Loading...

अपहरणको नाटक गर्ने धनकुटाका एक युवालाई प्रहरीले मंगलबार पक्राउ गरेको छ ।



पक्राउ पर्नेमा धनकुटा खुवाफोकका ताराकुमार तामाङ रहेको जिल्ला प्रहरी कार्यालय धनकुटाले जनाएको छ ।



हिमालय बैंकको धरान शाखाबाट ५ लाख रुपैयाँ झिकेर घर जाने क्रममा अपरिचित मानिसहरुको एक समूहले ४ पुसमा भानुचौकबाट अपहरण गरी जंगलमा लगेर अपहरण गरी पैसा लुटेर बीच जंगलमा लगेर छाडिदिएको भन्दै परिवारमा खबर गरेका थिए ।



परिवारबाट खबर पाएलगत्तै प्रहरीले उनको खोजी गरेको थियो । तर सामान्य अवस्थामा हिंडिरहेको अवस्थामा उनलाई एक दिनपछि प्रहरीले फेला पार्‍यो ।



प्रहरीका अनुसार बयानका क्रममा उनले साहु र परिवारले पैसा मागेर हैसान गरेपछि अपहरणको नाटक गरेको बताएका छन् ।



उनी १३ वर्षसम्म वैदेशिक रोजगारीका क्रममा मलेसिया बसेर फर्केका थिए । उनीविरुद्ध प्रहरीले सार्वजनिक अपराध ऐनअन्तर्गत मुद्दा दर्ता गराएको छ ।

Loading...