रेखा र सुवासको चर्चमा बिहे

तपाइले पढ्नुभएको शिर्षक वास्तविक जीवनको होइन । यो पौष २५ गतेबाट प्रदर्शनमा आउन लागेको चलचित्र ‘तथास्तु’मा समावेश दृश्यको हो । चलचित्रका मुख्य कलाकारद्धय रेखा थापा र सुवास थापाले चर्चमा बिहे गर्दै गरेको तस्बिर निर्माणपक्षले सार्वजनिक गरेको छ । यो दृश्यले दर्शकमा कौतुहलता जन्माउने विश्वास निर्देशक सविर श्रेष्ठको छ । चलचित्रमा किशोर खतिवडा र विज्ञान जोशी पनि छन् । रेखा थापालाई एक्सन भूमिकामा देखाइएको यो चलचित्रको ट्रेलरमा सुवास थापा खलपात्रको रुपमा देखिएका छन् । तर, यी दुबैको बिहे भएको तस्बिर सार्वजनिक गरेर यसको निर्माणपक्षले खुलदुली जन्माइदिएको छ । यही बर्ष प्रदर्शनमा आएको चलचित्र ‘हिम्मतवाली’मा एक्सन गरेर रेखा थापा चर्चामा छिन् । अब, यो चलचित्रमा पनि रेखाको यो अवतारलाई दर्शकले मन पराउने विश्वास सविरको छ । काइट्स इन्टरटेन्मेन्टको ब्यानरमा निर्माण भएको यो चलचित्रमा रामहरी धितालको पनि लगानी छ ।





Source : Feed news from Taja Khabar | Online Nepali News Portal http://ift.tt/1wgIQdU

via IFTTT

Labels: IFTTT, Taja Khabar | Online Nepali News Portal