Loading...

अहिलेकी व्यस्त नायिका प्रियंका कार्कीले ‘आवरण’ मा गाएको गीतको चर्चा सेलाउन न पाउदै उनले कोरियोग्राफ गरेको ‘कक्टेल जवानी’ बोलको गीतको भिडियो सार्वजनिक भएको छ । श्रावन २ बाट सार्वजनिक हुने ‘पुन्टे परेड’ को आइटम गीतमा नायिका कार्कीले संयम , निलूं र सरोज संगै सब्बु बलामीलाई नृत्य गराएकी छिन । ‘हामीले यो गीतमा आइटम गीतलाई अलि फरक तरिकाले प्रस्तुत गरेका छौ , दर्शकले आइटम गीतमा पनि साडी देखाएका छौ’ नायिका कार्कीले कोरियोग्राफी बारे बताइन । साथै उनले आइटम गीतमा छोटा कपडामै मात्र ग्लामर प्रस्तुत न हुने भन्दै यसलाई कलात्मक शैलीमा प्रस्तुत गरिएको समेत नायिका कार्कीले थपिन । फिल्मका निर्देशक सुवास कोइरालाले पनि फिल्ममा मनोरंजन संगै संदेश पनि दिने भएकाले आइटम गीतमा ग्लामरलाइ कलात्मक रुपमा प्रस्तुत गरेको बताए । ‘हाम्रो कथा एसएलसी सकेर कलेज पढ्न गाएको बिधार्थीको हो , उसको सोचाइ , इक्षा र चाहनालाई यसमा देखाउने प्रयत्न गरेका छौ’ निर्देशक कोइरालाले फिल्मको सारांस बारे बताए । सुवासको निर्देशनमा तयार भएको पहिलो फिल्म ‘अपवाद’ हो , जसलाई दर्शक र समिक्षक दुबैले रुचाएका थिए । साहन मुभी मेकर्स र आइडियाज एण्ड इमेजेज प्रा. लि. को ब्यानरमा निर्मित यस फिल्मलाई हरि महत संगै सुरज कोइराला र अनिल अधिकारीको लगानी रहेकोछ । फिल्ममा प्रियंका बिशेष भूमिकामा देखिएकी छिन भने उनि संगै संयम पुरी , एन्जिला दाहाल , निलु डोमा शेर्पा , रबिन्द्र खड्का , स्वेता थापा , गीता अधिकारी , सरोज श्रेष्ठ , नाजिर हुसेन संगै प्रियंका बिशेष भूमिकामा देखिएका छन् । यो परिकल्पना निलु डोमा शेर्पाको रहेको छ भने यसमा पटकथा तथा सम्वाद शान बस्न्यातको रहेको छ । दर्शना आर्ट्सले बितरण गर्ने यो फिल्म ट्रेलर र यसका डायलग अहिले युवा पुस्ता माझ चर्चा बटुल्दै छ

- merojilla.com

Loading...