Nepal News, Video, Song, Movies: यस्तो छ अनमोल र साम्राज्ञीको प्रेममय ‘ड्रिम्स’ फष्र्टलुक

यस्तो छ अनमोल र साम्राज्ञीको प्रेममय ‘ड्रिम्स’ फष्र्टलुक

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

काठमाण्डौ। नायक भुवन केसीले निर्माण र निर्देशन गरेको चलचित्र ‘ड्रिम्स’को फष्र्टलुक पोष्टर सार्वजनिक गरिएको छ । क्रिसमस डेको अवसर पारेर ड्रिम्सको फष्र्टलुक पोष्टर सार्वजनिक गरिएको हो ।

‘होस्टेल’ र ‘जेरी’ चलचित्रबाट दर्शक माझ स्टार नायकको रुपमा छबि बनाएका नायक भुवनका छोरा अनमोल केसी र नायिका साम्राज्ञी राज्य लक्ष्मी शाह फष्र्टलुक पोष्टरमा फिचरिङ छन् । आउँदो फागुन २१ मा देशव्यापी रिलिज गरिने तयारी गरिएको यो चलचित्रमा अनमोलसँगै साम्राज्ञीराज्य लक्ष्मी शाह, सन्ध्या केसीको मुख्य भुमिका रहेको छ ।

३० वर्षे चलचित्र यात्रामा भुवनले पहिलो पल्ट आफ्नै छोरा अनमोल केसीलाई लिएर आफ्नै ब्यानर काजल फिल्मस् मार्फत् ‘ड्रिम्स’को निर्देशन गरेका हुन् । प्रेम कथामा आधारित रहेको बताइएको यो चलचित्रमा सामीप्यराज तिमल्सेनाको पटकथा, पुरुषोत्तम प्रधान र सन्जय लामाको छायांकन, हरकुलिश बस्नेत र विशेष पाण्डेको संगीत, बनिश शाह र मिलन श्रेष्ठको सम्पादन, चन्द्र पन्तको द्वन्द्व, कविराज गहतराजको नृत्य निर्देशन रहेको छ ।