Nepal News, Video, Song, Movies: संगीतक्षेत्र नै मेरो सबथोक : बादल प्रसाई

संगीतक्षेत्र नै मेरो सबथोक : बादल प्रसाई

भिडियो हेर्नको लागि तलको बक्स या लिंकमा क्लिक गर्नुहस >>>>>>>>>

गायक बादल प्रसाई यूवा पुस्ताका एक चर्चित पप गायक हुन् । उनका गीतहरुमा जसरी दर्शक, स्रोताहरु झुम्छन् त्यसरी नै उनले आफ्ना फ्यानहरुलाई पनि माया गर्छन । ८ वर्षदेखि गायन क्षेत्रमा लागेका बादल प्रसाई पछिल्लो समय यूवा पुस्ताका ढुकढुकी समेत बन्दैं गएका छन् । झिल्केले धन्कायो बादल, फूलको हत्या जस्ता चर्चित गीतहरु बजारमा ल्याइसकेका बादलले हालै मात्र ‘मार हान्नेले’ नामक बोलको गीत बजारमा ल्याएका छन् । यो गीतको भिडियोको तयारीमा रहेका गायक बादलले ४० वटा भन्दा बढी म्युजिक भिडियोको निर्देशन गरिसकेको बताउँछन् । उनले नेपालका धेरै स्थानहरु घुम्ने अवसर यही गायन क्षेत्रमा लागेकोले पाएको हामीसँगको विशेष कुराकानीमा बताए ।

‘पहिले यो मेरो रहर आज आएर खान लाउने बाटो समेत बन्यो’, गायक बादल प्रसाईले अगाडी भने -‘मेरो सास रहुन्जेल सम्म यहि क्षेत्रमै जीवन विताउँने छु ।’ यसै बर्ष बिबाहको तयारीमा समेत रहेका गायक बादलले हामीसँगको कुराकानीमा भने -‘अब बूढो पनि भईयो यो बर्ष बिहे गरिन्छ होला ।’ उनले अगाडी यो कुरालाई स्पष्ट पार्दै भने -‘मेरो गलफ्रेण्ड हुनुहुन्छ र उहाँ सगैं यस बर्ष बिबाह गर्ने सोच बनाएको छु ।’ गायनमा एक सफल गायकको रुपमा आफुलाई स्थापित गराएका गायक बादल प्रसाई नेपाली संगीतक्षेत्रलाई व्यबस्थित बनाउँन नेपाली गीत, संगीतलाई हेर्ने विभिन्न संघ संस्थाहरुले एकजुट भएर काम गर्नु पर्ने पनि बताउँछन् ।