवाफ फर्काए । यस्तै, अनमोल केसी भएको भए आफूले दैनिक सिक्स प्याक हेर्ने उनले सुनाए ।

यता, नायिका पूजा शर्माले आफू नम्रता श्रेष्ठ भएको भए दावा शेर्पासँग बिहे गरिहाल्ने बताइन् । उनले नम्रतालाई दावासँग बिहे गर्न सुझाव पनि दिइन् ।

के बाथरुममा एकसाथ २ जना नुहाउनु भएको छ भन्ने प्रश्नमा पल र पूजाले निकै रमाइलो जवाफ दिए । पल र पूजाले दिएको जवाफ हेर्नका लागि भिडियो नै हेर्नुहोस् ।

Labels: video