अभिनेत्री नम्रता श्रेष्ठ पत्रकार बनेकी छिन् । पत्रकारले जस्तै कुनै टेलिभिजनको ‘बुम’ समाएर क्यामेरामा रिपोर्ट कैद गर्दै गर्दा नम्रता भेटिएकी हुन् । तर यो कुरा यथार्थतामा भने होईन् । शुक्रवार सार्वजनिक गरिएको चलचित्र ‘सम्वोधन’को नयाँ गीतमा नम्रताले बुम समाएर रिपोर्टिङ गरेको देख्न सकिन्छ । भिडियोबाट नै नम्रता चलचित्रमा समेत सञ्चारकर्मीको भुमिकामा रहेको सहजै अनुमान लगाउन सकिन्छ । सार्वजनिक गीतमा नम्रताको साथमा यो चलचित्रबाट अभिनेता बनेका बिधार्थी नेता बिनय भट्टसँगै अभिनेता दयाहाङ राई पनि देखिएका छन् । गीतमा हेमन्त रानाको स्वर रहेको छ भने संगीत तथा शव्द जयन जेको रहेको छ । सरोज न्यौपानेले लगानी गरेको यो चलचित्रमा नम्रता, बिनय र दयाहाङसँगै प्रशान्त ताम्राकारको पनि प्रमुख भूमिका छ । चलचित्र तीजको छेकोमा भदौ ६ गते रिलिज हुनेछ । source : filmybazar भिडियो हेर्नुहोसः